Kamati ya maendeleo ya Mirerani yatembelea nyumba 26 zilizoharibika kutokana na mvua zinazoendelea kunyesha

Diwani wa kata ya Mirerani Wilayani Simanjiro Mkoani Manyara,Justin Nyari akikagua nyumba ya mkazi wa mtaa wa Songambele,Katarina Selemani iliyoanguka kutokana na mafuriko yaliyotokea juzi na kuathiri baadhi ya nyumba na mazao ya wakazi wa kata hiyo.picha na Queen Lema,Simanjiro

                                     

Diwani wa kata ya Mirerani Wilayani Simanjiro Mkoani Manyara,Justin Nyari akimkabidhi mkazi wa mtaa wa Songambele,Katarina Selemani kifuta machozi baada ya nyumba yake kubomolewa na mafuriko juzi,huku akishuhudiwa na Mwenyekiti wa mtaa huo Ombeni Charles.

Kamati ya maendeleo ya Kata ya Mirerani Wilayani Simanjiro Mkoani Manyara, imetembelea maeneo yaliyoathirika na mafuriko yaliyosababishwa na mvua zinazoendelea kunyesha hivi sasa sehemu tofauti hapa nchini.

Akiongoza msafara huo juzi,Diwani wa kata ya Mirerani Justin Nyari aliwapa pole waathirika wa mafuriko hayo ambapo nyumba zaidi ya 26 na mazao mbalimbali yaliathirika kutokana na mafuriko hayo.

Akizungumza na baadhi ya waathirika hao,Nyari alisema ameshatoa taarifa kwa Kaimu Mkurugenzi mtendaji wa halmashauri ya wilaya ya Simanjiro,Patrice Saduka kwa ajili ya hatua zaidi ya kutatua tatizo hilo.

“Hatua ya kwanza tuliyochukua na WDC yangu ni kutembelea na kubaini sehemu zilizoathirika na kutoa taarifa wilayani na watamtuma mhandisi Agai,lakini kubwa zaidi mji wa Mirerani unapaswa upimwe,” alisema Nyari.

Hata hivyo,Diwani wa kata hiyo Nyari alimkabidhi kifuta machozi cha fedha mmoja kati ya waathirika wa mafuriko hayo,Katarina Selemani mkazi wa Songambele ambaye nyumba aliyokuwa anashi ilibomolewa na mafuriko hayo.

Naye,mwathirika mwingine wa mafuriko hayo Boniface Mboya,akizungumza mbele ya kamati hiyo alisema mafuriko hayo yameathiri eneo analoishi kwani miti 750 ilichukuliwa na mafuriko,miche 1,300 na maua 250 na choo kubomoka.

Baadhi ya waathirika wa mafuriko hayo walidai kuwa,mvua kubwa zilizonyesha kwenye maeneo tofauti ya mkoa wa Arusha,yamesababisha mafuriko hayo yaliyopitia Msitu wa Mbogo,Mbuguni hadi eneo hilo na kuelekea Majengo.

MWISHO.

TANROAD ARUSHA YALAZIMIKA KUTUMIA MILION 700 KUKARABATI BARABARA ZILIZOHARIBIKA VIBAYA NA MVUA

Na gladness ,Arusha

TANROAD ARUSHA YALAZIMIKA KUTUMIA MILION 700 KUKARABATI BARABARA ZILIZOHARIBIKA VIBAYA NA MVUA

WAKALA  wa barabara mkoa wa Arusha (TANROAD)umelazimika kutumia kiasi cha zaidi ya Milion 700 kutokana na baadhi ya barabara kuharibiwa vibaya na mvua ambazo zinazoendelea kunyesha Jijini hapa

Akiongea na “Malkia wa matukio”mapema jana meneja wa Tanroad mkoa wa Arusha,Bw Deusdedit Kakoko alisema akuwa wamelazimika kutumia fedha hizo kwa ajili ya kukarabati baadhi ya barabara

Kakoko alisema kuwa kwa kipindi hiki baadhi ya barabara zimeharibika vibaya sana huku hali hiyo ikisababisha baadhi ya watumiaji wa barabara kushindwa kutumia kwa ajili ya shuguli za kila siku.
“hizi milioni 700 zimelazimika kutumika ili kuweza kurekebisha miundo mbinu tena kwa haraka sana na kama tusingefanya hivyo ni wazi kuwa wananchi wanaotumia barabara hizi wasingeweza kupata msaadawa haraka ingawaje bajeti yetu haikuwa hivyo”alisema Kakoko

Alitaja Barabara ambayo zimeharibika vibaya kutokana na mafuriko  pamoja na mvua ambazo zinaendelea kunyesha Jijini hapa ni pamoja na barabara ya Monduli Lokisare,barabara ya pili ikiwa ni Makuyuni Ngorongoro,Barabara ya Tatu ni Karatu Kilimapunda.

Mbali na hayo Kakoko alisema kuwa pamoja na kuwa wamelazimika kutumia kiasi hicho cha fedha lakini pia kuna umuhimu mkubwa sana wa Halmashauri za Mkoa wa Arusha kuhakikisha kuwa wanatenga maeneo ya maegesho ya magari

Alisema kuwa kwa sasa TANROAD inapata wakati mgumu sana kwa kuwa baadhi ya maeneo ya miji hakuna maegesho hali ambayo wakati mwingine inasababisha  magari makubwa ya mizigo kuegeshwa katikatati ya Mji hali ambayo wakati miwingine inasababisha vurugu kubwa sana


Amezitaka Halmashauri kuacha kuona suala la kutenga maegesho kama ni suala la utani badala yake wahakikishe kuwa hata kama hawana maegesho ya magari wanayatenga kwa haraka sana kwa kuwasasa wapo baadhi ya madereva wanaofanya makosa kwa visingizo kuwa hakuna maegesho ya magari

“ni vema kama halmashauri zikahakikisha kuwa kila halmashauri inakuwa na maegesho lakini kama maeneo ya maegesho yatakwepwa ni wazi kuwa malengo ya Tanroad hayatafikiwa na badala yake yatasababisha vurugu ingawaje Arusha ni Mji wa Kimataifa”alisema Kakoko.

ANDIKENI HABARI ZA UCHUNGUZI ZAIDI ACHANENI NA HABARI ZA SEMINA NA MIKUTANO- MWOLEKA

ANDIKENI HABARI ZA UCHUNGUZI ZAIDI ACHANENI NA HABARI ZA SEMINA NA
MIKUTANO- MWOLEKA

WAANDISHI wa habari hapa Nchini wameaswa kuhakikisha kuwa wanajiwekea
utatibu wa kuandika zaidi habari za uchunguzi kuliko kurtegemea habari
za semina na mikutano kwani habari za mikutano na semina bado hazitoi
majawabu na changamoto kwa jamii

Endapo kama waandishi wa habari wa Tanzania wataweza kujiwekea utaribu
wa kuandika habari ambazo zina uchunguzi wa kutosha basi watakuwa ni
chanzo kikubwa sana cha maendeleo ya Nchi

Hayo yalielezwa Jana na Anjelo Mwoleka ambaye ni Mkurugenzi wa Jambo
Arusha Publisher wakati  akiongea na wahitimu wa fani ya uandishi wa
habari katika chuo cha uandishi wa habari Arusha (AJTC) katika maafali
ya sita ya chuo hicho yaliyofanyika chuoni hapo.

Aidha Mwoleka alisema kuwa kwa sasa kuna wimbi kubwa la waandishi wa
habari a wanajihusisha zaidi na masuala ya habari za Semina na
kuachana na habari za kiuchunguzi hali ambayo wakati mwingine ina
nyima haki za msingi za jamii kwa kuwa waandishi wa habari wana nafasi
kubwa sana ya kuibua maovu yanaoendelea kwenye Jamii

Alifafanua kuwa habari za uchunguzi ndani ya Nchi ya Tanzania ni
muhimu sana kwa maendeleo ya nchi hivyo basi wana habari hawapswi
kukimbia na badala yake wanapswa kuzipa kipaumbele kikubwa ili kuweza
kuruhusu changamoto kwenye sekta zote kujilikana

“kuwa mwandishi wa habari sio lazima uwe unajua ratiba za mikutano za
kila siku bali kuna maana kuwa unapaswa kujua na kutambua kuwa
unatakiwa lkuwa mchunguzi na hapo ndio kazi yako itakuwa na manufaa
makubwa sana kwa jamii hivyo basi habari za muhimu zinatakiwa kupewa
kipaumbele tena kikubwa sana ili nchi ya Tanzania iweze kufika mahali
ambapo inatakiwa kufika kama zilivyo nchi nyingine ambazo zimeendelea
duniani”aliongeza Mwoleka

Pia alisema kuwa ili wana habari waweze kufika malengo yao mbalimbali
wanapaswa kujiepusha na rushwa pindi wanapokuwa kazini kwani Rushwa
husababisha sana baadhi ya wananchi kukosa haki ya habari hapa nchini
hivyo kuruhusu wimbi kubwa sana la udanganyifu

Alifafanua kuwa endapo kama watakimbia Rushwa basi watachangia hata
wale watenda maovu kwenye jamii kuweza kuonekana kwa haraka sana hivyo
mlengwa wa haki ataweza kupata tofauti na pale ambapo watajihusisha na
rushwa

Awali wahitimu wa mafunzo hayo ya uandishi wa habari katika ngazi ya
cheti, na shahada walisema kuwa pamoja na kuwa chuo hicho kimewalea
katika maadili mazuri lakini bado wanakabiliwa na uhaba wa vifaa kama
vile Kompyuta, na Kamera kwa ajili ya mazoezi.

