POLISI YAWAKAMATA MAJAMBAZI WANNE WALIOPORA MADINI YA MILIONI 40 NA FEDHA KIASI CHA MILIONI 5

KAMANDA WA POLISI MKOA WA ARUSHA,PICHA NA MAKTABA

POLISI YAWAKAMATA MAJAMBAZI WANNE WALIOPORA MADINI YA MILIONI 40 NA FEDHA KIASI CHA MILIONI  5

, Arusha

Jeshi la Polisi mkoani Arusha limefanikiwa kuwatia nguvuni majambazi wanne ambao walifanya tukio la wizi wa mfanyabiashara wa madini na kisha kumpora madini yenye thamani ya Milioni 40 pamoja na fedha taslimu Milioni 5.

aidha majambazi hayo yalifanya tukio hilo la kumvamia na kumjerui mfanyabiashara wa madini aliyejulikana kwa jina la Abeli Musa(35)mnamo Agust 23 majira ya saa nane na nusu mchana.

Akiongea na waandishi wa habari mapema leo Kamanda wa polisi mkoa wa Arusha Liberatus Sabas alisema kuwa kukamwatwa kwa majambazi hayo kunatokana na taarifa za raia wema pamoja na kikosi kazi cha Jeshi la Polisi ambao waliingia kazini rasmi kwa ajili ya kuwasaka majambazi kuanzia siku ya tukio.

Sabas alisema kuwa Majambazi hayo ambayo yamefahamika kwa majina ya Shangai William(38)mkazi wa Sokoni one, Ally Habibu au dogoo (23)mkazi wa Tabata Dar es saalam, Eugine Donas(28)mkazi wa makao Mapya pamoja  na  Josephat Jerome(29)mkazi wa Sombetini ambapo walikamatwa Agust 24 katika maeneo ya nyumba za kulala wageni Makao Mapya

Wakati huo huo alidai kuwa mara baada ya kuwamata majambazi hao pia walifanikiwa kukamata vifaa walivyotumia katika tukio hilo na matukio mengine ya uuaji yaliyotokea Jijini arusha

Ametaja Vifaa hivyo pamoja na silaha kuwa ni pamoja na Bastola aina ya Browing Model 83 Cal 9 yenye namba 4738 huku ikiwa na risasi 10 pamoja na bastola ya LAMI ikiwa na Risasi 12.

Vifaa vingine ni pamoja na Gari aina ya Vist yenye namba za usajili T 368  AUH huku pikipiki aina ya Skygo yenye namba T352CBW pamoja na pikipiki nyingine yenye namba T 464 APH aina ya Honda nazo zikimatwa kwani majambazi hayo yalitumia vifaa hivyo kwa ajili ya uporaji maeneo mbalimbali.

MWISHO

NYATI WA AJABU AIBUKA NGORONGORO

Na Bety Alex, ngorongoro


Wahifadhi, watafiti na wataalam kadhaa wako katika harakati za kumsaka
Nyati wa ajabu anayedaiwa kuwa na rangi ya maziwa, ambaye hivi
karibuni amekuwa akionekana katika mwambao wa bonde kuu la Ngorongoro
(Kreta), na kusababisha tafrani kubwa.



Kwa mujibu wa mtalaam wa ikolojia katika mamlaka hiyo Patrice Mattay,
uwepo wa nyati (mbogo) huyo wa aina yake hifadhini hapo kumeibua suala
jipya katika utafiti wa wanyama pori kwani hakujawahi kuwepo Nyati
mwenye rangi nyeupe popote duniani.



Kwa kawaida Wanyama wote aina ya nyati huwa na ngozi yenye rangi nyeusi.



Nyati huyo mweupe aligundulika kwa mara ya kwanza na maafisa wa polisi
wanaofanya kazi katika kituo cha polisi kilichopo ndani ya hifadhi
hiyo ambao wanasema mnyama huyo hupita katika maeneo ya kituo hicho
majira ya asubuhi akiwa miongoni mwa Mbogo wengine takribani 20.
Ngorongoro ina nyati wapatao 350.



“Ni kweli hata mimi binafsi nimemshuhudia Nyati huyo mweupe akikatiza
katika sehemu mbalimbali za hifadhi ya Ngorongoro majira ya asubuhi
akiwa katika kundi la mbogo wengine,” alisema Mkuu wa kituo cha
Ngorongoro Afisa wa Polisi JJ Paul.



