WAKULIMA WA CHAI RUNGWE WAKUSUDIA KUNUNUA KIWANDA CHA CHAI KATUMBA

WAKULIMA WA CHAI RUNGWE WAKUSUDIA KUNUNUA KIWANDA CHA CHAI KATUMBA

 

habari na francis godwin 

Kiwanda kinachokusudiwa kununuliwa na wakulima wadogo wa chai Rungwe
Wakulima wakichuma chai yao
Timu ya wanahabari kutoka mkoa wa Iringa na Dar

WAKATA wakulima wadogo wa chai wilayani Mufindi na Njombe wakiendelea kulia na unyanyasaji wanaoupata kutoka kwa makampuni makubwa ya chai kwa kununua chai yao chini ya kiwango ,chama cha wakulima wadogo wa chai wilayani Rungwe mkoani Mbeya wanatarajia kununua kiwanda cha wakulima Tea Compani (Katumba ) ili waweze kukimiliki kama njia ya kuepukana na manyanyaso ya makampuni dhidi ya wakulima wa zao hilo imefahamika.

Wakulima hao wadogo wa chai Rungwe wamefikia hatu hiyo kama njia ya kuepukana na manyanyaso ambayo wameendelea kuyapata ikiwa ni pamoja na kuuza chai yao kwa bei ya chini zaidi .

Akizungumza na timu ya wanahabari mwenyekiti wa chama hicho cha wakulima wadogo wa chai Rungwe Johnson Mwakasege alisema kuwa pamoja na changamoto mbali mbali ambazo wakulima wa chai wamekuwa wakizipata ila kwa upande wa wakulima wa chai Rungwe wameendelea kunufaika zaidi na kilimo cha chai kupitia msaada mkubwa wanaoupata kutoka taasisi ya utafiti wa chai Tanzania (TRIT) kwa hisani ya jumuiya ya Ulaya (EU) hivyo wamepanga kuepuka manyanyaso hayo na hivyo kukusudia kununua kiwanda cha chai Katumba ili waweze kumiliki wenyewe.

Alisema kuwa kwa sasa wakulima hao wa chai wadogo wanamiliki kiwanda hicho kwa hisa alisimilia 30 na asilimia 70 inamilikiwa namwekezaji huku mipango yao kwa mwakani kuweza kumiliki hisa zote 100 katika kiwanda hicho.

Mwenyekiti huyo alisema kuwa kiwanda hicho cha katumba wanakusudia kununua kwa shilingi bilioni 2.6 na tayari mazungumzo yameanza na ikiwezekana mwakani 2013 wakulima hao wataanza kuendesha kiwanda hicho.

Kwani alisema kuwa lengo la wakulima wa chai Rungwe ni kuweza kuwawezesha wakulima kuwa na sauti kubwa katika kiwanda hicho na kuweza kuongeza malipo ya chai kutoka shilingi 206 ambazo wanalipwa sasa na kufikia bei nzuri zaidi itatayomwamasisha mkulima kuweza kupanua mashamba zaidi ya chai .

Hata hivyo alisema kuwa chama hicho cha wakulima wadogo wa chai Rungwe kwa sasa kina mtaji wa zaidi ya shilingi bilioni 1.5 kutoka kiasi cha shilingi milioni 10 ambazo wakulima hao walikuwa nazo mwaka 1998 walipo anza umoja huo .

Mwakasege alisema kuwa mbali ya kukusudia kununua kiwanda hicho bado wakulima hao wadogo wameweza kujenga ofisi yao ya kisasa kwa kiasi cha shilingi milioni 500 kama njia ya kujiimarisha zaidi .

Aidha alisema kuwa chama hicho cha wakulima wa chai Rungwe kimetenga kiasi cha shilingi milioni 50 kwa ajili ya mapambano dhidi ya UKIMWI wilayani humo ili kupunguza vifo vya vijana vinavyotokana na ugonjwa wa UKIMWI na kupelekea kupunguza nguvu kazi ya Taifa na kuwaacha wazee wakiendelea kubeba mzigo mkubwa wa kuhudumia mashamba ya chai .

MWISHO

HII NI AIBU KUBWA KWA WABUNGE WASIO NA MADEREVA

HII NI AIBU KUBWA KWA WABUNGE WASIO NA MADEREVA

 

habari kwa hisani ya francis godwin mzee wa matukio 

Spika wa bunge Anne Makinda

BAADA ya kushindwa kuwalipa madereva wao aibu nyingine yaibuka kwa kwa wabunge wa bunge la jamhuri ya muungano wa Tanzania ni baada ya baadhi ya wabunge hao ambao walikuwa wakijiendesha wenyewe kudaiwa kuwatumia madereva wasio na sifa (madeiwaka) kuwaendesha pindi wanapokwenda bungeni kama njia ya kuficha aibu ya kujiendesha wenyewe.

Pamoja na wabunge hao kukwepa aibu hiyo ya kujiendesha bado baadhi ya wabunge ambao wamekuwa wakiongoza kwa kuwalipa fedha chini ya kiwango madereva hao wametishia kuwafukuza kazi madereva wao iwapo watatoa siri ya malipo kidogo wanayolipwa kwa sasa jamboleo jumapili limeelezwa.

Madereva hao wameueleza mtandao huu wa www.francisgodwin.blogspot.com kuwa baada ya kutolewa kwa siri ya malipo ambayo wabunge hao wamekuwa wakiwalipa madereva ,wabunge hao wamekuwa wakiwatolea vitisho mbali mbali kwa madai kuwa malipo kidogo ambayo wanalipwa kwa sasa ni makubaliano ya wawili hivyo iwapo siri hizo zitavuja kwa vyombo vya habari basi watafukuzwa kazi .

Wakizungumza na mwandishi wa habari hizi kwa sharti la kutotaja majina yao madereva hao walisema kuwa wabunge hao wameanza kutoa vitisho mbali mbali kwa madereva wao kwa madai kuwa iwapo watawataja majina wataharibu sifa kwa wapiga kura wao .

Alisema mmoja kati ya madereva hao kuwa iwapo wabunge hao wataendelea kuwapunja maslahi yao basi watakosa uvumilivu dhidi yao na badala yake watawaanika majina yao kama ambavyo walivyo kusudia kufanya hivyo kama njia ya kudai haki yao.

Kuwa kama wabunge hao watachukia na hatua hiyo basi watawaachia magari yao huko huo bungeni na wao kurudi majimboni kufanya kazi za kilimo badala ya kuendelea kutumikishwa bila malipo ya maana .

“Tunaomba wabunge wetu ambao ndio mabosi wetu kuwa na huruma na kuacha vitisho kwetu …kwani iwapo tutafanya kazi kwa kutishana sisi madereva ndio ambao tunaweza kuwatisha wao zaidi kwani siri zao zote tunazijua na hatutaki kuzitoa sasa ila kama watatumia jazba na kutufukuza basin a sisi tutaona ni vema liwalo na liwe tutawaanika”

Kwani alisema kuwa kwa kuwa sehemu kubwa ya madereva hao wanaopunjwa haki yao ni wabunge wanatokea katika majimbo husika iwapo mbunge atawafukuza kazi kwa wao kusema ukweli juu ya posho ndogo wanazowalipa basi watakwenda kuwashtaki kwa wapiga kura majimboni .

“Hata hapa tunavumilia tu kwani siri za wabunge sisi ndio tunaozitunza sasa wao kama watatanguliza hasira mbele badala ya utu sisi tutakwenda mwaga sumu majimboni kwani wakiwa majimboni wanajisifia kuwa wametoa ajira kwa vijana kwa kazi hiyo ya udereva wakati hawatulipi chochote”

Undani wa habari hii utausoma kesho katika gazeti la Jamboleo jumapili

Wanaharakati nchini wamtembelea kumfariji Dk Ulimboka MOI

Baadhi ya wanaharakati anuai wakiwa na maua walipomtembelea Mwenyekiti wa Jumuiya ya Madaktari, Dk. Ulimboka kumfariji jana

Baadhi ya wanaharakati anuai wakiwa na maua walipomtembelea Mwenyekiti wa Jumuiya ya Madaktari, Dk. Ulimboka kumfariji jana