UGONJWA WA MAHINDI KUTOKA KENYA WAWAATHIRI WANANCHI KATA YA KIKWE MERU

Na Queen Lema, MERU

UGONJWA WA MAHINDI KUTOKA KENYA WAWAATHIRI WANANCHI KATA YA KIKWE MERU

ZAIDI ya Hekari 300 kutoka katika kata ya Kikwe Wilayani Meru mkoania
Arusha zimeharibiwa vibaya na ugonjwa mahindi kutoka Nchini Kenya
unaojulikana kama ugonjwa wa kusinyaa kwa mahindi hali ambayo itafanya
wakulima washindwe kupata mahindi wakati wa mavuno

Akiongea na “patapata”mapema jana diwani wa kata hiyo bw Emanuel
Silayo alisema kuwa hali hiyo ya ugonjwa ambayo imekumba kata hiyo ya
Kikwe inaashiria njaa kubwa sana kwa kuwa mazao ya mahindi shambani
hakuna huku wakulima wakiwa wameshapanda

Silayo alisema kuwa Miezi michache iliyopita wakulima waliweza kupanda
mazao ya nafaka hasa mahindi lakini baada ya mahindi kuchomoza
yalianza kushambuliwa na ugonjwa hadi kufa

Alisema kuwa pamoja na kuwa mahindi hayo yamekufa wakati wakulimna
wengi wamepanda kwa ajili ya mategemeo ya chakula katika eneo hilo la
Kikwe lakini mahindi machache sana yameweza kusalia hali ambayo bado
ni kiashirio kikubwa sana cha Njaa


Alifafanua kuwa kama tahadhari haitaweza kuchukuliwa kwa haraka sana
basi huenda wakati wa mavuno ndani ya mwaka huu kusiwe na mavuno
kabisa hivyo baa la njaa kuweza kutawala katika Wilaya hiyo ya Meru.

Akiongelea Ugonjwa huo wa mahindi kutoka nchini Kenya Afisa Kilimo
Wilaya ya Meru,Grace Solomoni alisema kuwa ugonjwa huo ni hatari sana
kwa kuwa unashambulia zao la mahindi hadi kufa lakini bado mkulima
anaweza kupata angalau kiasi kidogo

Grace alisema kuwa kwa mujibu wa taararibui za kilimo mara baada ya
shamba kuathiriwa na ugonjwa huo shamba linapswa kupumzishwa kwa
kipindi cha miaka mitatu ili vijidudu vife lakini kama wakulima
wataendelea kulima basi watasababisha  vijidudu hivyo kuzaliana kwa
wingi sana

TAASISI BINAFSI INAYOENDESHA MAFUNZO YABUNI UZIO WA KIENYEJI WA KUZUIA TEMBO KUINGIA MASHAMBANI UTAKAOGHARIMU MILIONI 400

TAASISI BINAFSI INAYOENDESHA MAFUNZO YABUNI UZIO WA KIENYEJI
WA KUZUIA TEMBO KUINGIA MASHAMBANI UTAKAOGHARIMU MILIONI 400

,Arusha

TAASISI binafsi inayoendesha mafunzo kwa kushirikiana na vyuo vya nje
(University Times Training Insititute )iliyopo mjini hapa imebuni mradi wa
kutengeneza uzio  wa kiasili  utakaogharimu  kiasi cha shilingi milioni mia
nne wa kuzuia tembo kutoharibu mazao ya binadamu mashambani.

Akizungumza na” MALKIA WA MATUKIO “  mkurugenzi wa taasisi hiyo bw Solomon Njiamoja
alisema kuwa mkakati huo  wa kuweka uzio huo utaanza kutekelezeka julai
mwaka huu katika maeneo ya vijiji  vya Serengeti.

Alisema kuwa chuo hicho kimeweza kubuni njia hiyo ya uzio wa kiasili ambayo
itakuwa tofauti na fensi ya umeme ambayo haitaweza kuathiri tembo
wanaozunguka hayo maeneo husika.


Aliongeza kuwa mara nyingi tembo wanapovamia mashamba ya watu ni bunduki
zinatumika kuwaua au kuwafukuza hali ambayo inafanya kupungua kwa idadi ya
tembo hao ambapo kupitia mradi huo utapunguza kwa kiwango kikubwa kwani
tembo hawataweza tena kupita mashambani na kuleta madhara kwa jamii.

 Alitaja faida zitakazotokana na uzio huo wa kienyeji kuwa ni pamoja na
kuokoa chakula ambacho kinaharibiwa na tembo pindi wanapoingia
mashambani,kuokoa maisha ya wakazi walioko maeneo hayo ,kuepusha migogoro
kati ya jamii na tembo pamoja na kuokoa fedha ambazo serikali ingetoa kama
fidia kwa wale walioathiriwa na tembo.

Aidha vijiji vitakavyonufaika na mradi huo ni pamoja na Nata,Mtakuja
,Biafra,Ruhamchanga na Bihonchugu  ambapo uzinduzi wa uzio huo utatangazwa
rasmi katika kongamano litalofanyika mapema nchini Marekani

SIMANJIRO YATAKIWA KUTUNGA SHERIA AMBAZO ZITAWALZIMISHA MIFUGO KUOGESHWA

SIMANJIRO YATAKIWA KUTUNGA SHERIA AMBAZO ZITAWALZIMISHA MIFUGO KUOGESHWA

Na Queen Lema,Simanjiro

Halmashauri ya Wilaya ya Simanjiro Mkoani Manyara,imetakiwa kutunga
sheria ndogo zitakazowalazimisha wafugaji kuogesha mifugo yao kwenye
majosho ili kuiepusha na vifo vinavyotokana na magonjwa ya kupe.

Hayo yalielezwa juzi na Mkurugenzi wa shirika la Cedesota,Jackson Muro
kwenye mafunzo ya kuwajengea uwezo,kusimamia mipango na ufufuaji wa
majosho,madiwani wa halmashauri ya wilaya ya Simanjiro mkoani Manyara.

Muro alisema endapo sheria hiyo ndogo ikipitishwa na halmashauri ya
wilaya hiyo,wafugaji watayatumia majosho hayo ambayo yapo kwenye
maeneo mengi lakini hayatumiki kwa kuoshea mifugo.



Alisema kwenye wilaya ya Simanjiro kuna majosho mengi ya kuoshea
mifugo lakini wafugaji hawayatumii ipasavyo,hivyo wanapaswa
kuwashinikiza ili wayatumie majosho yao kwa kuoshea mifugo yao.



“Bila hivyo itakuwa kazi kubwa kwani wafugaji wengine watakuwa
wanaogesha mifugo yao na inapokuwa kwenye malisho inachanganyana na
isiyoogeshwa hivyo kuambukizana na watakuwa wanawapa hasara wenzao,”
alisema Muro.



Hata hivyo,Diwani wa kata ya Shambarai Alais Edward alisema tayari
Baraza la madiwani wa halmashauri ya wilaya hiyo wameshapitisha azimio
la kupitisha sheria ndogo ya kuwataka wafugaji waogeshe mifugo yao.



“Tumeshapitisha azimio hilo na kutoa maagizo kwa maofisa watendaji
wote wa vijiji kuhakikisha mchakato wa kupitishwa sheria hizo ndogo
kwenye mikutano ya vijiji ili wafugaji wetu watumie majosho yaliyopo,”
alisema Edward.

ALIYEUWA ASKARI AKAMATWA MANYARA

Na Gladness Mushi,Arusha

Jeshi la polisi Mkoani Manyara linamshikilia mfanyabiashara wa madini
ya Tanzanite,Lawi Abayo (33) kwa kudaiwa kumuua kwa kumpiga risasi
askari polisi wa kituo cha Mirerani Wilayani Simanjiro G.7037 Joseph
Tairo (28).

Akithibitisha kushikiliwa kwa mfanyabiashara huyo,Kamanda wa polisi wa
mkoa wa Manyara,Kamishna Msaidizi Akili Mpwapwa alisema jana kuwa
Abayo alijisalimisha juzi kwenye kituo cha polisi wilayani Babati.

Kamanda Mpwapwa alisema baada ya mfanyabiashara huyo kujisalimisha
mwenyewe hivi sasa wanaendelea na uchunguzi wa tukio hilo kabla ya
kumfikisha mtuhumiwa huyo Mahakamani ili kujibu shtaka la mauaji.

Hata hivyo,Kamanda Mpwapwa alithibitisha kushikiliwa kwa bastola
inayodaiwa kutumiwa na mfanyabiashara huyo kumuua Tairo na pia
wanalishikilia gari aina ya Prado alilotumia kutorokea mara baada ya
tukio hilo.

Askari huyo PC Tairo alifariki dunia Aprili 15 mwaka huu,kwenye
hospitali ya Muhimbili (Moi) baada ya kupigwa risasi ya kichwa na
kujeruhiwa Aprili 7 akiwa kazini mjini Mirerani na kuzikwa kijijini
kwao Kaboro,Mkuu Rombo Aprili 19.

Chanzo cha tukio hilo ni PC Tairo akiwa na askari mwenzake G.8523 PC
Martin,kumkamata mhalifu mmoja na wakati wakimpeleka kituoni ndipo
mfanyabiashara huyo akazuia zoezi hilo kwa kumpiga risasi askari huyo.