Hadi sasa ni maaskari wanaofanya doria katika maeneo ya hifadhi hiyo,
hususan nyakati za asubuhi, ndio wanaothibitisha kwa kiwango kikubwa
kumuona Nyati huyo wa ajabu ambaye sasa anatarajiwa kuwa atakuwa
kivutio kipya cha utalii katika Tanzania nchi ambayo ndiyo pekee
duniani mnyama huyo atakuwa anapatikana.



Meneja wa Uhifadhi katika mamlaka ya Ngorongoro, Amiyo T. Amiyo
amesema tayari shirika lake limekwisha tuma askari wake kadhaa kumsaka
Nyati huyo wa ajabu ili kubaini eneo ambalo anapatikana kwa ajili ya
kuwezesha utafiti zaidi.



“Na kwa mtu yeyote mwenye kutuletea taarifa kuhusu Nyati huyo mweupe
zitakazotuwezesha kumpata mnyama huyo basi naye pia atazawadiwa
ipasavyo,” alisema Amiyo.



Mamlaka ya hifadhi ya Ngorongoro ndiyo inayoongoza kwa kupata watalii
wengi nchini na kwa mujibu wa Afisa utalii wa shirika hilo, Asantaeli
Melita, zaidi ya wageni 585,000 hutembelea eneo hilo, na hasa Kreta,
kila mwaka. Tanzania kwa ujumla hupata watalii milioni moja kwa mwaka.



Idadi ya wanyamapori walioko Ngorongoro kwa sasa inafikia 300,000
wengi wao wakiwa ndani ya bonde lenyewe huku baadhi, na hasa twiga
wakiishi nje ya kreta.



Mbali na Mbogo wa jabu aliyegunduliwa hivi karibuni, eneo la
Ngorongoro pia lina maajabu mengine kadhaa, ukiwemo kilima cha mchanga
unaotembea bila kusambaratika, idadi kubwa ya Kakakuona, mnyama
anayedaiwa kuwa na uwezo wa kutabiri, pamoja na idadi kubwa ya wanyama
adimu kama Mbwa-mwitu na Faru.

MAAFISA MAENDELEO YA JAMII 120 WAFUNDWA

ZAIDI ya maafisa maendeleo ya jamii 120 wa halmashauri za wilaya na
wakuu wa Vyuo vya maendeleo ya wananchi wapatao 36 katika mikoa
mbalimbali nchini wamepewa mafunzo malumu  yanayohusu haki za watoto
,ikiwemo Uhsai, Ulinzi, Maendeleo  Ushiriki wa bila kubaguliwa ili
waweze kuzilinda na kuhakikisha hakuna mtoto anayenyanyaswa.

Hayo yamo katika hotuba ya mkuu wa mkoa wa ARusha, Madesa Mulongo,
aliyoyatoa hivi karibuni katika maadhmisho ya siku ya mtoto wa afrika
ambazo kimkoa zimeadhimishwa katika kijij cha Kikatiti wilayani
Arumeru.

Ameseema kuwa katika kuhakikisha haki za watoto zinalindwa na
kupatikana tayari wlaya 84 zimeshaunda mabaraza ya watoto ikiwemo jiji
la Arusha, kwa ajili ya kulinda na kusimamia haki mbalimbali za watoto
.

Magesa Mulongo, amesema katika kuhakikisha haki hizo zinapatikana
tayari serikali imeingiza kwenye mitaala ya Vyuo vya maendeleo ya
jamii sanjari na kuwepo kwa sera  ya maendeleo ya mtoto nchini
masuala ya haki za watoto ili kuepuka utumikishwaji  wa watoto kwenye
kazi zenye madhjara katika mazingira hatarishi .

Aidha amesema kuwa katika juhudi hizo za kuhakikisha haki za watoto
zinalindwa zaidi ya watoto 720 mkoani Arusha, waishio kwenye mazingira
 magumu wameondolewa kwa ushirikiano na mashirika yasiyokuwa ya
kiserikali likiwemo shirika la Mkombozi ambalo limeweza  kuondoa
watoto 29 na kuwaunganisha katika mfumo rasmi wa elimu ikiwemo Ufundi

Amesema kuwa watoto 6 wameunganishwa na familia zao ,watoto 8
wameunganikatika familia zao na kupatiwa elimu ya kujitegemea, watoto
20 wamepelekwa kwenye kituo kingine cha Mkombozi kilichopo Moshi
mkoani Kilimanjaro na kuunganishwa kwenye mradi wa bustani 40 sanjari
na kuhudumiwa i  elimu wakiwa katika familia zao

Ameongeza kuwa katika mlolongo huo familia 60 kutoka kata za Unga
limited na Ngarenaro, zimewezeshwa kiuchumi ili ziweze kumudu kulea na
kutunza watoto wao

Amesema kuwa pia Shirika lingine la Action for Children, limeweza
kutoa  elimu  katika shule 12 mbalimbali ambayo inahusu utetezi na
ushawishi ,haki za watoto na kutoa msaada wa kisheria kwa wananchi
21,  katika halmashauri 3 za Jiji la Arusha, Halmashauri ya Meru, na
Arusha DC.