Dk.Ulimboka hali mbaya

DK. Steven Ulimboka, akiwa mahututi wodini

Hali ya Mwenyekiti wa Jumuiya ya Madaktari nchini, Dk. Steven Ulimboka ni mbaya na sasa madaktari wanatafuta Dola za Marekani 40,000 (Sh. milioni 63.07) ili aweze kupelekwa nje ya nchi kwa wakati wowote kuanzia sasa kwa ajili ya matibabu zaidi.
Katibu wa Jumuiya ya Madaktari nchini, Edwin Chitage, alisema hayo jana kwenye hospitali ya Taasisi ya Mifupa (MOI), alikolazwa Dk Ulimboka wakati madaktari bingwa wakitoa tamko la kutangaza mgomo wa madaktari bingwa wote wa mkoa wa Dar es Salaam, kuanzia jana.
Tamko hilo limefuatia madaktari hao kukutana jana katika kikao chao maalumu na kuitaka serikali ieleze mustakabali wa maisha yao kutokana na hofu waliyonayo, kufuatia daktari mwenzao kufanyiwa kitendo hicho cha kinyama.
Dk. Chitage alisema kuwa, wameamua kutafuta fedha hizo ili kuokoa maisha ya mwenzao ambaye hali yake imebadilika ghafla baada ya figo zake kushindwa kufanya kazi.
Hadi jana kiasi cha Sh. milioni 40/- kilikuwa kimepatikana kutokana na michango iliyochangwa na madaktari.
Aidha, wamewaomba madaktari na wadau wengine walioguswa na tukio hilo kujitokeza kuchangia fedha hizo ili kuokoa maisha ya daktari mwenzao.
Kwa mujibu wa daktari Bingwa wa Hospitali ya Taifa ya Muhimbili, Catherine Mung’ong’o, mgomo huo wa madaktari bingwa utaendelea mpaka hapo mwenzao atakapopona.
Alisema kutokana na hali ya mwenzao kubadilika ghafla, wakati wowote kuanzia sasa wanatarajia kumpeleka nje ya nchi kupitia Nairobi, Kenya.
“Hali yake imebadilika tofauti na jana (juzi), wakati tunatafuta fedha hizi, tunatarajia kumpeleka nje ya nchi ili kufanyiwa vipimo vingine ambavyo hapa nchini havipo,” aliongeza.
Daktari huyo aliongeza kuwa, wamefadhaishwa na kitendo hicho na wanalaani unyama aliofanyiwa daktari mwenzao.
MADAKTARI WALIOSIMAMISHWA
Katika hatua nyingine, madaktari hao bingwa walisema wamesikitishwa na kitendo cha serikali kuwasimamisha na kuwanyima mshahara madaktari kinyume cha taratibu kufuatia suala hilo kuwa mahakamani.
“Bunge lilisema linasubiri tamko kutoka mahakamani iweje hatua zianze kuchukuliwa wakati suala hili halijatolewa hukumu na mahakama, tunawataka wenzetu warudishwe kazini haraka,” alisema.
Alisema hata wabunge wanapojaribu kujadili suala hilo bungeni huzuiwa na Spika wa Bunge kwa madai kuwa bado lipo mahakamani.
Kwa upande wake, Mkurugenzi Mtendaji wa Kituo cha Sheria na Haki za Binadamu, Hellen Kidjo- Bisimba, alisema inashangaza hatua kuchukuliwa kabla ya mahakama kuamua.
“Serikali haijielewi iweje uchukue hatua kabla ya mahakama kutoa tamko ina maana Waziri Mkuu alivyosema liwalo na liwe ndio wanatimiza haya wanayoyafanya sasa ya kufukuza madaktari, wataalamu sasa wanagoma itakuaje, serikali ndio inasababisha mgogoro”, aliuliza.
WAUGUZI-SERIKALI ICHUNGUZE
Chama cha Wauguzi tawi la Taasisi ya Mifupa (MOI), kimesema kimesikitishwa na kitendo cha kinyama alichofanyiwa Dk. Ulimboka na kuiomba serikali ifanye uchunguzi wa kina na wa haraka ili kubaini wote waliohusika na sheria ichukue mkondo wake kwa waliohusika.
Katika hali isiyo ya kawaida jana MOI, ilifunga milango mikuu ya kuingia ndani ya jengo hilo na kusababisha ndugu kuacha vyakula vya wagonjwa wao kwa walinzi.
LANGO KUU MOI LAFUNGWA
NIPASHE Jumamosi jana ilishuhudia lango kuu la kuingilia kwenye jengo hilo likiwa limefungwa huku walinzi wa hapo wakiwa ndani na nje kuhakikisha ulinzi unakuwepo na hakuna mtu yeyote anayeingia zaidi ya madaktari.
Mmoja wa mwananchi aliyeleta chakula kwa mtoto wake ambaye hakutaka jina lake liandikwe gazetini kwa kuhofia mgonjwa wake kutohudumiwa, alisema kuwa, ameshangaa baada ya kufika hapo na kutakiwa na walinzi aache chakula mlangoni.
“Nimefika hapa lakini cha ajabu walinzi wale wameniambia niache chakula kwao na siruhusiwi kuingia ndani kumuona mgonjwa wangu, jamani serikali iliangalie suala hili, wananchi tunateseka kwa sababu tu wamegoma kuyasikiliza madai ya madaktari,” alisema.
Daktari mmoja aliyekutwa kwenye taasisi hiyo ambaye hakutaka jina lake liandikwe gazetini, alisema kuwa, inadaiwa wakati wa tukio kifaa kilichotumika kung’oa kucha na meno na kubinywa sehemu za siri kilikuwa ni koleo.
Kadhalika alisema kuwa, ameshangazwa na kitendo cha serikali kumteua mmoja wa watuhumiwa kuwepo kwenye tume inayochunguza tukio hilo.
Habari zilizofikia gazeti hili na kudhibitishwa na daktari huyo, zimesema kuwa, siku ya tukio, Dk. Ulimboka alitaka kuuawa kwa bastola lakini kutokana na kuzimia ghafla baada ya kipigo, watuhumiwa walidhani ameshakufa.
Baadhi ya watu waliomtembelea ni pamoja na Mwenyekiti Mtendaji wa Makamapuni ya IPP, Dk. Reginald Mengi, Hellen Kihjo Bi-Simba na Mkurugenzi wa Chama cha Waandishi wa Habari Wanawake nchini, (Tamwa), Ananalia Nkya.
MADAKTARI WATAKIWA KURUDI KAZINI IFIKAPO JULAI 2
Kufuatia mgomo wa madaktari unaoendelea nchini wa kuishinikiza serikali itekeleze madai yao, baadhi ya hospitali zimeanza kuwachukulia hatua watumishi wake kwa kuwataka waandike barua ya kurejea kazini.
NIPASHE Jumamosi ilishuhudia matangazo katika Hospitali za MOI, Muhimbili na Amana ukiwataka madaktari kuandika barua ya kuwataka kurudi kazini ifikapo Julai 2, mwaka huu.
Matangazo hayo yalikuwa yamebandikwa katika ubao wa matangazo katika hospitali hizo na wakuu wanaoziongoza hospitali hizo kwa watumishi wote.
Kwa mujibu wa tangazo hilo, baada ya kuandika barua hizo wametakiwa kusubiri maelekezo.
“Uongozi umepokea maelekezo kwamba watumishi ambao hawakuwepo kuanzia Juni 25, mwaka huu wanatakiwa kuandika barua ya kurejea kazini ipitie kwa Mganga Mkuu wa hospitali kupitia kwa Mganga Mkuu wa Manispaa kwenda kwa Mkurugenzi “imesema sehemu tangazo hilo na kuongeza:
Wakizungumza na gazeti hili, baadhi ya madaktari wa hospitalini hapo waliokutwa wakiendelea na kazi, walisema kuwa, hatua iliyofikiwa hivi sasa itasababisha kuwepo kwa mkanganyiko kati ya madaktari waliogoma na wale wanaoendelea na kazi.
Mmoja wa madaktari ambaye hakutaka jina lake liandikwe gazetini, alisema kuwa, madhara ya mgomo huo ni makubwa kwa sababu, baadaye kutakuwepo na makundi mawili.
“Kwa kweli hali sio nzuri na hii itafanya waliogoma watuone sisi kama ni wasaliti kwao kwa sababu tunaendelea na kazi, lakini hata kwa wagonjwa wetu nao wamekuwa hawatuamini wanaona kama tunaofanya kazi hatufanyi kwa moyo,” alisema daktari huyo.
Aliongeza kuwa, upungufu wa madaktari kwa sasa umesababisha wale waliobaki kufanya kazi bila kupumzika.
Kwa mujibu wa muuguzi aliyekutwa wodi ya wanaume ya upasuaji hospitalini hapo alisema kuwa, toka juzi jumla ya wagonjwa watatu ndio waliopokelewa hapo na kwamba huduma zinaendelea kutolewa kwa wagonjwa kama kawaida.
WAGONJWA WAZUNGUMZA
Akizungumza na mwandishi mmoja wa wagonjwa wodini hapo, alisema huduma zinaendelea ingawa sio za kuridhisha.
Katika hospitali ya Taifa ya Muhimbili, baadhi ya madaktari wameeleza kuwa, hali ilipofikia imewakatisha tamaa ya kuendelea kufanya kazi na kwamba wapo tayari kwa lolote.
Mmoja wa madaktari hospitalini hapo ambaye hakutaka jina lake liandikwe gazetini alisema kuwa, asilimia kubwa ya madaktari wenzake alioongea nao wamekiri kukata tamaa kuendelea na kazi hiyo.
“Mgomo ulipoanza baadhi ya huduma zilikuwa zinatolewa lakini baada ya Dk. Stephen Ulimboka kujeruhiwa, huduma zimesitishwa, hii ni aibu kwa serikali yetu, ” alisema mmoja wa madaktari ambaye hakutaja jina lake liandikwe gazetini.
Katika hospitali ya Mwananyamala, baadhi ya wananchi waliliambia gazeti hili kuwa, hospitalini hapo mgomo unafanyika chini chini.
Mwanamke aliyekutwa ndani ya hospitalini hapo ambaye ana mgonjwa aliyelazwa wodi namba nne, anayesumbuliwa na moyo, alisema kuwa, toka juzi wamekuwa wakipata lugha mbaya kutoka kwa wauguzi huku baadhi wakiwataka wawahudumie wenyewe wagonjwa wao.
“Mgonjwa wangu anapumulia mashine cha ajabu juzi asubuhi nimefika hapa na uji muuguzi akaniambia niuache watampa, mchana nilivyokuja na uji mwingine, niliukuta ule wa asubuhi haujatumika umechacha, nilipomuuliza muuguzi akaniambia nimnyweshe mwenyewe, hata dawa nilizoandikiwa kuzinunua hazijatumika kwa mgonjwa,” alisema mwanamke huyo ambaye ameomba jina lake lisiandikwe gazetini.