MWISHO

TUMIENI KAMUSI HATA MNAPOKUWA MADHABAHUNI-JOKA KUU

TUMIENI KAMUSI HATA MNAPOKUWA MADHABAHUNI-JOKA KUU

Na Bety Alex,Arusha

Mchungaji Herbert Anthony”Joka kuu”amewataka watumishi wa Mungu kuhakikisha kuwa wanafundisha masomo yao ya kila siku kwa waumini wakiwa na uhakika wa maneno lakini kama hawana uhakika basi wahakikishe kuwa wanatumia kamusi ili kujiepusha na tabia ya kupotosha maana ambazo wakati mwingine zinachangia sana kumtukuza Shetani kwa siri.

Kwa sasa hata unaposema neno unatakiwa kujua maana ya lile neno ambalo umelisema kwa kuwa maneno ya sasa yanachukuliwa kivingine kabisa  lakini kama mtumishi wa  Mungu unashindwa kujua na kutambua  maana basi tumia hata kamusi

Joka kuu aliyasema hayo jijini hapa wakati akiongea na waumini wa kanisa hilo mapema wiki hii  katika somo lilolokuwa lina husuurejesho wa afya ambapo alidai kuwa hata maneno ya sasa yanatakiwa kuchunguzwa kabla ya kutamkwa

Alidai kuwa kwa kutumia kamusi kutaweza kuwafundisha wakristo  maneno ambayo yana maana lakini kama watumishi wa mungu watakuwa wanachukua maneno bila ya kuyachuja kutasababisha mafundisho ambayo wanayatoa kwenye ibada zao  ya bure huku watu wakizidi kuangamia zaidi katika dhambi

“dunia ya sasa kwa kweli imebadilika sana hivyo basi kuliko uhubiri neno ambalo hujui maana yake ni bora unyamaze kimya kabisa unakuta mtumishi anasema kuwa ninyi ni wajanja akijua kuwa mjanja ni mtu mwenye kiwango bora kumbe neno mjanja linamaanisha mtu tapeli tapeli,sasa hapa unaona kuwa shetani anaweeza kutawala badala  Mungu aweze kutawala”aliongeza Joka kuu

Awali akiongelea  somo hilo la Urejesho wa afya ndani ya jamii ya sasa alidai kuwa Tanzania ya leo imekumbwa na magonjwa mengi sana kwa kuwa wengi wamesahau kweli ya Mungu tofauti na Miaka iliyiopita ambapo magonjwa hayo wakati mwingine chanzo chake kikubwa ni Dhambi

Alifafafnua kuwa dhambi zinapozidi maali basi kinachofuata hapa ni magonjwa  na mateso ya kila siku lakini kwa sasa wakristo pamoja na watanzania kwa ujumla wanatakiwa kuhakikisha kuwa wanarejea katika torati ya bwana ili bwana mwenyewe aweze kupunguza kasi ya magonjwa ambayo ndio umaskani wa baadhi ya watu.

“ukiangalia kwenye vyombo vya habari ubakutana na mambo na unyama wa hali ya juu sana ambao unafanywa na watu ambao mwisho wake huishia kusababisha kilema cha ugonjwa sasa  inabidi wakristo tuamke na tukatae hali kama hizi na badala yake turudi katika torati’aliongeza Joka kuu

Alimalizia  kwa kuwataka wakrsito wahakikishe kuwa wanafanya urejesho na kuachana na tabia ya kuchukulia  lugha na mambo mengine kiraisi bali wahakikishe kuwa wana ishi vema ikiwa ni pamoja na kutojihusishaa na dhambi ambazo ambazo ndizo zinazozaa maovu katika dunia

MWISHO

ASKOFU SIXBERT ATANGAZA KURUDISHA AMANI YA ARUSHA

ASKOFU SIXBERT ATANGAZA KURUDISHA AMANI YA ARUSHA

Na Bety Alex,Arusha

KANISA  la Victorius Church  Hema ya Ukombozi  Sakina limetangaza kuwa kwa sasa ndani ya Mji wa Arusha hakutakuwa na maasi mbalimbali ikiwa ni  pamoja na vita ambavyo vinasababishwa na mambo mbalimbali na badala yake  historia mbaya ya mji wa Arusha itafutika na historia ya amani itaaanza kujiandika yenyewe

Akiongea na “nyakati”mara baada ya kuwekwa wakfu na kuzinduliwa kwa kanisa  na hema hilo jipya lililopo maeneo ya Sakina askofu wa kanisa hilo Sixbert Paul alisema kuwa ameingia rasmi ndani ya mji wa Arusha hivyo  ni lazima mabadiliko yaanze kuonekana

Askofu huyo alidai kuwa amepewa mamlaka ya kukanyaga nyoka na nge hivyo ni lazima mji uweze kurudisha heshima yake ambayo ulikuwa umepewa ikiwa ni  pamoja na kupunguza na kuondoa idadi ya maovu ambayo yanatokea zaidi katika mji wa Arusha

Alifafanua kuwa kupitia madhabahu yake ni lazima uponyaji tena wa hali ya juu sana uweze kutembea na pia uweze kuokoa watu ili lengo lake halisi liweze kufikiwa na faida za madhabahu yake ziweze kiutumika hata na viongozi wa kila aina huku hali hiyo pia ikichangia uwezo wa kumrudishia Mungu sifa na utukufu

“nimekuja Arusha rasmi sasa ni lazima kila roho ambayo iko kinyume na mapenzi ya Mungu iweze kusalimu amri na kuondoka nataka historia mpya kwenye maisha ya kila mtanzania wa Arusha.kwa hiyo watu waanze kujiandaa kwa  uponyaji na amani ya mkoa wa huu”aliongeza Askofu huyo

Pia alisema kuwa kupitia madhabahu yake ni Lazima hata hali ya maisha ya wakazi wa mji wa Arusha iweze kubadilika tena kwa kiwango cha hali ya juu sana na kila mtanzania kuwa na maisha yenye ubora na uhakika wa kiwango cha hali ya juu kwa kuwa madhabahu yake inatenda.

“kazi kubwa ya madhabahu hii ni kufungua watu katika shida na kisha kuwaweka huru hivyo kama watawekwa huru ni raisi sana kwao kuhakikisha kuwa wanakula mema ya nchi yaani maisha yao yawe na ubora wa hali ya juu na kuachana na maisha ya shida ambayo yana mwanzo na pia yana mwisho”alisema

Hataivyo wakristo mbalimbali ambao walihudhuria uzinduzi huo walisema kuwa wanaratarajia kuona mabadiliko makubwa sana ambayo yatasababishwa na hema hilo kwa kuwa hapo awali Arusha ilikuwa na Vita kubwa sana ya kisiasa hali ambayo ilipoteza maana halisi ya Arusha na hivyo kusababisha umaskini mkubwa kwa baadhi ya watu wakiwemo wafanyabiashara.

MWISHO

INSERT KWA KUSHIRIKIANA NA JUKWAA LA WAZEE LATARAJIA KUJENGA KITUO CHA WAZEE WA MKOA WA ARUSHA

INSERT KWA KUSHIRIKIANA NA JUKWAA LA WAZEE LATARAJIA KUJENGA KITUO CHA WAZEE  WA MKOA WA ARUSHA

Asasi ya Informal Sector team(INSERT)Kikiana na jukwaa la  wazee wa mkoa wa Arusha wanatarajia kujenga kituo kwa ajili ya makazi ya wazee ambapo kituo hicho kitagarimu kiasi cha zaidi ya Milioni 150 huku lengo likiwa ni kusaidia wazee ambao hawana uwezo ndani ya mkoa wa Arusha

Akizungumza katika jukwaa la wazee wa mji wa Arusha (JUWA) mratibu wa  jukwaa hilo bw  Javes Sauni alisema kuwa mpaka sasa kuna mikakati mbalimbali ya kuanza marra moja ujenzi wa kituo hicho cha wazee kwa mkoa wa Arusha

Alitaja kuwa mikakayi hiyo inasema kuwa kituo hicho cha wazee kitajengwa katika eneo la Kisongo ambapo kituo hicho kwa mara ya kwanza kitaweza kuhudumia wazee zaidi ya 60  hasa wale ambao wanatoka katika mazingira magumu

Aliongeza kuwa endapo kama mpango huo wa hivi karibuni utaweza kufikiwa tena kwa haraka basi utaweza kuwa  na faida kubwa sana kwa wazee wa mkoa wa Arusha kwa kuwa baadhi yao wanakabiliwa na hali ngumu ya maisha huku wengine  nao wakiwa wanakabiliwa na ukosefu wa mahala pa kuishi

“hili jukwaa la wazee limeona kuwa upo umuhimu tena mkubwa sana wa kuhakikisha kuwa tunaangalia zaidi maslahi ya wazee hasa wale ambao wanatokea katika mazingira magumu lakini njia mojawapo ya kuweza kuwasaidia wazee hawa ni kuhakikisha kuwa kwa kiasi Fulani wanakuwa na kituo ambacho kama sio kukutanika pale na kuongea masuala yao ya wazee lakini pia kitasadiia sana kuokoa maisha ya wengi”aliongeza Sauni

Wakati huo huo alisema kuwa kwa sasa bado asilimia kubwa sana ya wazee hasa wa mji wa Arusha wanakabiliwa na changamoto kubwa sana ya matibabu hali ambayo wakati mwingine husababisha vilema vya kudumu au vifo hasa kwa wazee ambao wanatoka katika familia ambazo hazina uwezo

Pia alisema kuwa kutokana na changamoto hiyo watatumia jukwaaa la wazee kwa kuhakikisha kuwa wanatafuta mbinu mbadala ambazo zitaweza kuwaokoa wazee hasa wale ambao hawana uwezo wa kujitibu ikiwa ni pamoja na kukosa hata fedha kwa ajili ya manunuzi ya dawa

“hii ni changamoto kubwa sana ambayo inawakabili wazee wa mkoa wa Arusha lakini tutatafuta mbinu mbadala na kuhakikisha kuwa wazee wanapata matibabu kwa kuwa tayari Serikali ilishatoa Agizo lakini vituo vya afya vya  Mjini hapa bado havitekelezi sera hiyo pamoja na Tamko hilo”alifafanua  Bw Sauni

ASKOFU ALITAKA TAIFA LA TANZANIA KUTOJIBU VITA YA MASHAMBULIZI YA AINA YOYOTE ILE

ASKOFU ALITAKA TAIFA LA TANZANIA KUTOJIBU VITA YA MASHAMBULIZI YA AINA YOYOTE ILE

TAIFA la Tanzania pamoja na watu wake wameaswa kuachana  na tabia ya kulipizana kisasi cha aina yoyote ile badala yake lihakikishe kuwa linalipa ubaya kwa wema hali ambayo itaweza  kuwanyanya watanzania dhidi ya machafuko mbalimbali yanayoendelea ndani na nje.