Amesema kuwa mkoa huo unaendelea na vita dhidi ya dawa za kulevya na
utumikishwaji wa watoto kwenye mazingira hatarishi  kupitia Idara za
maendeleo ya jamii katika halmashauri mbalimbali kwa kushirikiana na
mashirika yasiyokuwa ya kiserikali ambapo elimu ya madhara ya dawa za
kulevya imekuwa ikitolewa .

MSISUBIRI MSIMU WA NANE NANE UFIKE NDIO MUANZE KUWEKA VIPANDO MNAWANYIMA WAKULIMA NA WAFUGAJI HAKI ZAO-MAGESA MULONGO

Halmashauri za kanda ya kaskazini zimetakiwa kujiwekea utaratibu wa
kuweka vipando na mashamba darasa katika viwanja vya maonesho ya
wakulima na wafugaji(TASO)kila wakati na kuachana na tabia ya
kustawisha pamoja na kuweka vipando hivyo mwezi mmoja kabla ya
maonesho hali ambayo wakati mwingine inasababisha maana halisi ya
kilimo kwanza kufa.

Wito huo umetolewa Jana na Mkuu wa Mkoa wa Arusha,Bw Magesa Mulongo
wakati akiongea na wadau wa kilimo wa chama cha wakulima na wafugaji
kanda ya kaskazini (TASO) kwenye maandalizi ya maonesho hayo
yanayotarajiwa kuanza hivi karibuni

Alisema Halmashauri za kanda ya kaskazini zinakabiliwa na changamoto
hiyo hivyo jitiada mbalimbali bado zinahitajika ili kuweza kuboresha
kilimo kwanza hususani kwenye suala la vipando ambavyo baadhi yake
hufanywa kama mazoea tu

Alizitaja changamoto kubwa ambazo zinafanya halmashauri kupanda
vipando hivyo kwa mazoea ni pamoja na kutojua maana halisi ya chama
hicho pamoja na maonesho kwani asilimia kubw ya watu wanafikiri kuwa
viwanja hivyo vinaweza kutumika kuanzia Agust Moja hadi kumi kwwa kila
mwaka

Mbali na hayo alisema kuwa katika kipindi hiki cha kuelekea katika
maonesho ya wakulima na wafugaji pia kila Halmashauri zinatakiwa
kujituma kwa bidii na kuachana na tabia ya kulalamika kuwa hawajapata
zawadi

Alifafanua kuwa,tabia ya kutojituma ipasavyo na kutotumia mbinu bora
za kilimo kwanza kwa watazamaji ndio inayochangia kwa kiwango kikubwa
Halamashauri zilizokosa zawadi kuona kuwa walionewa na majaji

Akifunga kikao hicho Mwenyekiti wa TASO bw Athur Kitonga alisema kuwa
lengo la chama hicho ni kuendeleza sekta ya Kilimo na wafugaji kwa
kila mwaka lakini Halmashaauri bado hazipeleki wafugaji na wakulima
kujifunza katika mabanda yao mpaka ifike msimu wa maonesho ya Nane
Nane.

MWISHO

NGORONGORO YATOA MICHE LAKI TATU KWA AJILI YA SHULE ZA SEKONDARI NA MSINGI

Mamlaka ya hifadhi ya Ngorongoro (NCAA)imetoa miche ya miti laki tatu
kwa shule za Sekondari na Msingi ambazo zinapakana na Mamlaka hiyo
huku lengo halisi likiwa ni kuwafundisha wanafunzi umuhimu wa misitu
pamoja na kuhifadhi mazingira

Akiongea na waandishi wa habari mwisho wa wiki Afisa Misitu wa mamlaka
hiyo ambaye Ni Bw Naaman Naaman alisema kuwa huo ni mpango mojawapo wa
mamalaka hiyo wa kuhakikisha kuwa wanafunzi wanakuwa na elimu ya
misitu ili wawe mabalozi wazuri wa mazingira