Aidha, alisema kuwa, baada ya kauli hiyo, mfanyakazi mwingine wa kiume hospitalini hapo ndiye aliyetoa msaada kwake kwa kumuelekeza jinsi ya kumlisha mgonjwa kwa kutumia mpira.
Kwa upande wa hospitali ya Temeke NIPASHE Jumamosi ilikuta baadhi ya wagonjwa wakiendelea na huduma kupitia kwa watumishi ambao hawajagoma.
HINDU MANDAL YAZIDIWA WAGONJWA
Katika hatua nyingine, hospitali ya Hindu Mandal jana imelazimika kukataa wagonjwa baada ya kuzidiwa na kusababisha wale wanapelekwa hapo wakitoka hospitali za serikali kutopokelewa.
NIPASHE ilishuhudia jana saa tano asubuhi mgonjwa mmoja akirudishwa baada ya ndugu zake kufika hospitalini hapo na kuambiwa kuwa wodi zimejaa.
KAMBI YA UPINZANI YAMJIA JUU SPIKA
Kambi Rasmi ya Upinzani Bungeni, imemjia juu Spika wa Bunge, Anne Makinda, ikidai kuwa amekuwa akitumia nafasi yake kuilinda serikali bungeni kwa kuzuia mjadala kuhusu mgomo wa madaktari unaoendelea nchini kote na kutekwa nyara kwa Dk. Steven Ulimboka, kwa kisingizio cha kuwapo kesi mahakamani inayohusu mambo hayo.
Mnadhimu wa Kambi hiyo, Tundu Lissu, aliwaambia waandishi wa habari mjini hapa jana kuwa kutokana na hilo, hawako tayari kuruhusu jambo hilo kwa kuwa linakiuka kanuni za Bunge.
Ili kuonyesha kuwa wako makini juu ya jambo hilo, Mbunge wa Ubungo (Chadema), John Mnyika, alisema jana kuwa atatumia siku ya leo kuwasilisha hoja ya kutaka suala hilo lijadiliwe na Bunge.
Alisema iwapo hatua hiyo itakwama, watachukua hatua, ambazo zitakuwa ni ujumbe tosha.
Awali, Lissu, ambaye ni Mbunge wa Singida Mashariki (Chadema), alisema anashangazwa na hatua ya Spika Makinda kuilinda serikali bungeni wakati akijua wazi kuwa jambo lililopo mahakamani halihusiani na Jumuiya ya Madaktari Tanzania pamoja na kutekwa nyara kwa Dk. Ulimboka.
“Tangu jana (juzi), tukinyanyuka ili kuweza kutaka kupata ufafanuzi wa jambo hili Spika Makinda, amekuwa akituambia kaa chini hili jambo hili lipo mahakamani, kwa hakika anachokifanya ni kinyume cha kanuni za Bunge.
“Tunapata shida sana leo hii huwezi kusema jambo lipo mahakamani wakati huo huo serikali imekuwa ikiwafukuza madaktari kazini, uonevu hapana na tutatumia kanuni hizi hizi leo hii kuweza kufikisha ujumbe juu ya jambo hili ili liweze kujadiliwa na Bunge,” alisema Lissu.
Akizungumzia jaribio la mauaji dhidi ya Dk. Ulimboka, Lissu alisema inahitajika tume huru kuundwa ili kuchunguza suala hilo.
“Tume hiyo tunahitaji Mwenyekiti wake awe jaji wa Mahakama Kuu au Rufaa na wajumbe wake watoke taasisi zinazoaminika mbele ya jamii kama Chama Cha Wanasheria wa Tanganyika.”.
VIONGOZI WA DINI WALAANI
SIKU tatu baada ya kutekwa na kujeruhiwa vibaya kwa Dk. Steven Ulimboka, viongozi wa dini nchini wamelaani kitendo hicho, huku wakiinyoshea vidole serikali.
Askofu Mkuu wa Kanisa la Anglikana Tanzania, Dk. Valentino Mokiwa, alisema alitamani sana kuingilia kati mazungumzo kati ya serikali na madaktari hao.
“Binafsi nilikuwa na mpango wa kukutana na viongozi wa madaktari hao kuzungumza nao ili warejee kazini hasa ikizingatiwa kuwa kazi hiyo ni ya wito huku mazungumzo ya amani na serikali yakiendelea.
Ningepata fursa ya kuzungumza nao, Mungu angejalia huenda haya yaliyotokea yasinge tokea,” alisema Askofu Dk. Mokiwa.
Akizungumza kwa tahadhari ya kutomnyooshea kidole mtu au taasisi kuhusika na tukio la Dk. Ulimboka, Dk. Mokiwa alisema inasikitisha kuona watu wakidai vitu vya msingi lakini wananyamazishwa kwa njia zisizo halali.
Hata hivyo, alisema kuwa hata kama kuna vitu vya msingi vinavyodaiwa na madaktari hao, njia ya kutumia mgomo waliyotumia ni mbaya kwani wangeendelea na njia ya mazungumzo tu na serikali.
Alisema wale waliohusika na tukio hilo, Mungu amewaona na wale waliofanya mgomo kwa kukomoana tu, Mungu pia amewaona.
“Serikali inalazimika kuwasikiliza madaktari hao vitu vyao vya msingi wanavyodai. Hatuwezi kujengeana utamaduni wa kufumbiana midomo kwa kupigana…” alisema Askofu Dk. Mokiwa na kusisitiza kuwa yuko tayari kuzungumza na pande zote katika kuhakikisha madaktari hao wanarejea kazini.
Kwa upande wake Sheikh Mkuu wa Tanzania Mufti Issa Shaaban Simba, alisema amesikitishwa sana na tukio alilofanyiwa daktari huyo. Alisema kama watu wanadai vitu vyao vya msingi na nchi ikafikia hatua hiyo, itakuwa ni nchi ya hatari sana.
“Nalaani sana kitendo hiki, wahusika wasakwe hadi wapatikane na kuchukuliwa hatua,” alisema.
Alfajiri ya Jumatano wiki hii, katika msitu wa Mwabwepande uliopo nje kidogo ya jiji la Dar es Salaam, wasamaria wema walimuokota Dk. Ulimboka akiwa hajitambui na kisha kukimbizwa katika hospitali ya Muhimbili ambako anaendelea kupatiwa matibabu kwenye chumba cha wagonjwa mahututi.
BUGANDO HUDUMA ZIMEDORORA
WAKATI Hospitali ya Rufaa ya Bugando imetekeleza agizo la serikali la kuwatimua madaktari walio katika mafunzo ya vitendo ambao wanashiriki mgomo ulioenea maeneo mbalimbali nchini, Mkurugenzi wa hospitali hiyo Dk.Charles Majinge amekiri huduma za matibabu hospitalini hapo kudorora.
Aliwaambia waandishi ofisini kwake jana kuwa, Dk.Majinge alisema kwamba jumla ya madaktari 63 walio katika mafunzo kwa vitendo katika hospitali hiyo na ile ya mkoa wa Mwanza Sekou Toure wameondolewa na kurejeshwa wizarani kutokana na kushiriki mgomo.
Alisema kwamba kwa kiasi fulani hatua hiyo imeathiri huduma za matibabu licha ya kwamba madaktari bingwa waliopo hospitalini hapo wanajitahidi kufanya kazi zilizokuwa zinafanywa na madaktari hao waliogoma.
Kwa mujibu wa Dk.Majinge, hadi sasa madaktari waliokuwa katika mafunzo kwa njia ya vitendo ambao wametimuliwa kutoka Hospitali ya Rufaa ya Bugando ni 47 na kwamba wamerejeshwa wizarani kwa maelekezo ya serikali.
KCMC HALI TETE
Hali ya utoaji huduma katika hopitali ya rufaa ya KCMC, mjini Moshi, imezidi kuwa tete, kutokana na wagonjwa kupata huduma kwa kusuasua huku wahudumu wa afya na wauguzi wakilemewa na mzigo mkubwa.
Taarifa kutoka ndani ya hospitali hiyo zinaeleza kuwa wauguzi nao wamelemewa na mzigo, ambapo madaktari wanaofanya kazi ni wale ambao kwa imani zao za kidini na raia wa nje hawaruhusiwi kugoma ndio wanaohudumia wagonjwa.
Hata hivyo, idadi ya wagonjwa imepungua sana na baadhi ya wodi kuwa wazi, kutokana na wagonjwa wengi walioonekana kuwa na nafuu kuruhusiwa kuondoka hospitalini humo tangu mwanzo wa mgomo, huku kukiwa hakuna huduma kwa wagonjwa wa nje.
Mmoja wa madaktari aliye kwenye mgomo, alisema kwa ujumla hali si nzuri kwani hakuna madaktari na wagonjwa wachache waliopo wodini hawapati huduma inavyotakiwa, wanje ndio kabisa kliniki zote zimefungwa, kwani madaktari wachache sana ndio wanaendelea na kazi na wanaelekea kulemewa na mzigo.
MOROGORO YALAANI ULIMBOKA KUPIGWA
Baadhi ya wananchi Mkoa wa Morogoro, wametoa maoni yao kuhusiana na kitendo cha kutekwa na watu wasiojulikana na kumpiga na kumjeruhi Mwenyekiti wa Jumuiya ya Madaktari Tanzania, Dk Stephen Ulimboka.
Ally Saleh mkazi wa Kihonda alilaani kitendo hicho kilichofanywa na kueleza kuwa ni cha kinyama huku akihusisha kuwa lazima kitakuwa na mkono wa serikali kwa nia ya kutaka kuwavunja nguvu madaktari hao ambao wameonyesha msimamo wao katika kutetea maslahi yao.
Naye Esther Mhina, ambaye ni mmoja wa wanachama wa mtandao unaojihusisha na kusaidia watu wenye ulemavu, alisema kuwa kitendo hicho kinaonyesha jinsi gani nchi isivyokuwa na demokrasia na utawala bora watu ambao wanadai maslahi yao wanafanyiwa vitendo vya kinyama.
Alisema kuwa suluhisho la vitendo hivyo ni wananchi kuindoa serikali iliyopo madarakani ambayo inaongozwa na Chama cha Mapinduzi (CCM) kwakuwa imekuwa ikishindwa kusaidia watalaam wake pamoja wananchi na badala yake imekuwa ikiwaneemesha vigogo wake ambao kila kukicha wanakwiba fedha .
Taarifa hii imeandaliwa na Romana Mallya na Beatrice Shayo, Dunstan Bahai,
Dar es Salaam, Muhibu Said, Dodoma, George Ramadhan, Mwanza, Salome Kitomary, Moshi.
CHANZO: NIPASHE