Kauli hiyo imetolewa Mjini Arusha mapema jana na  askofu wa kanisa Katoliki Jimbo la Arusha,baba askofu Josephat Lobulu wakati akiongea na vyombo mbalimbali vya habari kuhusiana na maazimisho ya miaka 50 ya kanisa hilo yanayoendelea mjini hapa

Askofu huyo alisema kuwa kwa sasa Nchi ya Tanzania imekumbwa na machafuko mengi sana lakini si jambo jema kama wananchi au taifa litaachia amani  na kisha kuingia kwenye malumbano ambayo wakati mwingine yanasababisha maafa hata kwa wasio kuwa na hatia

Alifafanua kuwa kamwe jambo baya haliwezi kuisha kwenye jamii kama litalipzwa kwa ubaya bali jambo baya litaweza kuisha endapo kama litalipzwa zaidi kwa wema huku wema huo ukiwa ni viashiria vya amani ambayo wakati mwingine inapotea kutokana na ubaya ambao umo kwenye jamii

“kama nchi ya Tanzania tutataka kupoteza amani basi tuanze kuyafuta na kutafuta vyanzo vya vitu mbalimbali ambavyo vimezaa maovu ni wazi kuwa damu za watu wasiokuwa na hatia zitamwagika bure sasa mimi nawasihi sana watanzania wahakikishe kuwa wanalinda amani yao na wasiwe chanzo cha kuharibu amani ya taifa lao”aliongeza Askofu Lobulu

Akiongelea Sekta  za elimu na afya ambazo zimo chini ya kanisa hilo alisema kuwa mpaka sasa kanisa hilo hususani kwa mkoa wa Arusha limeshaweka mikakati mbalimbali ya kuhakikisha kuwa wanatoa elimu kwa watanzania ambapo elimu hiyo pia itaweeza kupambana na adui Ujinga pamoja na adui Umaskini

Aliongeza kuwa kwa kuwa na sekta nzuri ya elimu ambayo itaweza kuwaruhusu watanzania kujipatia elimu pia kutaweza kuraisisha maisha ya vijana wa kitanzania ambapo kama watakuwa na elimu ya kutosha basi wataweza kukimbia hata maasi ya Taifa ambayo wakati mwingine yanatokea kwa kuwa hakuna kazi za kufanya

“tumedhamiria kuwa kwa sasa tunataka tuwe na elimu ya juu lakini pia hata kuweza kuiboresha zaidi ambapo itatoa fursa kwa vijana wengi zaidi lakini pia tutaweza kufikia malengo yetu ambayo tumejiwekea ya kutaka kuwafanya vijana wa kitanzania kuwa na elimu kama zilivyo nchi nyingine “alibainisha Askofu Lobulu

MWISHO

KAMPUNI YA CHICO YATOA RAMBIRAMBI

MH WAZIRI MKUU APOKEA SHILINGI MILIONI KUMI ZA RAMBIRAMBI KUTOKA KAMPUNI YA CHICO KUTOKANA NA AJALI YA KUANGUKA KWA JENGO JIJINI DAR ES SALAAM

Waziri Mkuu Mh Mizengo Pinda leo amepokea shilingi milioni kumi kwa ajili ya rambirambi kutokana na ajali ya kuanguka kwa jengo la gorofa 16 jijini dar es salaam tarehe 29march 2013 na kusababisha maafa pichani ni Assistant President Chief Representative Tanzania kutoka kampuni ya China Henan International Cooperatin Group Co. Ltd Mr Guo Zhijian akimkabidhi waziri Mkuu hundi ya shilingi milioni kumi kama rambirambi ya kampuni hiyo makabidhiano hayo yamefanyika ofisni kwa waziri Mkuu Magogoni Dar es salaam Picha na Chris Mfinanga Waziri Mkuu Mizengo Pinda akiwa katika picha ya pamoja na kiongozi wa kampuni hiyo pamoja na maafisa wengine mara baada ya kupoke msaada wa fedha hizo

ARUSHA INAKABILIWA NA ONGEZEKO KUBWA LA UHITAJI WA MAJI

MKURUGENZI MAMLAKA YA MAJI ARUSHA,MHANDISI RUTH KOYA

ARUSHA INAKABILIWA NA ONGEZEKO KUBWA LA UHITAJI WA MAJI

NA BETY ALEX,Arusha

Jiji la Arusha linakabiliwa na changamoto ya ongezeko kubwa la uhitaji wa maji kutoka mita za ujazo 53,030  hadi mita za ujazo 93,270 kwa siku  kutokana na ongezeko kubwa la idadi ya watu inayokua kwa kasi isiyoendana na kiwango cha uzalishaji wa maji.

Hayo yalibainishwa na Mkurugenzi Mtendaji wa Mamlaka ya maji safi na maji taka Arusha (AUWSA) mhandishi Ruth Koya katika Kilelecha Wiki ya maji iliyoadhimishwa Jijini hapa Mwishoni mwa wiki

Alisema  kuwa Kiwango cha uzalishaji wa maji  kimeshuka kutokana na mabadiliko ya tabia ya nchi yaliyosababisha ukame  na kiwango hicho kushuka hadi kufikia mita za ujazo 32,000 hadi 45,000 kwa siku,hali hiyo inailazimu mamlaka husika kuwa na mgao wa maji hasa katika maeneo yaliyoinuka na yale yaliyoko pembezoni mwa jiji  kama Mbauda,Ngusero,Sombetini,Morombo na Terrat.

Mhandisi Koya aliendelea kwa kusema kuwa hali hiyo inasababishwa na ukuaji wa mji wa Arusha kutokana na kuongezeka  kwa shughuli za kijamii na za kiserikali.Hivyo kwa ujumla mamlaka yake inakabiliwa na changamoto ya kuendelea kutafuta vyanzo vipya vya maji ili kukidhi ongezeko  kubwa la mahitaji ya maji.

Mbali na hayo alisema kuwa  mamlaka hiyo imekuwa na mikakati ya muda mrefu na muda mfupi ya kukabiliana na ongezeko la uhitaji wa maji kama vile uendelezaji wa chem chem za Machare zilizoko kata ya Moshono ambazo mamlaka inaendelea kuiboresha inatoa lita 30,000 kwa saa, pamoja na kuchimba visima vipya katika kata ya Sokon 1,Engutoto na Sombetini.

Akizungumzia changamoto zinazoikabili mamlaka hiyo,Mkurugenzi huyo amesema kuwa  wananchi wamekuwa wakivamia  maeneo ya vyanzo vya maji kwa ajili ya shughuli za kibinadamu  kama vile kilimo,ufugaji,uvunaji miti,uharibifu wa mazingira kwa ujumla.

Naye  Mwenyekiti wa bodi  wa mamlaka hiyo bwa  Felix Mrema alisema kuwa vyanzo vya maji vinazidi kupungua kila siku na mahitaji ya maji yanazidi kuongezeka na kueleza kuwa suluhu ya tatizo hili ni serikali kufanya jitihada za makusudi  za kuyahifadhi maeneo ya vyanzo yasiingiliane na shughuli za binadamu akitolea mfano eneo la Burka na Ngaramtoni ambalo amedai kuwa  linaweza kutosheleza mahitaji ya maji kwa jiji la Arusha kwa miaka 50 ijayo.

 Aliwataka wananchi wa Mkoa wa Arusha kuhakikisha kuwa wanajiwekea utaratibu wa kueshimu zaidi vyanzo vya maji na kuachana na tabia ya kuharibu vyanzo hivyo kwani uharibifu huo mara nyingine ndio chanzo kikubwa cha ukame ndani ya Jiji la Arusha

CHUO CHA UFUNDI ARUSHA CHAANZA MKAKATI WA KUFUA MITAMBO YA UMEME

PICHA: Mkuu wa mkoa wa Kilimanjaro,Leonidas Gama(Katikati) akipata maelezo ya Kituo cha Kuzalisha umeme cha Kikuletwa kilichopo wilayani Hai mkoani Kilimanjaro kutoka kwa Mtaalamu wa Chuo cha Ufundi Arusha,Aliyesimama nyuma ya mkuu wa mkoa mwenye miwani ni mkuu wa chuo hicho Dk Richard Masika picha na Gladness Mushi,Arusha

Chuo cha Ufundi Arusha kimeanza mkakati wa kufufua mitambo ya kuzalishia umeme wa maji wa Kituo cha Kikuletwa iliyopo wilayani Hai mkoani Kilimanjaro ambapo hadi itakapokamilika itaweza kutosheleza mahitaji ya mikoa ya Kilimanjaro na Arusha na umeme mwingine kubaki.