Bw Naaman alisema kuwa mradi huo wa kutoa miche ya miti ambayo ni ya
matunda, mbao, na vivuli ulianza rasmi mwaka 2009 na mpaka sasa baadhi
ya shule za sekondari na msingi zimeshanufaika huku shule nyingine
zikianza rasmi kuzalisha miche yao

Alifafanua kuwa toka kuanza kwa mradi huo ambao mpaka sasa umegharimu
kiasi chazaidi ya Milioni mbili umeweza kuwa na faida kubwa sana
tofauti na hapo awali ambapo mradi huo haukuwepo kwenye mpango wa
mamlaka hiyo

Akitaja faida hizo alisema kuwa ni pamoja na wanafunzi kuanza
kiujifunza aina mbalimbali ya miti toka wakiwa shuleni huku hali hiyo
ikiweza kuwafanya wao waweze kudyahifadhi mazingira na kuona kuwa kuna
umuhimu wa kuhifadhi mazingira

Faida nyingine aliyoitaja ni pamoja na kuanza kujijengea tabia ya kuwa
na misitu ya kifamilia ili kuweza kukabiliana na tatizo la mabadiliko
tabia Nchi ambayo limeathiri sana eneo hilo la Ngorongoro.

Wakati huo huo alisema kuwa mpaka sasa mradi huo unakabiliwa na
changamoto kubwa ya uharibifu wa misitu hasa  kwa upande wa wafugaji
kwani bado mifugo yao inaharibu misitu ambayo imeoteshwa na mamlaka
hiyo.

Kutokana na Changamoto hiyo alisema kuwa ni vema kama viongozi wa
Kijiji wakajiwekea utaratibu wa kuelezea jamii umuhimu wa mradi huo
lakini pia umuhimu wa kuhifadhi mazingira ili kuepusha eneo hilo na
ukame .

MWISHO

UKOSEFU WA GARI LA KUBEBEA MAZIWA WASABABISHA MAZIWA LITA 700 KUSHINDWA KUUZIKA KILA SIKU WILAYANI KARATU

Kiwanda Cha Ayalable Dairy kilichopo katika Wilaya ya Karatu Mkoani
Arusha kinakabiliwa na changamoto ya usafiri hali ambayo inasababisha
waweze kupokea maziwa lita 800 kwa siku badala ya lita 1500 kwa siku
moja kutoka kwa wafugaji jambo ambalo wakati mwingine linasababisha
hasara kubwa sana kwa wafugaji pamoja na matumizi mabaya ya maziwa

Akiongea na Waandishi wa habari wiki hii wilayani humo mtaalamu wa
maziwa wa wilaya hiyo ambaye ni Care Elias alisema kuwa changamoto
hiyo inasababisha madhara makubwa sana kwa wafugaji

Alifafanua kuwa hapo awali walikuwa wanapata maziwa machache sana
kutoka kwa wafugaji lakini kwa sasa maziwa ni mengi sana katika wilaya
hiyo ya Karatu ingawaje sehemu nyingi sana zenye maziwa bado zipo
mbali na eneo la mji hali ambayo inasababisha maziwa yashindwe kufika
katika kiwanda hich

Kutokana na changamoto hiyo alidai kuwa maziwa yanayopatikana kwa
ajili ya matumizi ya kiwanda ni machache sana ingawaje kwa huko
viijijini zaidi maziwa yanazalisha lakini yanashindwa kufika kiwandani


Akiongelea hali ya uzalishaji wa maziwa katika Wilaya hiyo ya Karatu
alidai kuwa uzalishaji wa maziwa umeongezeka sana tofauti na Miaka ya
nyuma ambapo Wilaya hiyo ilikuwa inapata maziwa kidogo sana

Alisema kuwa kwa sasa kiasi cha lita zaidi ya elfu nne kinazalishwa na
wafugaji wa Wilaya hiyo ya Karatu lakini hapo awali kiasi cha lita
elfu moja pekee ndicho kilichokuwa kinazalishwa hali ambayo wakati
mwingine ilikuwa inasababisha uhaba wa maziwa

Alimalizia kwa kusema kuwa pia kituo hicho kilijengwa kwa ufadhili wa
Mamlaka ya Ngorongoro hivyo basi ili kuweza kuokoa kiasi kikubwa cha
maziwa ambacho kinapotea kila siku ni vema kama mamlaka hiyo ingeweza
kuangalia upya tena namna ya kuwapa gari ambalo litaweza kubeba maziwa
hayo kutoka Vijijini zaidi na kuleta katika kiwanda hicho cha Ayalabe