Kituo cha afya chakatiwa umeme, wajawazito wajifungua na chemli

Ofisa Tabibu wa Kituo cha Afya Songwa, Bundala Nandule akifanya mazungumzo na Mwandishi wa Mtandao wa Thehabari.com kijijini Songwa

Baadhi ya majengo ya Kituo cha Afya kilichopo Kata ya Songwa, Wilaya ya Kishapu mkoani Shinyanga kama linavyoonekana pichani

Na Joachim Mushi, Thehabari.com-Kishapu
KITUO cha Afya kilichopo Kata ya Songwa, Wilaya ya Kishapu mkoani Shinyanga kimekatiwa umeme kwa takribani miezi saba sasa kikidaiwa bili ya umeme na TANESCO ya jumla ya sh. 38,000 hali inayowabebesha mzigo wa gharama wananchi wanaofika kupata huduma kituoni hapo.
Wagonjwa wanautibiwa usiku katika kituo hicho hasa wanawake wajawazito wanalazimika kugharamia mafuta ya taa kwenye chemli za kituo au kuchangia sh. 1200 kabla ya huduma yoyoto ili kupatikana mwanga unaowawezesha wahudumu kufanya kazi zao usiku.
Akizungumza na Thehabari.com juzi kijijini Songwa, Jamila Nyalulu mkazi wa eneo hilo alisema wananchi wasio na uwezo wa kuchangia mafuta ya taa hasa kwa huduma za uzazi wamekuwa wakipata tabu, jambo ambalo limekuwa likihatarisha maisha yao kiafya.
Ofisa Tabibu wa Kituo hicho, Bundala Nandule amekiri hali hiyo inakwamisha ufanisi wa utoaji huduma za afya hasa kwa wagonjwa wa usiku au wanaopumzishwa na kuongeza kuwa tarari wameripoti suala hilo katika uongozi wa Halmashauri ya Kishapu lakini bado linafanyiwa kazi.
“Tatizo la umeme linatusumbua kwa kweli hasa mgonjwa anapokuja kupata huduma usiku. Wagonjwa wa kawaida hulazimika kuja na tochi, lakini kwa wajawazito wanatakiwa kuja na fanta moja (chupa ya soda) ya mafuta ya taa au aje na sh. 1200 kwa ajili ya ununuzi wa mafuta hayo kabla ya huduma,” alisema Nandule.
Hata hivyo akizungumzia tatizo hilo, Kaimu Mkurugenzi wa Wilaya ya Kishapu, Lucas Said alisema wanamshangaa Mkuu wa Kituo hicho cha afya kushindwa kufuatilia malipo ya bili katika ofisi za halmashauri kwani cheki ya malipo ya bili hiyo iliandikwa tangu mwaka jana (2011).
“Kituo hicho kilikuwa kinadaiwa sh. 38,000 na cheki iliandikwa tangu mwaka jana lakini wahusika hawajatokea ili wakabidhiwe cheki hiyo…huu ni uzembe,” alisema kiongozi huyo wa Halmashauri ya Kishapu.
Kituo cha afya cha Songwa kinatoa huduma kwa zaidi ya vijiji vitatu vya Wilaya ya Kishapu, ambavyo ni pamoja na Kijiji cha Songwa, Bushola, Seseko na baadhi ya zahanati zilizopo jirani na kituo hicho.
*Habari hii imeandaliwa na Mtandao wa Thehabari.com (www.thehabari.com) kwa kushirikiana na Mtandao wa Jinsia Tanzania (TGNP).

WAZIRI MKUU ATAKA WAJASIRIAMALI WAWE MAKINI

WAZIRI MKUU ATAKA WAJASIRIAMALI WAWE MAKINI

 

Waziri Mkuu, Mizengo Pinda akifurahia moja kati ya viatu vilivyoonyeshwa kwenye banda la Mareshi Shoe Maker  katika kilele cha sherehe za kutoa ruzuku kwa wajasiliamali waliofanya vizuri  katika Progamu ya fanikiwa kibiashara zilizofanyika kwenye viwanja vya Mnazi mmoja jijini Dar es salaam Juni 30,2012.Kulia kwake ni Waziri wa Nchi, Ofisi ya Waziri Mkuu, Uwezeshaji na Uwekezaji, Dkt, Mary Nagu na kulia Mwenyekiti  wawa Taasisi  ya Sekta Binafsi Tanzania, Mama Ester Mkwizu. (Picha na Ofisi ya Waziri Mkuu)

 

 

WAZIRI MKUU Mizengo Pinda amewataka wajasiriamali wa kati na wadogo nchini wawe waangalifu na makini katika biashara wanazopanga kuzifanya kama kweli wanataka kufanikiwa maishani na akawaonya wale waliopata mbegu mtaji kuchukua tahadhari zaidi.

 

Ametoa onyo hilo leo mchana (Jumamosi, Juni 30, 2012) wakati akizungumza na wajasiriamali kutoka mikoa yote ya Tanzania Bara na Visiwani ambao walihudhuria sherehe za kutoa zawadi kwa washiriki wa Programu ya Fanikiwa Kibiashara (Business Development Gateway - BDG) kwenye viwanja vya Mnazi Mmoja jijini Dar es Salaam.

 

“Naomba niwatahadharishe kuwa ujasiriamali unataka umakini wa hali ya juu. Mmoja wa Wajasiriamali mashuhuri huko Marekani aliwahi kutoa tahadhari kwa kusema: "Business is like oil, it won't mix with anything but Business" akimaanisha kwamba biashara ni kama mafuta ya kulainisha mitambo (oil) ambayo hayachanganywi na kitu kingine chochote, isipokuwa oil yenyewe. Tunahitaji uangalifu na umakini katika kufanya biashara zetu bila kuchanganya na mambo mengine

 

Amesema mtu anapochukua mkopo kwa nia ya kuanzisha biashara kisha akaamua kuoa mke wa tatu au kununua gari kwa kutumia fedha hiyo ya mtaji ni lazima atakwama kwa sababu atakuwa amechakachua dhima nzima ya ile biashara yake.

 

Alisema katika mabanda ya maonesho aliyotembelea leo, ameona changamoto kuu tatu ambazo zinahitaji kuangaliwa haraka ili kuinua soko la bidhaa za wajasiriamali hao.

 

Alizitaja changamoto hizo kuwa ni ukosefu wa vifungashio bora, ukosefu wa alama za viwango kutoka shirika la viwango nchini (TBS) na ukosefu wa alama ya biashara (bar code) katika bidhaa zao. “Bidhaa zenu ni lazima ziwe na vifungashio vizuri vyenye mvuto ili mnunuzi ashawishike kununua.”

 

“Nawasihi mfuate masharti ya shirika la viwango nchini ili bidhaa zenu zikubalike,  waoneni wahusika ili mpate bar code kwenye bidhaa zenu. Bidhaa zenu zikiwa na bar code zitakubalika kokote ulimwenguni,” alisisitiza.

 

Waziri Mkuu pia alisema anatatizwa na changamoto moja kuu ambayo ni ya kuhakikisha mpango wa BDG unaendelezwa ili uwanufaishe watu wengi zaidi. “Mpango huu umefikia mwisho, na umedumu kwa miaka minne tu. Mwenyekiti wa TPSF itabidi tuangalie hata uwezekano wa kukopa ili jambo hili zuri lisiishie hapa,” alisema.

TCRA ARUSHA YAFANIKIWA KUKUTANA NA WADAU WAKE NA KUWAELEZA UMUHIMU WA KUTUMIA DIGITALI NA SIO ANALOJIA

baadhi ya wadau wakifuatilia mada katika mkutano baina ya TCRA na wananchi wa mkoa wa Arusha wakiwemo madiwani

PICHA ZOTE NA ROSE JACKSON,ARUSHA

Marehemu Willy Edward aagwa leo viwanja vya mnazi mmoja jijini Dar

Marehemu Willy Edward aagwa leo viwanja vya mnazi mmoja jijini Dar

picha zote kwa hisani ya blogu ya issa michuzi

 Baadhi ya Wahariri wa Vyombo mbali mbali vya Habari hapa nchini wakijiandaa kushusha jeneza lenye mwili wa Mhariri wa Gazeti la Jambo Leo,Marehemu Willy Edward Ogunde aliefariki dunia mwishoni mwa wiki mkoani Morogoro.Shughuli ya kuaga Mwili wa Marehemu Willy imefanyika leo katika viwanja vya Mnazi Mmoja Jijini Dar na baadae ikafuatia safari ya kwenda Nyumbani kwao Mara kwa Mazishi.

 Mchungaji akiongoza ibada ya Kuaga Mwili wa Marehemu Willy Edward leo.