Ufafanuzi huo umetolewa na  mkuu wa Chuo hicho Dk Richard Masika kwa mkuu wa mkoa wa Kilimanjaro,Leonidas Gama aliyetembelea mitambo hiyo ambayo imekabidhiwa kwa chuo hicho na Shirika la Umeme Nchini(TANESCO)

Alisema kuwa chuo hicho ambach kitakuwa cha kwanza barani Afrika kumiliki kituo cha kufua umeme,kitatumia kituo hicho kwa malengo matatu ambayo ameyataja kuwa ni pamoja na kutumika kwa mafunzo,kutengeneza vipuri vya mitambo ya umeme pamoja na kuzalisha umeme.

Dk Masika ameeleza kuwa baada ya kukabidhiwa kituo hicho mapema wiki iliyopita na baadaye kuanza kazi za awali wamebaini kwamba kwa kufunga mitambo mipya ya kufua umeme wataweza kutoa megawati 17 ambazo zitaingizwa katika gridi ya taifa.

Alisema kuwa mitambo ya kituo hicho chenye eneo la jumla ya Ekari 400 yanategemea maji ya mito miwili ambayo Kware unaoanzia Mlima Kilimanjaro na Mto Mbuguni unaonzia mlima Meru ambapo maji hayo huduma katika kipindi kizima cha mwaka na kuongezeka wakati wa kiangazi

Kwa upande wake Mkuu wa mkoa wa Kilimanajro,Gama amewataka wataalamu wa cuo hicho pamoja na mipango mizuri na kuonyesha kuwa na uwezo mkubwa wa kukiendesha lakini aliwataka kuwa na uzalendo ambao utalisaidia taifa katika kutatua tatizo la upatikanaji wa nishati ya umeme.

Kwa upande wake Mkuu wa wilaya ya Hai,Novatus Makunga ameahidi kukipa ushirikiano chuo hicho na kukitaka kuhakikisha kinaimarisha kitengo chake cha uhusiano ili kujenga mahusiano na vijiji vinavyozunguka kituo hicho.

Makunga alisema kuwa ni vyema chuo hicho kikajipanga kwa kushirikiana na uongozi wa wilaya katika kuhakikisha kinawaelimisha wananchi wanaoishi maeneo ya jirani ili watambue umuhimu wa kituo hicho na madhara ya kutaka kuingiza mifugo kwa nguvu

ANDIKENI HABARI ZA UCHUNGUZI ZAIDI ACHANENI NA HABARI ZA SEMINA NA MIKUTANO- MWOLEKA

ANDIKENI HABARI ZA UCHUNGUZI ZAIDI ACHANENI NA HABARI ZA SEMINA NA MIKUTANO- MWOLEKA

Kushoto ni Malkia  wa  Matukio Arusha, na kulia ni Rose Jackson wakiwa wanatafakari jambo katika mtandao,hawa pia ni baadhi ya waandishi wa habari pia wakiwa kazini

Na Gladness Mushi,Arusha

WAANDISHI wa habari hapa Nchini wameaswa kuhakikisha kuwa wanajiwekea utatibu wa kuandika zaidi habari za uchunguzi kuliko kurtegemea habari za semina na mikutano kwani habari za mikutano na semina bado hazitoi majawabu na changamoto kwa jamii

Endapo kama waandishi wa habari wa Tanzania wataweza kujiwekea utaribu wa kuandika habari ambazo zina uchunguzi wa kutosha basi watakuwa ni chanzo kikubwa sana cha maendeleo ya Nchi

Hayo yalielezwa Jana na Anjelo Mwoleka ambaye ni Mkurugenzi wa Jambo  Arusha Publisher wakati  akiongea na wahitimu wa fani ya uandishi wa habari katika chuo cha uandishi wa habari Arusha (AJTC) katika maafali ya sita ya chuo hicho yaliyofanyika chuoni hapo.

Aidha Mwoleka alisema kuwa kwa sasa kuna wimbi kubwa la waandishi wa habari a wanajihusisha zaidi na masuala ya habari za Semina na kuachana na habari za kiuchunguzi hali ambayo wakati mwingine ina nyima haki za msingi za jamii kwa kuwa waandishi wa habari wana nafasi kubwa sana ya kuibua maovu yanaoendelea kwenye Jamii

Alifafanua kuwa habari za uchunguzi ndani ya Nchi ya Tanzania ni muhimu sana kwa maendeleo ya nchi hivyo basi wana habari hawapswi kukimbia na badala yake wanapswa kuzipa kipaumbele kikubwa ili kuweza kuruhusu changamoto kwenye sekta zote kujilikana

“kuwa mwandishi wa habari sio lazima uwe unajua ratiba za mikutano za kila siku bali kuna maana kuwa unapaswa kujua na kutambua kuwa unatakiwa lkuwa mchunguzi na hapo ndio kazi yako itakuwa na manufaa makubwa sana kwa jamii hivyo basi habari za muhimu zinatakiwa kupewa kipaumbele tena kikubwa sana ili nchi ya Tanzania iweze kufika mahali ambapo inatakiwa kufika kama zilivyo nchi nyingine ambazo zimeendelea duniani”aliongeza Mwoleka

Awali wahitimu wa mafunzo hayo ya uandishi wa habari katika ngazi ya cheti, na shahada walisema kuwa pamoja na kuwa chuo hicho kimewalea katika maadili mazuri lakini bado wanakabiliwa na uhaba wa vifaa kama vile Kompyuta, na Kamera kwa ajili ya mazoezi.

UGONJWA WA MAHINDI KUTOKA KENYA WAWAATHIRI WANANCHI KATA YA KIKWE MERU

UGONJWA WA MAHINDI KUTOKA KENYA WAWAATHIRI WANANCHI KATA YA KIKWE MERU

ZAIDI ya Hekari 300 kutoka katika kata ya Kikwe Wilayani Meru mkoania Arusha zimeharibiwa vibaya na ugonjwa mahindi kutoka Nchini Kenya unaojulikana kama ugonjwa wa kusinyaa kwa mahindi hali ambayo itafanya wakulima washindwe kupata mahindi wakati wa mavuno

Akiongea na “patapata”mapema jana diwani wa kata hiyo bw Emanuel Silayo alisema kuwa hali hiyo ya ugonjwa ambayo imekumba kata hiyo ya Kikwe inaashiria njaa kubwa sana kwa kuwa mazao ya mahindi shambani hakuna huku wakulima wakiwa wameshapanda

Silayo alisema kuwa Miezi michache iliyopita wakulima waliweza kupanda mazao ya nafaka hasa mahindi lakini baada ya mahindi kuchomoza yalianza kushambuliwa na ugonjwa hadi kufa

Alisema kuwa pamoja na kuwa mahindi hayo yamekufa wakati wakulimna wengi wamepanda kwa ajili ya mategemeo ya chakula katika eneo hilo la Kikwe lakini mahindi machache sana yameweza kusalia hali ambayo bado ni kiashirio kikubwa sana cha Njaa

Alifafanua kuwa kama tahadhari haitaweza kuchukuliwa kwa haraka sana basi huenda wakati wa mavuno ndani ya mwaka huu kusiwe na mavuno kabisa hivyo baa la njaa kuweza kutawala katika Wilaya hiyo ya Meru.

Akiongelea Ugonjwa huo wa mahindi kutoka nchini Kenya Afisa Kilimo Wilaya ya Meru,Grace Solomoni alisema kuwa ugonjwa huo ni hatari sana kwa kuwa unashambulia zao la mahindi hadi kufa lakini bado mkulima anaweza kupata angalau kiasi kidogo

Grace alisema kuwa kwa mujibu wa taararibui za kilimo mara baada ya shamba kuathiriwa na ugonjwa huo shamba linapswa kupumzishwa kwa kipindi cha miaka mitatu ili vijidudu vife lakini kama wakulima wataendelea kulima basi watasababisha  vijidudu hivyo kuzaliana kwa wingi sana

MKAPA FOUNDATION YATOA MAFUNZO KWA TIMU ZA USIMAMIZI WA AFYA KUTOKA KATIKA WILAYA 132 HAPA NCHINI

NA MWANDISHI WETU,ARUSHA

MKAPA FOUNDATION YATOA MAFUNZO KWA TIMU ZA USIMAMIZI WA AFYA  KUTOKA KATIKA WILAYA 132 HAPA NCHINI

TAASISI ya Mkapa Foundation imefanikiwa kutoa mafunzo timu za usimamizi wa afya kwenye Wilaya 132  hapa nchini huku  mafunzo hayo yakiwa na malengi ya kuwajengea uwezo wa rasilimali watu ili waweze kutoa huduma bora zaidi za afya katika maeneo yao ya kazi.