Mwisho

NGORONGORO YATOA NGOMBE 20 ZENYE THAMANI YA MILIONI 20 KWA WANACHI WA WILAYA YA KARATU

Mamlaka ya Hifadhi ya Ngorongoro(NCAA)imefanikiwa kutoa Ngombe 20 wa
kisasa wenye thamani ya zaidi ya milioni 20 kwa vijiji vinne vya
Wilaya ya Karatu kwa madhumuni ya kuendeleza Uhifadhi wa maliasili
ndani ya Vijiji hivyo.

Akiongea na waandishi wa habari mapema wiki hii Afisa Ugani wa Mamlaka
hiyo ambaye ni Bw Salustin Hallu alisema kuwa huo ni moja ya miradi
inayotekelezwa na mamlaka hiyo

Alisema kuwa mradi huo ambao hapo awali ulianza rasmi na Ngombe wa
kisasa 20 uliweza kuwa na manufaa makubwa sana kwa Vijiji vya Troma,
Ayalabe, lositete,na Upperutele ambapo hapo awali baadhi ya wafugaji
kwenye vijiji hivyo walikuwa wanalazimika kuchunga ndani ya hifadhi

Alifaafanua kuwa mpaka sasa zaidi ya familia 98 kwenye mradi huo
tayari wameshanufaika kwa kuwa kila familia moja sasa ina ngombe wa
kisasa mmoja na lengo halisi likiwa ni kuhakikisha kuwa kila familia
inajijengea uwezo wa kuchunga ndani na wala sio kutoa mifugo kwenda
kutafuta malisho nje

“Ngorongoro inalinda sana ujirani mwema na wananchi wake na ndio maana
tukaona kuwa badala ya kuwakataza tu wananchi wasiingie kwenye pori
ambapo ni hatari kwa maisha yao wao pamoja na mifugo lakini pia tuwape
mbinu mbadala za kuhakikisha kuwa wanajikomboa ndio maana tukaanzisha
huu mpango ambao umeonekana kuwasaida sana wananchi wa hivi
vijiji”aliongeza bw Hallu

Awali alisema Mamlaka pia bado ina mkakati mbalimbali wa kuhakikisha
kuwa wanaweza kufikia familia zote sanjari na kuwapa elimu mbalimbali
juu ya umuhimu wa kufuga ndani laki ni pia kuwapa mbinu imara ambazo
zinatakiwa kutumiwa na wafugaji wa kisasa zaidi

Akiongea kwa niaba ya familia 98 ambazo zimenufaika na mradi huo wa
ngombe wa kisasa kutoka Mamlaka ya hifadhi ya Ngorongoro bi Emirita
Martin alidai kuwa pamoja na kuwa wamepata Ngombe lakini bado Mradi
huo unapaswa kuongezewa ngombe ambao wataweza kuwanufaisha wanawake

Bi Emirita alibainisha kuwa kama kila Boma na familia zitapa Ngombe
mmoja ambaye atazaliana basi wakina mama wataondokana na dhana ya kuwa
tegemezi kwenye maisha ya kifamilia kwani ufugaji unabadilisha maisha
duni na maskini ambayo wanayo baadhi ya wanawake katika Wilaya hiyo ya
Karatu

MWISHO

MWANDRI AWATAKA WAKRISTO KUSOMA VITABU VYA MUNGU KULIKO VENYE SIMULIZI ZISIZOJENGA JAMII

Na Bety Alex, Arusha



Waziri Agrey Mwandri amewataka wakristo kuachana na tabia ya kukwepa kujisomea vitabu mbalimbali ambavyo vinaongeza maarifa ya kiroho na kimwili kwani kwa njia ya vitabu hata maarifa juu ya ufalme wa Mungu nayo yanaongezeka sana

Mwandri aliyasema hayo wiki iliyopita katika kanisa la Winner Chapel Intrenational Arusha lililopo maeneo ya Kaloleni Mjini hapa wakati akizindua rasmi Kitabu kilichoandaliwa na Muinjilisti Paul Dickson kijulikanacho kama Ufalmwe wa Mungu hutekwa na wenye nguvu.