 Mwenyekiti wa Jukwaa la Wahariri nchini,Absalom Kibanda akisoma historia fupi ya Marehemu Willy Edward wakati wa Kuaga mwili wake leo kwenye Viwanja Vya Mnazi Mmoja jijini Dar.

 Katibu wa NEC,Itikadi na Uenezi (CCM),Nape Nnaupe akizungumza kwenye shughuli hiyo ya kuaga Mwili wa Marehemu Willy Edward.

 Mwenyekiti wa Chama cha Wananchi (CUF),Prof. Ibrahim Lipumba akitoa neno kwa wafiwa wakari wa shughuli ya Kuaga mwili wa Marehe Willy Edward leo.

 Mwenyekiti wa Makampuni ya IPP,Dkt. Reginald Mengi akimpa pole Mkurugenzi Mtendaji wa Kampuni ya Jambo Concepts ambao ni Wachapishaji wa Magazeti ya Jambo Leo,Juma Pinto wakati wa Shughuli ya Kuaga mwili wa Marehemu Willy Edward ambaye alikuwa ni Mhariri wa Gazeti la Jambo leo,iliyofanyika leo kwenye Viwanja vya Mnazi Mmoja,Jijini Dar.

Mwenyekiti wa Makampuni ya IPP,Dkt. Reginald Mengi akitoa heshima zake za mwisho kwa Mwili wa Marehemu Willy Edward ambaye alikuwa Mhariri wa Gazeti la Jambo Leo aliefariki ghafla huko mkoani Morogoro mwishoni mwa wiki.

Katibu wa NEC,Itikadi na Uenezi (CCM),Nape Nnaupe akitoa heshima zake.

Bw. Athuma Hamis akitoa heshima za mwisho kwa Mwili wa Marehemu Willy Edward.

Mwenyekiti wa Chama cha Wananchi (CUF),Prof. Ibrahim Lipumba akitoa heshima zake za mwisho kwa Mwili wa Marehemu Willy Edward ambaye alikuwa Mhariri wa Gazeti la Jambo Leo aliefariki ghafla huko mkoani Morogoro mwishoni mwa wiki.Hafla hii ya kuaga imefanyika mchana huu katika viwanja vya Mnazi Mmoja,Jijini Dar.

Mwili wa Willy Edward ukiwekwa katika sehemu yake tayari ibada ya kuaga.

Waombolezaji wakitoa heshima zao za mwisho.

Ankal akiwa na Mwanalibeneke Francis Godwin

Ankal akisabahiana na Mwenyekiti wa Chama cha Wananchi (CUF),Prof. Ibrahim Lipumba,Katibu wa NEC,Itikadi na Uenezi (CCM),Nape Nnaupe pamoja na Mwenyekiti wa Makampuni ya IPP,Dkt. Reginald Mengi.

Ankal akiwa katika mazungumzo na Katibu wa NEC,Itikadi na Uenezi (CCM),Nape Nnaupe.

Baadhi ya Wahariri wa Vyombo Mbali mbali vya habari nchini wakiwa katika picha ya pamoja.

Mwenyekiti wa Jukwaa la Wahariri nchini,Absalom Kibanda akibadirishana mawazo na Mkuu wa Masoko wa Benki ya NMB,Iman Kajura.

Mwili ukipakiwa kwenye gari tayari kwa safari ya Mara kwa Mazishi.

Waombolezaji.

WATANZANIA WATAKIWA KUHAMA KATIKA MIFUMO YA ANALOJIA KUJA DIGITALI

mkuu wa wilaya ya Meru akifafanua jambo wakati wa mkutano wa TCRA na wadau wake jijini Arusha mapema leo

hawa ni wadau mbalimbali wa mkutano huo wakiwa wanafuatilia baadhi ya mada kwa makini sana ambapo baadhi yao ni madiwani wa manispaa ya Arusha,picha zote na Rose Jackson,Arusha

 HABARI NA ROSE JACKSON,ARUSHA

WAtanzania wametakiwa kujiandaa kuhama katika mfumo wa mabadiliko ya
anaelojia kwenda katika mfumo wa digital ambao hadi ifikapo desemba
31 mwaka huu matangazo ya anaelojia yatazimwa rasmi.
Akizungumza na waandishi wa habari mjini hapa mkurugenzi mkuu wa
mamlaka ya mawasiliano Tanzania (tcra)bw Frederick Ntobi amaesma kuwa
kuanzia januari 2013 wananchi hawataweza tena kutumia mfumo uliopo wa
sasa wa anaelojia.
Amesema kuwa ili kwenda na utandawazi uliopo hadi ifikapo januari 2013
dunia nzima itakuwa imehama katika mfumo wa kutumia anaelojia katika
luninga zao hivyo ni vema wananchi wakaanza kujipanga mapema ili
kuhakikisha kuwa kila mtu anafikiwa na huduma hiyo.
Amengeza kusema ku wa ili mfumo huoi ukamilike ni vema jamii
ikahakikisha kuwa lazima inakuwa na kifaa kiitwacho kingamuzi ambacho
ndicho kinatumika katika kubadilisha mfumo ili kuweza kufanikiwa
katika ubadilishaji huo.
Bw ntobi ametaja faidsa ya kutumia mfumo huo kuwa ni pamoja kuwa na
matumizi bora ya masafa ,kupata huduma bora za ziada mfano kulipia
bili ya umeme,kutuma pesa pamoja na kupata intenet pindi uwapo kwenye
luininga zao
Pia alitaja faida ingine kuwa ni pamoja na kuongezeka kwa ajira kwa
kuwa mfumo utachangia kuongezeka kwa makampuni nmengi ya utangazaji.

mwiosho .