Hayo yamebainishwa na Afisa Mpango kitengo cha uwezehsaji katika taasisi hiyo,Bi Pamela Chiwa wakati akiongea na wataalamu wa afya kutoka katika vituo vya afya ndani ya kanda ya kaskazini mapema jana

Aidha Pamela alisema kuwa timu hizo za usimamizi wa afya katika ngazi ya Wilaya ziliweza kupatiwa mafunzo hayo ya rasilimali watu  yaliweza kudumu hapa nchini kwa muda wa mwaka mmoja ambapo mpaka sasa mafanikio  makubwa sana yameshonekana katika sekta hiyo ya Afya

Alifafanua kuwa mbali na kuweza kuwajengea uwezo wataalamu hao wa afya ambao ni timu za usimamizi wa afya lakini sasa wanashuka zaidi ambapo wanalenga pia kuwapa mafunzo kama hayo hayo wataalamu wa afya kutoka katika vituo vya afya.

Alibainisha kuwa yote  hayo ambayo yanafanyika chini ya Taasisi ya Mkapa Foundation yanalenga kuhakikisha kuwa kila watanzania wanapata huduma bora na kwa wakati ili kuokoa maisha ya watu wengi zaidi ambao ndio nguvu kazi ya taifa la leo

Katika hatua nyingine alisema kuwa nao wataalamu wa afya wanatakiwa kuhakikisha kuwa wanaachana na dhana inayosema kuwa wataalamu wa afya ni wachache katika vituo,na hata hospitali bali wanatakiwa kuhakikisha kuwa wanafanya kazi tena kwa ubora wa hali ya juu hata kama wapo wachache

Hataivyo alisema kuwa kama wataalamu hao watafanya kazi kwa ubora ambao unatakiwa basi watachangia sana huduma za afya kuweza kuboreka zaidi ya sasa huku hali hiyo pia itachangia kwa kiwango kikubwa maendeleo ya Nchi  hivyo hata malengo ya Taaasisi hiyo ya Benjamini Mkapa nayo yataweza kufanikiwa kwa kiwango cha hali ya juu sana.

MWISHO

WANAWAKE 33 WAPEWA ELIMU ILI WAJIKOMBOE

WANAWAKE wapatao 33 kutoka tarafa ya Manyara, wilayani Monduli, mkoa wa Arusha wamenufaika na elimu ya ujasiliamali, Afya ya uzazi, stadi za maisha na ukimwi iliyotolewa na shirika lisilo la kiserikali kutoka nchini Ujerumani liitwalo DSW.

Mafunzo hayo ya siku tano yalifanyika kwenye eneo la Mto-wa-Mbu, na kuwashirikisha wataalam kutoka Mradi wa Kuwawezesha Wanawake na Wasichana (WOGE)

Akizungumza juzi, mmoja wa wakufunzi kutoka mradi wa WOGE, Daudi Tano alisema: “Lengo la mafunzo hayo ni kumjengea uwezo mwanamke ili aweze kujitambua yeye kama yeye,mambo muhimu ya kufanya kwenye jamii,pamoja na jinsi ya kujikinga na maambukizi ya Ukimwi

Mtaalam huyo alisema mafunzo hayo yalilenga kumkomboa mwanamke kutokana na changamoto nyingi anazakabiliana nazo katika maisha yake ya kila siku.

Alifanunua kuwa WOGE ni mradi wa kikanda ambao unatekelezwa kwenye nchi za Tanzania, Kenya, Uganda na Ethiopia ukilenga zaidi kuwakwamua wanawake na wasichana walioko pembezoni hasa wale wa vijijini. Nchini Tanzania

“Mradi unawalenga zaidi wanawake wa vijijini walio na umri kati ya miaka 16 na 55, ambao wapo kwenye ajira isiyo rasmi na ambao hawapo shuleni ama hawana ajira,” alisema,

Pia aliongeza  kuwa madhumuni ya mradi huo ni kutoa mchango katika jitihada za kupambana na umaskini kwa kuwawezesha wanawake na wasichana ili waweze kusimama wao wenyewe kichumi na kutokuwa wategemezi.

Naye Afisa ustawi wa jamii Tarafa ya Manyara, Denis Magiye alilishukuru shirika la DSW kwa elimu hiyo na kuyataka mashirika mashirika mengine kuiga mfano huo ili kumkomboa mwanamke na msichana wa Kitanzania.

Alisema elimu ya uzazi inahitajika sana katika nyakati hizi kwani uzazi wa mpango humpatia mwanamke uhuru wa kufanya shughuli zake za kuinua kipato cha familia.

“Kuzifahamu njia za uzazi wa mpango kutawasaidia hata kupunguza idadi idadi ya watoto ambao hawajatarajia kuwapata na pia kupunguza vifo vinavyotokana na masuala ya uzazi,” alisema.

MWISHO

UKOSEFU WA NYUMBA ZA POLISI MERERANI CHANZO CHA UTENDAJI HAFIFU WA POLISI

UKOSEFU WA NYUMBA ZA POLISI MERERANI CHANZO CHA UTENDAJI HAFIFU WA POLISI

IMEELEZWA kuwa ukosefu wa nyumba za askari polisi wa kituo cha Mirerani Wilayani Simanjiro Mkoani Manyara unachangia kuchelewesha utendaji kazi wao kwani inawabidi watoke majumbani kwao na kwenda kituoni ndipo wafike kwenye eneo la tukio.

Hayo yameelezwa na Mwenyekiti wa Mamlaka ya Mji mdogo wa Mirerani,Albert Siloli kwenye kikao cha siku ya familia ya polisi na wadau wa mji huo cha kujadili tathmini ya utendaji kazi wake kwa mwaka uliopita.

Siloli alisema ukosefu wa nyumba za askari polisi unachangia kwa kiasi kikubwa kudhoofisha utendaji kazi wao kwani unawachelewesha kufika kwenye tukio husika na kuchukua hatua stahili ikiwemo kuthibiti uhalifu.

Alisema Serikali inapaswa kulipatia ufumbuzi tatizo hilo kwa kuwajengea nyumba karibu na kituo cha polisi askari hao ili waweze kutimiza wajibu wao kwa jamii ipasavyo kwani hivi sasa mji huo unazidi kupanuka kwa haraka.

Hata hivyo,kwa niaba ya wenyeviti wengine wa mitaa ya mji mdogo wa Mirerani,Siloli alitoa pongezi kwa askari hao kwani uhalifu hivi sasa umepungua kwa kiasi kikubwa kwenye mji wa Mireraani hivyo jamii inaishi kwa amani ya kutosha.   

Pia,Mwenyekiti huyo alimpongeza Mkuu wa kituo cha polisi Mirerani,Mrakibu Msaidizi wa polisi Ally Mohamed Mkalipa kwa kuandaa hafla kwani haijawahi kufanyika tangu kituo hicho kianzishwe mwaka 1998 na utendaji kazi wao ni wa asilimia 100.

Pamoja na hayo alisema baadhi ya askari wa usalama barabarani wanakabiliwa na changamoto ya kudaiwa kupokea rushwa kwenye kazi zao hivyo kulitia doa jeshi hilo kwani jamii inalalamika mno kuhusiana na jambo hilo.

Kwa upande wake,Mkuu wa kituo cha Polisi Mirerani Mrakibu Msaidizi wa polisi (ASP) Ally Mohamed Mkalipa aliwashukuru wenyeviti wa mitaa hao kwa kutambua kuwa uhalifu hivi sasa umepungua kwenye mji huo.

Mkalipa ameeleza kuwa jamii inatakiwa kuongeza ushirikiano kwao kwani ni dhahiri shahiri uhalifu umepungua kwa kiasi kikubwa na watajitahidi kuondokana na changamoto zinazowakabili

Kuhusu suala la baadhi ya askari polisi kuhusishwa na upokeaji rushwa amesema watalifuatilia jambo hilo kwani maadili yanawataka askari  wasijihusishe na vitendo.

Alisema kisingizio cha kudai kuwa mshahara mdogo unachangia polisi kupokea rushwa siyo sahihi kwani upo utafiti umebaini kuwa hata wanaopokea mshahara mkubwa wana kawaida ya kupokea rushwa hivyo watawachunguza na wakiwabaini watawachukulia hatua ikiwemo kuwashitaki kijeshi,kuwafukuza kazi na kwenye mahakama za kawaida.

MWISHO.

ARUSHA YAKAMILISHA MPANGO MKAKATI WA UENDELEZAJI WA MAENEO MBALIMBALI YA MIJI

ARUSHA YAKAMILISHA  MPANGO MKAKATI WA UENDELEZAJI WA MAENEO MBALIMBALI YA MIJI

MKOA wa Arusha, umekamilisha mpango mkakati wa kuyaboresha na kuyaendeleza maeneo yote ya miji midogo ambayo hayajaharibiwa kutokana na ujenzi holela ili yawe ni ya mfano.

Hayo yamo katika taarifa ya Utafiti iliyotolewa na mtaalam wa mipango miji kutoka Taasisi ya kimataifa ya maendeleo ya miji, (IIUD) inayoongozwa na Profesa mstaafu wa Chuo kikuu cha Havad, nchini Marekani, Mona Serageldin kutoka nchini Misri ,aliyoiwasilisha kwenye kikao cha pamoja cha watendaji wa jiji la Arusha, Halmashauri ya Meru na halmashauri ya Arusha DC,mwishoni mwa wiki.

Profesa huyo amesema kuwa mpango huo unafadhiliwa naChuo kikuu chaAghakhan, una lengo la kuondoa tatizo la ujenzi holela ambalo halizingatii  ramani ya mipango miji na imesababisha miji mingi duniani kuwa na makazi holela hali ambayo inaharaisha usalama na amani ya wananchi .

ProfesaMuna amesema kupitia taasisi hiyo maeneo mengi ambayo ameshayafanyia utafiti na kukuta hayajaharibiwa hayataharibiwa tena kwa sababu sasa yatajengwa majengo ya mfano .