Alisema,kwa sasa wapo baadhi ya wakristo ambao wanapenda kujisomea vitabu ambavuyo havina maslahi na Mungu na badala yake vitabu hivyo vinahamsisha dhambi jambo ambalo kwa sasa wanatakiwa kulikataa

Alifafanua kuwa kama kila mkristo atahakikisha kuwa hapotezi muda wake mwingi kwenye vitabu hivyo a,mbavyo havijengi basi ni wazi kuwa hta dhambi ndani ya mkoa wa Arusha lakini Tanzania kwa ujmla nazo zitapungua kwa kiwango

Alibainisha kuwa kwa kusoma vitabu ambavyo vina madharai ya mwenendo wa Kimungu kunasaidia sana kuhimiza hata nguvu za Mungu kushuka na kuongoza katika mambo mbalimbali.

“jamani jiwekeeni utaratibu wa kuhakikisha kuwa mnasoma vitabu venye madhari ya Kimungu msinione hapa napambana kweli kule Bungeni lakini niwaambieni kuwa muda wangu mimi natumia hivi hivi vitabu vya mungu kujisomea na kuhakikisha kuwa naktafuta hata suluhu kule Bungeni hivyo basi igeni mfano huu “aliongeza Mwandri

Katika hatua nyingine Mwandishi wa kitabu hicho ambaye ni Muinjilisti Paul Dickson alisema kuwa lengo na maudhui ya kitabu hicho kijulikanacho kama Ufalme wa Mungu hutekwa na wenye nguvu, kina malengo ya kuhakikisha kuwa kinawakomboa baadhi ya watu katika ufalme wa Mungu

Muinjlisti huyo alidai kuwa kwa sasa wapo baadhi ya watu ambao wanatamani sana kuwa na falme wa Mungu lakini bado hawajaju hata siri za kuweza kuuteka ufalme huo hali ambayo wakati mwingine inasababisha waone kama ni wakosaji

“hiki kitabu kina siri nyingi sana za uponyaji na jinsi ya kuuteka ufalme wa Mungu hivyo basi natamani kuona kuwa watuw a sasa hususani mkoa wa Arusha na Tanzania wanaweza kuinuka  na kutoka katika hali Fulani hata za umaskini kwa kuwa ufalme wa Mungu kuuteka ni bure kabisa’aliongeza muinjilisti huyo

Alimalizia kwa kusema kuwa pamoja na kuwa vitabu vya Mungu vinaweza hata kuokoa lakini bado ipo changamoto kubwa sana kwa waaandishi wa vitabu kwa kuwa baadhi yao huandika zaidi vitabu ambavyo vinahusu mapenzi na kusahau vitabu vya kuwakomboa watu jambo ambalo si jema kwa maendeleo ya watu

MWISHO

UHAMIAJI YATARAJIA KUKUSANYA BILIONI 85

Na mwandishi wetu Arusha

Idara ya Uhamiaji hapa nchini inatrajia kukusanya kiasi cha zaidi ya
Bilioni 85 kwa kipindi cha mwaka 2013/2014 ambapo makusanyo hayo
yanatokana na mapato mbalimbali ya idara hiyo ambayo ipo chini ya
Wizara ya mambo ya ndani.

Hayo yameelezwa na Kamishana wa utawala na fedha katika idara hiyo
ambaye ni Bw Piniel Mgonja wakati akiongea  katika mkutano wa
tathimini wa utendaji kazi kwa wahasibu wa idara wa uhamiaji
unaondelea Jijini hapa

Piniel alisema kuwa kiasi hicho cha fedha kinaweza kupatikana na
kuvuka malengo kutokana na ukusanyaji wa Madhuhuli kuboreshwa zaidi
tofauti na miaka ya nyuma hali ambayo mpaka sasa itasaidia sana
kuongezeka kwa mapato ya idara hiyo.


Mbali na hayo alisema kuwa  hata kwa sasa vipo  baadhi ya vyanzo
vingine ambavyo  navyo vimechangia sana kuongeza mapato katika idara
hiyo ambapo vyanzo hivyo ni pamoja  vyanzo vya vibali vya kuishi
Nchini, huduma za Pasipoti, Hati za kusafiria,huduma ya uraia ,Viza
kwa wageni wanaoishi hapa Nchini

Kutokana na hali hiyo alisema kuwa bado idara ya uhamiaji hapa nchini
inakabiliwa na  changamoto kubwa ambayo ni ukosefu wa huduma za
kibenki katika baadhi ya vituo vya uhamiaji hapa nchini hali ambayo
wakati mwingine inasababisha upotevu na umanifu wa kifedha kwa
wafanyakazi pamoja na wadau wa uhamiaji

Alisema kuwa hali hiyo  si nzuri sana kwani nayo inachangia sana
kupunguza hata mapato ya Serikali kwani baadhi ya mapato huwa
yanapungua au kupotea kabisa kutokana na ukosefu wa huduma za kibenki.