Binti asimulia mamaye alivyouawa kinyama

Ni ukatili usioelezeka, ni kukosa hata chembe ya ubinadamu, hii ni simulizi ya kutisha ya binti aliyeshuhudia mama yake akicharangwa mapanga kutokana na imani za kishirikina.
Hakuna uchungu zaidi duniani ambao mwanadamu huupata pale anapofiwa na mmoja wa wazazi wake awe mama ama baba.
Uchungu huu huupata bila kujali kuwa kifo hicho kimesababishwa ama na maradhi au na umri kufikia kikomo na hivyo kwa vyovyote vile kama binadamu anapaswa kuondoka duniani kama mola alivyopanga.
Hakika, kufiwa na mzazi ni kama mwisho wa yote na kama kungekuwa na uwezekano, kila mmoja angependa wazazi wake waendelee kuishi milele!
Kama hivi ndivyo, hebu fikiria msichana huyu, Tatu Michael (19), mwanafunzi wa kidato cha nne katika Shule ya Sekondari Lwenzira, iliyopo Wilaya ya Geita mkoa mpya wa Geita, aliyeshuhudia mama yake mzazi, Esther Konya (55), akiuawa kikatili na kundi la watu kwa kucharangwa mapanga kutokana na imani potofu za kishirikina yu katika hali gani ya majonzi na ameathirikaje kisaikolojia.
Mama wa mwanafunzi huyo, ni mmoja wa wanawake vikongwe wanne waliouawa kwa mpigo Mei 10, mwaka huu katika kitongoji cha Chenzumla kijiji cha Lwenzera wilayani Geita kutokana na imani za kishirikina.
Mkoa mpya wa Geita, ni miongoni mwa mikoa ya Kanda ya Ziwa ambayo jamii yake imejenga imani kubwa kwamba kila kifo ama ugonjwa unapotokea katika familia zao, husababishwa na mkono wa mtu kwa maana kurogwa! Mikoa ambayo mauaji ya namna hii yamekithiri ni Shinyanga na Mwanza.
Vikongwe wengine waliouawa pamoja na Konya kutokana na imani hizo na nyumba pamoja na mali zao zote kuteketezwa kwa moto ni Lolensia Bangili (70), Kulwa Mashana (65) na Roza Masebu (65).
Chanzo cha mauaji hayo ya kikatili ni mtoto Diana Salu (5), kuuawa na kuliwa fisi, tukio ambalo wanakijiji walilihusisha na imani za kishirikina ya kwamba mnyama huyo alikuwa amefugwa kimazingara na mmoja wa vikongwe hao.
Baada ya mtoto Dina kuuawa na fisi huyo Mei 9, mwaka huu, saa 1:30 usiku, ndipo wanakijiji walipopiga yowe maarufu kama `mwano’ kwa lugha ya Kisukuma na kuanza kumsaka fisi huyo mla watu.
Hata hivyo, walipomfurumusha fisi huyo katika vichaka vya kijijini hapo, aliwapotea jirani na nyumba ya mmoja wa vikongwe hao, jambo lililowafanya wanakijiji waamini kuwa ameingia ndani ya nyumba ya kikongwe na hivyo wakaanza kumshambulia bibi huyo kwa mapanga na shoka hadi walipomuua.
Wanakijiji hao hawakuishia hapo, walikwenda katika nyumba ya kila kikongwe moja baada ya nyingine na kufanya mauaji hayo pamoja na kuteketeza nyumba zao kwa moto.
Msichana Tatu, alikuwa ni shuhuda wa mama yake akicharangwa mapanga kikatili hadi alipokata roho kama anavyosimulia mbele ya mwandishi wa habari hizi aliyetembelea kijiji hicho hivi karibuni.
“Siku moja kabla ya tukio la kuuawa kwa mama yangu majira ya saa moja jioni, nilikuwa nauza uji katika kijiwe chetu cha Lwenzira.
Nilikuwa nikifanya biashara hiyo kwa lengo la kutafuta fedha za ada ya mtihani wa taifa na mwisho wa kuwasilisha tulielezwa kwamba ni Mei 21, mwaka huu,” ndivyo alianza kusimulia msichana Tatu, ambaye wazazi wake walitengana miaka kadhaa iliyopita hivyo yeye akabaki chini ya uangalizi wa mama yake.
Anasema wakati akiendelea na biashara yake, alifika kijiweni hapo mtoto Dina Salu, akanunua karanga na kuondoka kuelekea nyumbani kwao maeneo ya kijijini hapo.
Hata hivyo, anasema baada ya dakika chache, alitokea kijana mmoja akiendesha pikipiki na kuwaeleza waliokuwa wakifanya biashara pale kijiweni kwamba yule mtoto (Dina), amebebwa na fisi.
Anasema punde si punde ulipigwa `mwano’ (yowe) ambapo wanakijiji walikusanyika mara moja na kutangaziwa mkasa huo, hivyo walianza mara moja kumfuatilia fisi huyo vichakani lakini aliwapotea.
“Nami niliamua kukusanya vifaa vyangu vya biashara na kuondoka haraka kuelekea nyumbani. Nilipofika mama alinihoji kelele zinazopigwa pale kijijini zilihusu nini, nami nilimsimulia kuwa kuna mtoto amechukuliwa na fisi,” anaeleza Tatu.
Anaongeza: “Mwano huo uliendelea hadi alfajiri ya siku iliyofuata (Mei 10, mwaka huu), na baadaye zilitolewa taarifa kwamba mabaki ya mtoto Dina, yameonekana vichakani huku mguu na sehemu zake za siri zikiwa zimetafunwa.
Anasema baada ya hapo, kuna kundi la watu lililobaki pale kwenye mwili wa mtoto na kundi lingine hususan vijana, lilianza kuzunguka kijijini kwenye nyumba za vikongwe ambao wamekuwa wakiwatuhumu kuwa ni wachawi.
“Muda si mrefu, kundi hilo lilifika katika nyumba yetu na mmoja wao alisema `ndiyo hapa kwa `mkukulu’, yaani kikongwe na hivyo kundi hilo la vijana takriban mia mbili, likasimama,” anasema na kufafanua kuwa wakati huo mama yake, alikuwa ni mmoja wa waliobaki eneo uliopo mwili wa mtoto aliyeliwa na fisi.
“Niliwauliza watu hao kwanini wanasema hapa hapa kwani kuna nini, ambapo nilijibiwa kwa jazba na mmoja wao kuwa niache upumbavu na uchawi wetu,” anafafanua.
Kwa mujibu wa Tatu, watu hao ambao baadhi aliwafahamu kwa sura, kila mmoja alikuwa amebeba silaha yake yakiwemo mapanga, shoka, marungu, fimbo na wengine majembe.
Tatu anasema mmoja kati ya watu hao, alikuwemo kijana mmoja ambaye aliwahi kumtaka kimapenzi, lakini alimtolea nje kwa kuwa malengo yake ni kusoma.
“Mara nikasikia, lete nyasi na kibiriti tuwashe moto nyumba yake. Muda si muda, nikaona moja ya pembe ya nyumba yetu inawaka moto na kona nyingine pia zikafuatia,” anasema.
Anaongeza: Kwa ujasiri mkubwa, nilikimbilia ndani kuchukua begi langu la nguo lakini yule aliyewahi kunitaka kimapenzi, alinikimbiza na kuninyang’anya kisha akalitupia ndani ya nyumba iliyokuwa ikiteketea kwa moto huku akisema ujanja wangu leo umefikia kikomo.”
Ndani ya begi, Tatu anasema kulikuwa pia na Sh. 58,000 alizokuwa amezikusanya kutokana na biashara yake ya uji kwa ajili ya ada ya mtihani wake wa kidato cha nne na Sh. 100,000 za mama yake alizopewa na binti yake mkubwa, Felister Michael, kwa ajili ya matumizi.
“Nikakumbuka tena kuwa ndani ya nyumba yetu iliyokuwa ikiteketezwa kwa moto, kulikuwa na sare zangu za shule na madaftari. Hivyo niliamua kujitosa ndani na kwenda kuvichukua, lakini watu wale wasiokuwa na huruma, walininyang’anya na kivirushia ndani ya moto!,” anasema kwa masikitiko makubwa.
Anasema kitendo cha kumchomea madaftari yake kilimsononesha mno kwa kuwa atashindwa kujisomea yale aliyokuwa akifundishwa na walimu wake.
Kwa mujibu wa Tatu, mali na vyakula vyote vilivyokuwemo ndani ya nyumba yao, viliteketezwa kwa moto. Tatu anasema wakati akihaha kujaribu kuokoa madaftari, sare na fedha za ada na matumizi huku watu hao wakimnyang’anya na kuvitia ndani ya moto, baadhi ya akina mama wachache waliofika eneo la tukio, walimuonya kuwa akimbie pamoja na wadogo zake kwani kundi hilo la watu wenye hasira, lingehatarisha pia maisha yao.
“Niliwakusanya watoto watano na kwenda kujificha chini ya mwembe mita chache kutoka katika nyumba yetu na kuendelea kushuhudia ikiteketea kwa moto,” anasema.
Hata hivyo, anasema wakati yote hayo yakiendelea, mama yake aliyekuwa katika eneo ulipo mwili wa mtoto Dina, aliyeuawa na fisi, alifika katika nyumba yake akiwa ameshikilia kandambili mkononi na kukuta ikiteketea kwa moto huku kundi kubwa la watu likiwa limezingira eneo lake.
“Mama alianza kupiga yowe na kuwahoji watu hao sababu za kuchoma moto nyumba yake ambayo aliijenga kwa nguvu zake baada ya kutengana na mumewe. Alisema kwanini wanachoma nyumba yake ataiishi wapi na wanawe?,” anasema Tatu kwa huzuni.
Anasema alipotamka hivyo tu, baadhi ya watu katika kundi hilo walisema: “Kumbe ndiye huyu? Na bila kupoteza muda, walimvamia na kuanza kumcharaza mapanga, shoka na wengine wakimshambulia kwa fimbo.”
“Sitasahau katika maisha yangu yote siku ile maana niliona kwa macho yangu mama akicharangwa mapanga mithili ya mnyama.
Mmoja alikata mapanga katika miguu yake yote mpaka mifupa ikatokeza nje akadondoka chini na mwingine akamcharanga panga kichwani,” anasema Tatu kwa uchungu mkubwa huku akimwaga machozi na kumfanya dada yake, Felister Michael (27), naye abubujikwe machozi mfululizo.
Anaongeza: “Baada ya mama kuanguka chini, walimuona bado anahema, mmoja wa watu hao akasema kwa sauti ‘kumbe bado’, ndipo alipomcharanga panga katikati ya tumbo na mama akakata roho mimi nikishuhudia pamoja na wadogo zangu pale katika kichaka cha mwembe tulipojificha,” anasema na kuzidi kububujikwa machozi.
Itaendelea kesho
CHANZO: NIPASHE

Sekondari za Kata Handeni zachochea mimba kwa wanafunzi

Baadhi ya wanafunzi wa Shule ya Sekondari ya Kata ya Komnyang'anyo wakitembea barabarani kuelekea kwenye makazi yao vijiji mbalimbali vinavyoizunguka shule hiyo

Na Joachim Mushi, Thehabari, Handeni
WANANCHI wilayani Handeni wameilalamikia mazingira magumu kimiundombinu ya shule za sekondari za kata katika wilaya hilo na kudai ndiyo chanzo cha kuongezeka kwa mimba kwa wanafunzi na kukatisha masomo.
Kauli hiyo imetolewa kwa nyakati tofauti katika mahojiano ya baadhi ya wakazi wa Handeni na mwandishi wa habari hizi ndani ya uchunguzi uliofanywa hivi karibuni maeneo anuai ya wilaya hiyo kwa ushirikiano na Chama cha Wanahabari Wanawake (TAMWA).
Abdulah Mwamponda Mkazi wa Kijiji cha Msasa, wilayani Handeni alisema shule nyingi za kata zimejengwa mbali na makazi ya wanafunzi jambo ambalo linawapa mzigo wazazi na wanafunzi kujitafutia usafiri wa kwenda na kurudi shuleni.
Alisema katika kijiji hicho wapo wanafunzi ambao hutembea umbali wa kilometa 12 na hata 20 kila siku kuanzia Jumatatu hadi Ijumaa kwenda na kurudi shuleni, umbali ambao umekuwa na vishawishi vingi hasa kwa wanafunzi wa kike kiusafiri.
Alisema usafiri katika vijiji hivyo ni wa baiskeli na pikipiki (bodaboda) ambao wazazi wengi wanashindwa kugharamia hivyo watoto kutembea kwa umbali huo, huku wakati mwingine wakishawishika kupewa msaada wa lifti na madereva wa bodaboda ambao baadaye huanza kushirikiana nao kimapenzi.
Mzazi Fatuma Shaban kutoka Kijiji cha Komnyang’anyo alisema wanafunzi wengi huondoka nyumbani kwao saa 10 za asubuhi na kurudi usiku kutokana na umbali huo huku wengine wakishinda shuleni bila chochote kutokana na uduni wa maisha ya kaya nyingi eneo hilo.
Mwalimu Mkuu wa Shule ya Sekondari Kilimani, Rajab Nyange alisema katika shule hiyo iliyopo Kata ya Vibaoni nje kidogo ya Mji wa Handeni wapo wanafunzi wanaotoka vijiji vya mbali takribani kilimeta sita hadi 10 kutoka nyumbani kwao, ambao hutembea kilomita 20 kila siku yaani kwenda na kurudi shuleni jambo ambalo linaibua vishawishi kwa wanafunzi.
“Mzazi anashindwa hata kumpa mtoto wake sh. 100 au 200 kila siku ya shule kwa ajili ya kula chochote awapo shuleni, je ataweza kumlipia mtoto huyo gharama za usafiri ambazo ni za juu zaidi kutokana na umbali kutoka kijiji kimoja hadi kingine,” alihoji Nyange.
Mkurugenzi wa Halmashauri ya Wilaya ya Handeni Hassan Mwachibuzi anasema Ofisi yake haina taarifa za ubakaji wa moja kwa moja japokuwa anakiri kuwepo kwa vitendo vya utoro kwa wanafunzi wote kwa sababu mbalimbali. Anasema pamoja na hayo utoro waweza kuingiliana na ukatishwaji masomo kwa mimba.
Kiongozi huyu anakiri suala la umbali wa shule huchangia vishawishi kadhaa vya wanafunzi hasa wa kike kukumbwa na vikwazo kadhaa katika masomo yao. Hata hivyo anabainisha kuwa uongozi unajitahidi kulitatua suala hilo kwa kuongeza ujenzi wa hosteli kwa wanafunzi katika shule za kata ili wanafunzi waondokane na vikwavyo anuai.
Aliongeza kuwa tayari wamejenga hosteli katika maeneo ya Kisasa, Kwamsisi, Misima, na kudai kuwa wanaendelea maeneo mengine kwa kushirikiana na wananchi na wahisani huku lengo ni kuhakikisha kila kata inakuwa na hosteli zake kwa ajili ya wanafunzi wanaotoka maeneo ya mbali na shule.