Amesema anasikitishwa na kushangazwa  na ujenzi holela ambao unaendelea kushika kasi katika maeneo mbalimbali hasa katika miji inayokua huku mamlaka husika zikishindwa kuzuia na kukomesha hali hiyo

Ameongeza  kuwa tayari taasisi hiyo imeshakamilisha kazi hiyo ya utafiti kwa Asilimia 70 kuhusu ujenzi na uboreshaji wa miji inayokuwa bila kuzingatia  mipango mipango miji na matokeo yake ni kuwepo uyoga wa nyumba  ambazo hazikupangiliwa.

Alifafanua kuwa kupitia mpango huo ujenzi holela utakwisha na wananchi watajenga kwa kuzingatia taratibu lengo ni kuwepo na miji iliyopangiliwa ambayo itakuwa ni kivutio.

Kwa upande wake Kaimu mkuu wa mkoa wa Arusha, Nyerembe Mnasa, amesema mara baada ya kukamilika kwa hatua hiyo ya mpango huo itafuatiwa na hatua ya kuwepo na Mapango mkakati (MasterPlan) ya jiji la Arusha na miji mingine mifdogo iliyopo halmashauri za Meru na Arusha Vijijini ambazo zitakuwa na maeneo ya mfano.

Nyerembe, amesema watendaji hawana budi kuunga mkono mpango huo ambao unakusudia kuondoa tatizo la ujenzi holela katika miji mingi nchini ambalo limekuwa ni sugu na kero ya muda mrefu .

 MWISHO

WAMILIKI WA SHULE BINAFSI WATAKIWA KUWAANGALIA YATIMA NA WALE WANAOTOKEA KATIKA MAZINGIRA MAGUMU

Na Queen Lema,Arusha

WAMILIKI WA SHULE BINAFSI WATAKIWA KUWAANGALIA YATIMA NA WALE WANAOTOKEA KATIKA MAZINGIRA MAGUMU

IMEELEZWA kuwa endapo kama Wamkiliki wa shule binafsi  wataweza kusaidia jamii za watoto yatima na wanaotokea katika mazingira magumu katika shule zao basi watachangia kwa kiwango kikubwa sana kupunguza tatizo la watoto wa mitaani.

Asilimia kubwa ya watoto wanaokimbilia mitaani wanakwena huko kwa kuwa baadhi ya familia zao hazina uwezo wa kuwasaidia katika masuala ya elimu hali ambayo nayo kwa wakati mwingine inasababisha wimbi la watoto hao.

Kauli hiyo imetolewa na  Bi  Isabela Daniel ambaye ni  Mkurugenzi wa Shule ya Upendo Friends iliopo Matevesi Jijini hapa mapema jana wakati akizungumza na waandishi wa habari waliotembelea shule hiyo kwa malengo ya kutambua nafasi ya Watoto Yatima ndani ya shule Binafsi.

Isabela alisema kuwa kwa sasa kutokana na hali ya Maisha sio wanafunzi wote ambao wana uwezo wa kwenda shule hasa za binafsi na hata zile za Serikali hivyo basi kama wamiliki wa shule watakuwa wanaaacha kuliangalia suala hilo kwa undani ongezeko la watoto wa mitaani litakuwa ni kubwa sana.

Alifafanua kuwa wamiliki wanatakiwa kujiwekea utaratibu wa kuhakikisha kuwa kila mara wanaweka utaratibu wa kuwachukua japo kidogo na  kuwapa elimu wanafunzi ambao wanatokea katika makundi maalumu japo kwa uchache ambapo pia hali hiyo itachangia sana nafasi ya maendeleo katika taifa la Tanzania.

Awali Mkurugenzi huyo alisema kuwa nayo Serikali kwa kushirikiana na Shule Binafsi zinatakiwa kuhakikisha kuwa zinaweka utaratibu wa kutambua vipaji vya baadhi ya watoto kwani kwa sasa wapo baadhi ya watoto ambao wanavipaji lakini wanashindwa kuendelezwa

Alisema kuwa hali hiyo ya kuendeleza vipaji vya watoto itafanya baadhi yao waweze kujiimarisha zaidi hivyo hata kwa nyakati zijazo pia watachangia sana kupunguza tatizo la wataalamu ambalo kwa sasa linaikabili sana Nchi ya Tanzania.

MWISHO

IELIMISHENI JAMIII KUHUSU UMUHIMU WA MPANGO WA MKUHUMI- MUNASA NYIREMBE

IELIMISHENI JAMIII KUHUSU UMUHIMU WA MPANGO WA MKUHUMI- MUNASA NYIREMBE

Na Queen Lema,Arusha

VIONGOZI wa idara mbalimbali zinazohusika na Misitu hapa Nchini wametakiwa kuhakikisha kuwa wanatumia na wanaelimisha jamii kuhusu umuhimu wa mpango mkakati wa kupunguza uzalishaji wa hewa ya ukaa itokanayo na ufyekaji  na uharibifu wa misitu(MKUHUMI) ambapo mpango huo unalengo lakuokoa tani nyingi zaidi za  misitu

Hayo yameelezwa na Mkuu wa Wilaya ya Arumeru,Munasa Nyirembe wakati akifungua warsha ya wadau wa mpango huo jijini hapa mapema juzi

Munasa alisema kuwa mpango huo ni muhimu sana kwa ajili ya maendeleo ya nchi ya Tanzania pamoja na mkoa wa Arusha ingawaje kwa sasa Changamoto ni kubwa sana  hasa maeneo ya vijijini ambapo asilimia kubwa ya jamii wanafyeka misitu kwa ajili ya matumizi mbalimbali

Alisema kuwa endapo kama Kiongozi wa idara atasimama vema katika nafasi yake na kuhamisisha umma juu ya umuhimu wa mradi huu basi atachangia kwa kiwango kikubwa sana kuokoa tani nyingi za misitu ambazo zinafyekwa na watu kwa maslahi yao

Alifafanua kuwa mpango huo wa MKUHUMI ni muhimu sana kwa maendeleo ya Nchi hivyo kinachoitajika kwa sasa ni suala zima la uhamasishaji baina ya watendaji wa mpango huo pamoja na wananchi ambao wakati mwingine wanaharibu misitu bila kujua umuhimu wake.

“huu mpango ni muhimu sana na kwa hali hiyo  napenda kuwasihi wananchi waupokee kwa kuwa una manufaa sana na kama utatumika vema utaweza kuhamisisha suala zima la upandaji wa miti  pamoja na misitu ambayo kwa sasa kwenye baadhi ya maeneo misitu hakuna huku hata iliyopo wakati mwingine inafyekwa kwa ajili ya maslahi ya watu wachache”aliongeza Nyirembe

Katika hatua nyingine Mratibu wa mradi  huo wa MKUHUMI wilaya ya Kilosa,Hassani Chikira alisema kuwa mpango huo ni muhimu sana kwa Nchi ya Tanzania hususani kwenye suala la Mabadiliko ya Tabia Nchi kwa kuwa unawahimiza wananchi walime na kuhifadhi Misitu ili waweze kupata fedha mbalimbali ambazo zinatumika kwa ajili ya masuala mengine ya kijamii

Akielezea mradi huo hapa nchini kwa sasa alisema kuwa umeshafanyiwa  uhamasishaji katika kanda  mbili ambapo viijiji kumi na nane kutoka kanda ya kati ambayo inajumuisha mikoa ya Manyara,Singida,na Dodoma, huku kwa upande wa kanda ya Mashariki ikiwa ni mikoa ya Pwani,Morogoro,na Dar es saalam

Aliongeza kuwa Wilaya ambazo nazo zimefanikiwa kufikiwa na mradi huo ndani ya kanda hizo mbili ni wilaya ya Babati pamoja na Wilaya ya Kongwa huku mpaka sasa mafanikio ya mpango huo yakiwa yameanza kuonekana  hali ambayo nayo itachangia sana kupunguza tatizo la uharibifu wa misitu.

MWISHO

VIONGOZI WA DINI WAKUTANA ARUSHA KWA AJILI YA KUOMBA AMANI KWA NCHI ZA EAC

VIONGOZI WA DINI WAKUTANA ARUSHA KWA AJILI YA KUOMBA AMANI  KWA NCHI ZA EAC

Na Queen Lema,Arusha

Viongozi wa dini wakiwemo wachungaji zaidi ya 400 kutoka katika nchi za Jumuiya ya Afrika ya Mashariki wamekutana Jijini Arusha katika Kongamano  kwa ajili ya kujadili mambo mbalimbali ya uongozi wao pamoja na kuombea nchi hizo amani hasa ya Nchi ya Kenya na Tanzania.