Awali Akifungua mkutano huo Katibu Mkuu wa wizara ya mambo ya ndani
Nchi, bw Mbarak Abdulwakil alisema kuwa wahasibu katika wizara hiyo
wanatakiwa kufanya kazi kwa kuzingatia sheria,Kanuni , na taratibu
zilizopo kwani usimamizi wa fedha unataka usimamizi wa hali ya juu
sana kwani fedha zinaushawishi mwingi sana

Alisistiza huduma ya malipo ya fedha inatakiwa kufanyika kwa njia ya
benki na kwa wakati na kwamba katika ukusanyaji wa maduhuli au katika
matumizi ya fedha na rasilimali nyingine benki ndio mahala sahihi pa
kuweka fedha hizo ili kuondo kasoro zinazoweza kujitokeza.

MWISHO

VIONGOZI WASIOWAJIBIKA CHANZO CHA NCHI KUWA MASKINI INGAWAJE INA RASILIMALI ZA KUTOSHA

Na Queen Lema, Arusha

IMEELEZWA kuwa dhana ya kutowajibika kwa baadhi ya Viongozi wa sekta mbalimbali hapa nchini imesababisha Nchi ya Tanzania kuonekana maskini ingawaje ina rasilimali nyingi sana ambazo zingeweza kuwanufaisha jamii

Hayo yameelezwa juzi na Naibu Waziri wa maliasili na utalii,Bw Lazaro Nyalandu wakati akiongea kwenye maafali ya nne ya chuo cha habari maalumu kilichopo katika eneo la Ngaramtoni Jijini hapa.

Bw Nyalandu alisema kuwa kwa sasa asilimia kubwa ya viongozi wamejisahau katika uwajibikaji wao na badala yake wanajiweka kwenye utaratibu wanaoutaka wao hali ambayo inasababisha kazi na malengo mbalimbali ya taifa kukwama huku nao wananchi wakiendelea kulaumu  Serikali.

Alisema kuwa hali hiyo ya kutowajibika kwa baadhi ya viongozi wa sekta mbalimbali ndio iliyosababisha Tanzania ya sasa kuonekana kama ni mojawapo ya nchi maskini duniani ingawaje kuna rasilimali za kutosha ambazo kama zingetumika basi zingeweza kuwanufaisha watanzania wote

Alisema ili maendeleo ya nchi ya Tanzania yaweze kuja ni lazima kila kiongozi ahakikishe kuwa anawajibika ipasavyo lakini pia ahakikishe kuwa anakuwa mbunifu wa kuweza kubuni aina mbalimbali ya njia ambazo zitasababisha nchi isionekane kama maskini lakini pia hata rasilimali nazo ziweze kuwanufaisha wazawa


Awali mkuu wa chuo hicho cha habari Maalumu BwJackson Kaluzi alisema kuwa pamoja na kuwa wamefanikiwa kutoa elimu ambayo inawasaida vijana wa kitanzania lakini bado wanakabiliwa na changamoto mbalimbali

Bw Jackson alitaja Changamoto hiyo kuwa ni pamoja na ukosefu wa Ardhi ya kutosha kwa ajili ya kuapanua eneo la chuo jambo ambalo mpaka sasa chuo hicho kimeshindwa kupanua eneo lake


            MWISHO

MFANYAKAZI WA TANZANITE APIGWA RISASI

MFANYAKAZI wa kampuni ya uwekezaji ya Tanzanite One inayochimba madini eneo la Mirerani, wilayani Simanjiro, Willy Mushi (), ameuawa kwa kupigwa risasi na watu wanaoaminika kuwa ni wachimbaji wadogo baada ya kukutana mgodini chini ya ardhi.

Kamanda wa Polisi mkoa wa Manyara, Akili Mpwapwa amethibitisha kutokea kwa tukio hilo alilosema lilitokea Saa 6:00 usiku wa kuamkia jana na tayari ametuma timu ya upelelezi unaoongozswa na Afisa upelelezi wa mkoa huo, kuchunguza zaidi tukio hilo.

Marehemu alipigwa risasi mbili kufuani upande wa kushoto alipoongozana na mfanyakazi mwenzake Kennedy Masimbaji kukikagua eneo la mgodi unaoingiliana na migodi ya wachimaji wadogo.