Wanaume wazikimbia familia kwa kisingizio cha ugumu wa maisha

Mhariri Mkuu wa Mtandao wa Thehabari.com, Joachim Mushi (kulia) akifanya mahojiano na moja ya familia Kijijini Msasa, Wilaya ya Handeni hivi karibuni.

Kaimu Ofisa Maendeleo ya Jamii wilayani Handeni, Zawadi Gwando akizungumza na Thehabari.com Ofisini kwake wilayani Handeni hivi karibuni.

Na Joachim Mushi, Handeni
BAADHI ya wanaume wamelazimika kuzikimbia familia zao kwa kisingizio cha ugumu wa maisha. Wanaume hao wamezitelekeza familia hizo na kuziacha na wake zao na wao kutokomea maeneo mbalimbali kusaka maisha.
Uchunguzi uliofanywa hivi karibuni mjini hapa na mwandishi wa habari hizi kwa kushirikiana na Chama cha Wanahabari Wanawake (TAMWA) umebaini kuwepo na familia nyingi ambazo zimetelekezwa na wanaume kwa kisingizio cha kwenda kutafuta maisha maeneo mengine.
Ofisa Mtendaji wa Kijiji cha Kwediyamba, Juma Abdul ambacho ni moja ya vijiji vyenye idadi kubwa ya familia zilizotelekezwa, alisema matukio ya utelekezaji familia kijijini hapo ni mengi na yamekuwa yakijitokeza kwa mitiozamo tofauti.

Moja ya nyumba ya familia iliyotelekezwa kijijini Msasa, Wilaya ya Handeni

Alisema kijiji hico kina kaya nyingi zilizotelekezwa na wanaume, huku likiwepo kundi lingine la wanawake waliozaa watoto na wanaume bila kufunga ndoa na baadaye wanaume kutoweka kwa madai wamekwenda kutafuta maisha maeneo mengine. Naye Ofisa Mtendaji wa Kijiji cha Kidereko, Shaban Muya alisema matukio ya utelekezaji familia kwa kisingizio cha ugumu wa maisha hasa kwa vijana wanaoingia kwenye ndoa ni mengi katika kijiji hicho jambo ambalo limewalazimu kuanza kampeni ya kutaka wazazi wawawezeshe vijana wao wanapoingia kwenye ndoa.
“Ofisi yetu imekuwa ikipokea malalamiko kama hayo mengi na kuangalia namna ya kusuluhisha kulingana na imani zao…kama ni Waislamu yakitushinda hupeleka Ofisi za BAKWATA mjini Handeni na kama ni Wakristu huangalia taratibu za dini hiyo pia, lakini zipo familia zinatelekezwa ama wanatengana na wenza wao na mwanamke anaendelea kuhudumia familia bila kulalamika, eneo kama hilo viongozi hatuwezi kuingilia,” alisema Muya.
Vijiji ambavyo vimetembelewa na kushuhudia idadi kadhaa ya familia zilizotelekezwa ni pamoja na Kwediyamba, Kivesa, Msasa, Komnyang’anyo, Kidereko, Vibaoni na Kwachaga.
Naye Kaimu Ofisa Maendeleo ya Jamii wilayani Handeni, Zawadi Gwando, alisema kesi za malalamiko ya utelekezaji familia eneo hilo ni nyingi jambo ambalo limeifanya idara hiyo kutumia muda mwingi kushughulikia migogoro ya utelekezaji familia.
“Vitendo vya utelekezaji familia vipo vingi, kwa kutwa unaweza kushinda ukipokea kesi za utelekezaji familia tu hadi mwisho wa kazi…tatizo asilimia kubwa ya wakazi wa mji huu ni Waislamu ambao unakuta wana wake zaidi ya mmoja…sasa inatokea mume anatelekeza baada ya kuona hali ngumu ya maisha,” alisema.
Hata hivyo, Bi. Gwando ameshauri mamlaka za sheria kuangalia upya sheria na adhabu zinazotolewa kwenye kesi za migogoro ya ndoa kwani adhabu nyingi haziendani na wakati jambo ambalo huenda linawapa kiburi watuhumiwa wa makosa kama hayo.
Uchunguzi umebaini baadhi ya watoto kutoka familia zilizotelekezwa wameshindwa kuendelea na masomo hasa ya Sekondari kwa kile mama kukosa kipato cha kutosha kuwasomesha watoto alioachiwa na mumewe.

WAONESHENI WAHALIFU UPENDO NA PIA WAPENI ELIMU

Na Queen Lema,ARUSHA

IMEELEZWA kuwa machafuko ndani ya jamii nyingi yanazidi kuongezeka kwa
kuwa asilimia kubwa ya wanajamii waliowengi wanawatenga wahalifu
mbalimbali badala ya kuwapa elimu ambayo itawafanya waweze kuacha
uhalifu wao

Kauli hiyo imetolewa na Mchungaji Steve Robert Kutoka Tanga wakati
alipokuwa akiongea na wananchi wa kijiji cha kwa Muorombo Kata ya
Terrat Mkoani Arusha mapema jana

Bw Robert alisema kuwa kwa sasa hakuna elimu yoyote ambayo inatolewa
kwa watu ambao wanahasi jamii hali ambayo inawafanya hata baadhi yao
kutengwa huku uhalifu ukiwa unakithiri sana

Alifafanua kuwa endapo kama jamii ingekuwa na Muongozo imara hasa
katika eneo hilo la Kwa Muorombo basi hata idadi ya uhalifu nayo
ingepungua sana kwa kuwa kila mara wahalifu wa matukio mbalimbali
wangeweza kupatiwa mafunzo pamoja na madhara ya uhalifu

Alisema kuwa mtu ambaye ni muhalifu hapaswi kutengwa na jamii yake na
badala yake jamii inatakiwa kuonesha na kuimarisha zaidi upendo ili
waweze kufikia katika hatua za kuacha uhalifu ambao ndio chanzo
kikubwa sana cha umaskini

“leo hii unakuta eti mtu ni muhalifu lakini badala ya kupewa elimu
mbalimbali ya kumsaidia jinsi ya kuepukana na tabia hiyo anatengwa na
jamii na wakati nafasi mbalimbali zinatakiwa kutumikan ikiwemo nafasi
ya mashirika na Taasisi za Dini”aliongeza bw Robert

Pia aliongeza kuwa wananchi wanapswa kujua mbinu pekee ya kuweza
kukinzana na uhalifu wa aina mbalimbali ndani ya jamii husika ni
kuhakikisha kuwa wanatoa elimu kuanzia ngazi za familia kwa kuwa nazo
familia nyingi hazina utaratibu wa kuwaelezea watoto wao madhara ya
kuwa waharibifu na wavunjifu wa amani

Awali alitataja madhara ya kukithiri kwa uhalifu hasa wizi mdogo mdogo
kuwa ni pamoja na kuwepo kwa majanga makubwa sana ya umaskini ndani ya
jamii wakati taifa lina buni mbinu mbalimbali za kupambana na
Umaskini.

MWISHO

VIONGOZI WA DINI 2000 KUTOKA NCHI TANO KUTAFAKARI NA KUOMBEA CHANGAMOTO ZA TANZANIA

ASKOFU WA KANISA LA INTERATIONAL EVANGELISM CENTRE, ELIUD ISSAGYA

ZAIDI ya viongozi 2000 wa makanisa ya Intenational Evangelism kutoka kati nchi 5 wanatarajia kukutana jijini Arusha na kujadili changamoto mbalimbali za nchi ya Tanzania ikiwa ni pamoja na mabadiliko ya tabia za nchi,na hali ya maisha ya sasa kwa watanzania

Akiongea na waandishi wa habari mkoani hapa Askofu wa makanisa ya Intenational Evangelism Centre ya hapa nchini Bw Eliud Isangya alisema kuwa viongozi hao watakutana jijini hapa wiki ijayo

Bw Eliud alisema kuwa viongozi hao watajadili mambo mbalimbali ambayo kwa sasa yanaikabili sana nchi ya Tanzania ambapo changamoto hizo zinaweza kutatuliwa hata kwenye taasisi mbalimbali za dini badala ya kutegemea zaidi Serikali kwa kila kitu

Alisema kuwa mara mbali na kuweza kutatua changamoto mbalimbali ambazo zipo sana ndani ya jamii pia watafanya maombi kwa ajili yan kuombea nchi ya Tanzania pamoja na Zanzibar dhidi ya machafuko ambayo yanatokea kila mara.