Akiongea na “Majira”jana mratibu wa kongamano hilo ambalo limeandaliwa na mtandao wa wachungaji mkoa wa Arusha,Bw Geofrey Ayo alisema kuwa kongamano hilo lina manufaa makubwa sana kwa Nchi hizo

Ayo alisema kuwa amani ya nchi inatakiwa ipite hata kwa viongozi wa dini kwa kuwa wao wana nafasin kubwa sana ya kuweza kuhubiri amani tofauti na viongozi wengine wowote hivyo basi mtandao huo umechukua nafasi hiyo kwa ajili ya kuhakikisha kuwa nchi hizo zinakuwa na amani

Alisema kuwa wachungaji hao zaidi ya 400 ambao wamekutana Jijini Arusha wameweza kujadili mambo mbalimbali ikiwa ni pamoja na hata jinsi ya kulinda amani ambayo baadhi ya Nchi imepotea kwa sababu mbalimbali hivyo kupitia kwa waumini wao wataweza kuwafanya wananchi walinde amani

“tumekutana hapa kuhakikisha kuwa tunajadili mambo mbalimbali ya msingi lakini pia kuhakikisha kuwa kila Kiongozi anakuwa balozi wa kulinda amani na wala sio kwenye serikali kwani sisi Viongozi wa dini tuna nafasi kubwa sana ya kutekeleza suala hilo ambalo wakati mwingine tunaachia Serikali pekee’aliongeza Ayo

Mbali na hayo aliwataka Viongozi wa dini kuhakikisha kuwa wanajiwekea utaratibu wa kuhakikisha kuwa mbali na kuomba amani kwa nchi husika lakini watumie nafasi mbalimbali ambazo wanazo kwa kuwataka waumini wao waweze kufanya kazi kwa bidii na kisha kupambana na Umaskini

Alifafanua kuwa kama Viongozi wa dini wataweza kufanya hivyo basi wataweza kuondoa Mataifa ya jumuiya ya Afrika ya Mashariki hususan Tanzania kutoka katika  hali ya umaskini ambayo ipo na kufika katika viwango vya hali ya juu ambapo hata hali ya ugumu wa maisha wakati mwingine inachangia sana uharibifu wa amani, pamoja na umaskini.

“kwa sasa kuna changamoto kubwa sana za masuala ya kimaisha lakini viongozi wa dini wanatakiwa kuhakikisha kuwa wanaweka utaratibu wa kusisisitiza watu wahakikishe kuwa wanafanya kazi na waache kukaa kaaa ovyo mitaani na pindi wanapokaa mitaani ndipo wanapofanya na kuwaza hata mbinu za kuharibu amani’aliongeza Ayo

MWISHO.

KESI YA MWANDISHI WA HABARI ZA UCHUNGUZI ALIYEUWAWA BURKINAFASO KUANZA KUSIKILIZWA KATIKA MAHAKAMA YA AFRIKA

KESI YA MWANDISHI WA HABARI ZA UCHUNGUZI ALIYEUWAWA BURKINAFASO KUANZA KUSIKILIZWA KATIKA MAHAKAMA YA AFRIKA

Na Queen Lema,Arusha.

Mahakama ya  juu ya haki za binadamu inatarajia kuanza kusikiliza rasmi kesi iyaokabili Serikali ya bukinafaso juu ya mauaji ya Mwandishi wa habari za Uchunguzi Nobert Zongo pamoja na  wenzake watatu wakati wakiwa kazini December 13 mwaka 1998

Akiongea na Vyombo  vya habari mapema jana jijini hapa Afisa habari wa mahakama hiyo Bw jean Pierre alisema kuwa Kesi hiyo itaanza kusikilizwa kuanzia March saba na nane mwaka huu

Jean alisema kuwa kesi hiyo ambayo inaikabili Serikali ya burkinafaso itaweza kusikilizwa na Majaji 11 wa mahakama hiyo huku upande  kwa Upande wa wanasheria  wakitoka katika Nchi za Nigeria na Burkifaso ambao wanasimama kama wanasheria wa walalamikaji

“kesi hii itaendeshwa kisasa zaidi ambapo jopo la majaji wetu watasikiliza na kisha kuharisha kwa mujibu wa sheria za mahakama yetu  hivyo mara baada ya kuhairisha kesi hiyo basi watataja siku nyingine ya kusikilizwa tena’aliongeza Jean

Katika hatua nyingine alisema kuwa pia mahakama hiyo kupitia kwa Raisi wake Sophia Akufye inatarajia kumuapisha jaji Aba Kimelabaou kutoka Burkinafaso kama Jaji wa mahakama hiyo mara baada ya jaji Nyamihala Mulenga wa nchini Uganda kufariki dunia

Alisema kuwa Raisi wa Mahakama hiyo atapisha jaji huyo March 4 katika mahakama hiyo na kisha kuhudhuriwa na majaji 10 kutoka nchi mbalimbali duniani huku lengo likiwa ni kuongezea nguvu mahakama hiyo.

“March 4 mwaka huu tutamuapisha jaji huyu rasmi kama jaji halali kwa ajili ya shuguli mbalimbali za mahakama yetu hivyo pia wadau mbalimbali wa mahakama hii nao watakuwepo pamoja na viongozi wengine ili kuweza kushuhudia kitu ambacho kinaendelea siku hiyo”aliongeza Jean

MWISHO

HAKIKISHENI KUWA HAMUINGILII HAMUHARIBU KAZI ZA WAFADHILI- OLE MEDEYE

HAKIKISHENI KUWA HAMUINGILII HAMUHARIBU KAZI ZA WAFADHILI- OLE MEDEYE

Na Queen Lema,Arusha

Naibu waziri wa nyumba,ardhi na makazi ambaye pia ni mbunge wa jimbo la Arumeru Magharibi,Goodlucky Ole Medeye amezitaka Serikali za Mitaa ukiwemo Uongozi wa Vijiji Mbalimbali ndani ya jimbo hilo kuhakikisha kuwa kamwe hawaangilii shuguli au miradi mbalimbali ya Wafadhili ambayo ina malengo ya kuwasaidia wananchi

Medeye aliyasema hayo Jimboni humo wakati akizundua zahanati  ya Ester iliopo katika Kijiji cha Ngaramtoni ambayo ilijengwa kwa nguvu za wafadhili kutoka nchini Uingereza kwa malengo ya kudumisha sekta ya afya hasa afya ya mama na mtoto

Medeye alisema kuwa kuwa endapo kama Vijiji vitakuwa vinaingilia masuala ya Miradi ambayo imetolewa na wafadhili kwa malengo mbalimbali ni wazi kuwa malengo hayo yatakwama na badala yake umaskini ndio utakaokirhiri huku jamii ikibaki na mateso mengi

Aliongeza kuwa kazi ya Serikali ya Kijiji ni kuhakikisha kuwa miradi hiyo inafanya kazi kwenye viwango vya hali ya juu kama yalivyokuwa malengo ya wafadhili  hivyo kama Serikali za kijiji zitafanya hivyo basi zitachangia sana mabadiliko tena ya hali ya juu huku mabadiliko hayo yakichangia kupungua kwa umaskini

Awali wanawake ambao ndio walengwa wakubwa sana wa mradi huo walisema kuwa zahanati hiyo itaweza kuwasaidia kwa kuokoa afya zao kwani walikuwa wanalazimika kutembea Umbali wa zaidi ya Kilomita Kumi kwa ajili ya kutafuta huduma za afya hali ambayo wakati mwingine husababisha vifo

“kabla hii zahanati ya ester haijaja tulikuwa tunatoka hapa mpaka Selian au mara nyingine tunaenda mpaka Mjini au Kaloleni sasa wakati huo kama unaumwa sana unaweza kupoteza maisha kutokana na umbali ila kwa sasa tuna uhakika wa kupata huduma bora tena za afya ya mama na mtoto’waliongeza wanawake hao

Mwisho

FANYENI KAZI KWA BIDII ILI MUONGEZE UFANISI WA BENKI YETU-MKURUGENZI ACB

FANYENI KAZI KWA BIDII ILI MUONGEZE UFANISI WA BENKI YETU-MKURUGENZI ACB

Na MWANDISHI WETU,ARUSHA

IMEELEZWA  kuwa endapo kama watendaji wa Benki ya Akiba watafanya kazi kwa bidii basi wataweza kuruhusu ushindani wa kibenki hivyo kuweza kutoa ruhusa hasa kwa wateja wake kunufaika na huduma mbalimbali zikwemo huduma za Mikopo

Hayo yameelezwa na Mkurugenzi Mtendaji wa benki ya Akiba hapa nchini John Lwande,wakati akiongea na wafanyakazi wa benki hiyo kutoka katika mikoa ya Arusha na Kilimanjaro mapema wiki hii

Aidha Lwande alisema kuwa  ipo haja ya wafanyakazi wa Benki kuhakikisha kuwa kamwe hawasababishi dosari zozote za kibenki kwa kuwa kwa sasa kuna wimbi kubwa sana la huduma hizo na badala yake wanatakiwa kuwafanya wateja waridhike na huduma za kibenki hasa kwenye Mikopo

Alifafanua kuwa endapo kama watafanya hivyo basi watakuwa ni miongoni mwa chanzo kikubwa sana cha kufanya mabadiliko ndani ya Nchi ya Tanzania kwa kuwa asilimia kubwa ya watanzania wataendelea kutumia huduma hizo za Kibenki kwa ajili ya maslahi ya Jamii zao

Akiongelea Suala la Mikopo kwa watanzania alisema kuwa  kwa sasa wanajiopanga kuhakikisha kuwa wanaongeza kiasi cha Mikopo ili kuweza kuwafikia watanzania walio wengi zaidi tena hasa wa Mikoa ya Dodoma na Mwanza ambapo wanatarajia kufungua matawi  mengi zaidi kwa maslahi ya shuguli za kibenki kwa wananchi wa  mikoa hiyo.

Alimalizia kwa kusema kuwa pamoja na kuweka mikakati ya kufungua matawi ambayo yataweza kuwasaidia wananchi kwenye masuala ya Kifedha lakini pia Benki hiyo kwa Mkoa wa Arusha na Kilimanjaro  kwa kipindi cha mwaka 2012 waliweza kuvuka malengo hali ambayo imeweza kuinua mapato ya Benki hiyo.

MWISHO