“kwa sasa zipo changamoto kubwa sana ikiwemo changamoto ya mabadiliko ya tabia za nchi sasa kwa inawaasumbua wananchi wengi sana hasa wa vijijini lakini kama taasisi mbalimbali zikiwemo za dini zitawaamasisha hata waumini wake ni wazi kuwa jamii haitaweza kukumbwa na baa la ukame kwa maana hiyo tutajadili masuala kama hayo ambayo yanaitesa jamii za watanzania walio wengi”aliongeza Bw Eliud

Pia alisema kuwa taasisi mbalimbali za dini zinatakiwa kusaidia jamii kwa kuweza kuwa bunifu na kubuni vitu ambavyo ni mzigo kwa Serikali ili kuweza kuraisisha hata maendelo ya Miji na Majiji hapa nchini

‘kila siku wanasayansi wanabuni vitu vipya na vina uwezo wa kuwasaidia jamii kwanini sisi kama wadau wa nchi hii tusiwe wabunifu wa kusadia hata kuombea taifa katika majanga mbalimbali ambayo ni kikwazo cha maendeleo tunataka tufanye hivyo ili kurudisha hata vitu ambavyo vimepotea kwenye nchii hii ya Tanzania”aliongeza bw Eliud

Mbali na hayo bw Eliud alizitaka Taasisi nyingine za dini kuhakikisha kuwa kila mara zinayafanyia kazi changamoto ambazo zipo kwenye jamii kwa kuwa wao ndio wana nafasi kubwa sana ya kuweza kulikomboa taifa la Tanzania

mwisho

DOLA BILIONI 148 ZINAPOTEA KILA MWAKA KUTOKANA NA RUSHWA NDANI YA NCHI ZA AFRIKA

.

IMEELEZWA  kuwa kiasi cha dola za Kimarekani Bilion 148huwa zinapotea ndani ya Nchi za bara la Afrika kila mwaka kutokana na kuwepo kwa mianya mingi ya rushwa  na badala yake fedha hizo zinapelekwa katika nchi za Ugaibuni hali ambayo inasababisha madhara makubwa sana kwa wananchi wan chi hizo.

Hayo yameelezwa na mkurugenzi mkuu wa Taasisi ya kuzuia na kupambana na Rushwa (TAKUKURU)Dkt Edward hosea wakati akizungumza katika mkutano wa bodi ya ushauri wa masuala ya Rushwa kwa nchi za bara la Afrika mapema leo jijini hapa

Aidha dkt Hosea alisema kuwa kiwango hicho cha fedha hupotea kutokana na baadhi ya mianya ya Rushwa ambayo imo kwenye nchi hizo na badala yake fedha hizo zinapelekwa kwenye nchi za Ugaibuni

Alifafanua kuwa kutokana na hali hiyo ya upotevu wa fedha hizo unachangia kwa kiwango kikubwa sana hata kukithiri kwa rushwa ndani ya Nchi hizo hali ambayo nayo inachangia hata maendeleo duni ya nchi hizo za bara la Afrika

“hiki ni kiwango kikubwa sana cha fedha ambazo zinapotea kusikojulikana lakini mpaka sasa tumeshaanza kuweka mikakati mbalimbali ya kuhakikisha kuwa nchi za bara la Afrika hazikumbwi na rushwa ingawaje pia changamoto ya kupambana nayo ni kubwa sana”Aliongeza Dkt Hosea.

Katika hatua nyingine alisema kuwa mpaka sasa kwa Upande wa Serikali ya Tanzania tayari imeshaanza miachakato mbalimbali ya kujenga bodi ya kupambana na Rushwa ambapo mchakato huo pia utasaidia sana kupunguza wimbi kubwa sana la Rushwa hapa nchini.

Dkt Hosea alisisitiza kuwa ujenzi wa jengo la bodi hiyo ya kupambana na rushwa utaaanza mara baada ya Kupitishwa kwa bajeti yake ambapo jengo hilo litajengwa ndani ya eneo la Kisongo mkoani Arusha

“kwa sasa tunafurai sana kwa kuwa ujenzi wa jengo hili umeshawekwa katika mikakati na kitu ambacho tunasubiri ni bajeti yake na tunachokiamini ni kuwa kupitia bodi hii tutaweza kuendelea kudhibiti mianya ya rushwa ndani ya Nchi za bara la Afrika”aliongeza Dkt Hosea

‘Ashindwa kujiunga na Sekondari Handeni kwa kukosa ada’

Mwanafunzi Mwenjuma M. Magalu aliyechaguliwa kujiunga na Shule ya Sekondari Komnyang’anyo wilayani Handeni akimuonesha mwandishi fomu ya kuitwa shuleni

Mama wa mtoto huyo, Hadija Magalu

Na Joachim Mushi, Handeni
LICHA ya Serikali kuliarifu Bunge la Tanzania kuwa wanafunzi wote waliofaulu darasa la saba mwaka 2011 kutoka mikoa 12 tayari wamejiunga na kidato cha kwanza, imebainika bado kuna wanafunzi wameshindwa kujiunga na shule kutokana na kipato duni cha familia zao.
Mwenjuma M. Magalu aliyechaguliwa kujiunga na Shule ya Sekondari Komnyang’anyo wilayani Handeni ni miongoni mwa wanafunzi walioshindwa kujiunga na sekondari kutokana na mama yake kushindwa kumgharamia mahitaji ya shule.
Akizungumza na mwandishi wa habari hizi hivi karibuni kijijini Msasa, wilayani Handeni, katika utafiti uliofanyika kwa ushirikiano na Chama cha Wanahabari Wanawake (Tamwa), mama wa mtoto huyo Hadija Magalu aliyetelekezwa na mumewe kwa muda mrefu alisema ameshindwa kumsomesha mwanaye kutokana na kipato duni alichonacho.

Mwenjuma M. Magalu (kulia) akiwa na Bibi yake nyumbani kwao Kijiji cha Msasa, wilayani Handeni

Magalu alisema alipata taarifa za kufaulu kwa mwanae tangu Desemba 12, 2011 na kuanza kujikusanya taratibu lakini hadi muda wa kwenda shule ulipofika (Januari 9, 2012) alikuwa hajakamilisha baadhi ya vifaa vinavyohitajika shuleni vikiwemo fedha ya ada na michango mingine.
“Naweza kukuonesha hata baadhi ya vitu ambayo nilikuwa tayari nimenunua kama sare, kwanja na mahitaji mengine madogo madogo…aliyenikwamisha na kunivunja moyo ni babayake (baba wa mtoto), ambaye awali niliwasiliana naye kupitia kwa ndugu zake na kuahidi angenisaidia ada lakini hakufanya hivyo hadi muda wa kwenda shule ulipofika,” alisema Magalu.

Mume wa Magalu (jina tunalo) ametelekeza familia yake (watoto wanne) pamoja na mkewe kwa zaidi ya miaka minne sasa kwa kisingizio kwamba amekwenda nje ya Wilaya ya Handeni kutafuta maisha, huku mkewe akibaki akiangaikia familia hiyo.
“Tumekuwa tukisikia tu kwamba ameonekana kijiji fulani lakini ukifuatilia humpati, na mara nyingi anapowasiliana na ndugu zake ndio wanatupa taarifa zake…nami niliwasiliana naye mara ya mwisho nikimpata taarifa za mtoto kufaulu lakini hakutekeleza ahadi yoyote juu ya kunisaidia ada ya mtoto.

Michango iliyomkwamisha mwanafunzi Mwenjuma Magalu kujiunga na kidato cha kwanza ni ada ya sh. 20,000, fedha ya taaluma sh. 10,000, fedha ya madawati 15,000, fedha ya sweta sh.10,000, kitambulisho sh. 5,000, ulinzi sh. 5,000, tahadhari 5,000 pamoja na fedha kwa ajili ya nembo ya shule sh. 2,000.

Akihutubia Mkutano wa Saba wa Bunge la Tanzania lililomalizika hivi karibuni, Waziri Mkuu, Mizengo Pinda alisema kwa mujibu wa taarifa iliyotolewa kutoka mikoa 12 ya Arusha, Dar es Salaam, Dodoma, Iringa, Mara, Morogoro, Mwanza, Lindi, Kilimanjaro, Pwani, Ruvuma na Tanga, wanafunzi wote waliofaulu darasa la saba wamefanikiwa kujiunga na Kidato cha Kwanza.

Hata hivyo mwanafunzi Magalu kwa sasa anafanya vibarua kwa moja ya kampuni za Kichina zinazofanya ujenzi wa barabara inayopita Kijiji cha Msasa, kwa madai anatafuta fedha za ada na endapo akikamilisha atahakikisha anaendelea na elimu ya sekondari hapo baadae.

Mwandishi wa habari hizi alipojaribu kuzungumza na Mkurugenzi wa Halmashauri ya Handeni, Hassan Mwachibuzi alisema ofisi yake haina taarifa za mtoto huyo kushindwa kujiunga na shule, hivyo kumshauri mwandishi amueleze mtoto huyo kufika ofisi za halmashauri ili aweze kujieleza na ikiwezekana kusaidiwa.

“Kama huyo mtoto yupo mwelekeze aje pale ofisini kuna wataalamu wa utambuzi watamuhoji na kuangalia namna ya kumsaidia…sisi hatuna taarifa hizo na huenda wahusika wanatuficha,” alisema kiongozi huyo.