“Tulipofika kwenye mitobozano ambako kumepangwa mifuko ya viroba vya mchanga kutenganisha mgodi wetu na ile ya wachimbaji wadogo, ghafla tukashambuliwa kwa risasi ambazo zote zilimuingia marehemu kifuani na kufariki papo hapo,” alisema Masimbaji

Mfanyakazi mwingine wa Tanzanite One, leonard Paul alisema tukio hilo ni muendelezo wa mashambulizi yanayodaiwa kufanywa na wachimbaji wadogo dhidi ya wafanyakazi wa mwekezaji pindi wanapokutana chini ya ardhi ambapo siku kadhaa zilizopita uongozi ulilazimika kusimamisha kazi kutoa fursa ya polisi kuchunguzi migogoro ya mitobozano.

 “Serikali lazima sasa ichukue hatua kuzuia matumizi ya silaha za moto chini ya migodi,” alisema Paul

Kwa mujibu wa Mdogo wa marehemu aliyejitambulisha kwa jina la Tumsifu Mushi, marehemu ameacha mjane na watoto wanne na taratibu za mazishi zinaendelea.

Mwisho.

Bilion 9.8 zatengwa kwa ajili mikopo kwa wachimbaji wadogo

Na Wankyo Gati,arusha

Serikali imetenga  sh.bilioni 9.8 kwa ajili ya mikopo ya vifaa kwa wachimbaji wadogo nchi nzima ili kuboresha uchimbaji wao na watakopeshwa kupitia vikundi watakavyojiunga na itakuwa mkopo endelevu ili kuinua sekta hiyo ya madini kupitia wachimbaji hao.
Hayo yalisemwa leo na Kamishna wa madini wa kanda ya kaskazini Eng.Benjamini Mchwampaka  wakati wa mahojiano na waaandishi wa habari yaliyofanyika katika ofisi za kanda hiyo zilizoko mkoani arusha.

Alisema kuwa kupitia mikopo hiyo itatoa fursa mbalimbali kwa wachimbaji hao kupata vifaaa hivyo ili kuweza kuinua uchimbaji wao na kuwa wa kisasa zaidi ili kuongeza uzalishaji wa madini nchini ambapo hivi sasa wamekuwa wakikwamishwa na ukosefu wa vifaa vya kisasa hali ambayo wanachimba ila hawapati madini ya kutosha.

Ameongeza kuwa wachimbaji wadogo wa kanda ya kaskazini  bado wanakabiliwa na changamoto mbalimbali  katika uzalishaji madini ikiwemo  kutokuwa na vifaa vya uchimbnaji vya kisasa ,bei kubwa ya milipuko na elimu ndogo ya uchimbaji madini hayo  hali ambayo inakwamisha jitihada zao za kuchimba madini hayo na kuwarudisha nyuma katika kujikwamua kiuchumi

.

Alisema kuwa hivi sasa wachimbaji wadogo walio wengi wanachimba kwa mazoea na vifaa duni ambapo elimu ya utambuzi madini  sehemu yalipo ni ndogo hali ambayo inasababisha kutopata madini yakutosha na kutumia gharama kubwa zaidi.

Eng.Mchwampaka alisema kuwa katika kanda hii wachimbaji wamekuwa wakichimba kiholela bila lessen hali ambayo inaweza kuhatarisha usalama wa maisha yao na hata kusababisha kifo na madhara mbalimbali ambapo  maeneo hayo yanachimbwa kwa kesi sana  hali ambayo ni hatari kwa  badala yake wachimbaji wafate taratibu za kuchimba eneo tengefu kwa madini kwa maendeleo yao na usalama wa maisha yao kuepuka kupoteza nguvu kazi ya taifa.

Aidha aliongeza kuwa hivi sasa ofisi ya kanda imejiwekea mkakati mbalimbali ikiwemo kusogeza huduma karibu na wachimbaji katika kanda hii hususan kutoa elimu ,ya uchimbaji wa madini kitaalamu zaidi,hali ya masoko ,afya migodini  ,ajira na kutoa mafunzo kwa vitendo ya namna ya ulipuaji  mogodini sambamba na watatoa fursa ya namna ya uchimbaji salama na wenye tija na maendeleo kwa maslahi yao na taifa kwa ujumla.

Eng.Mchwampakka alisema kuwa hivi sasa wako kwenye mchakato wa kuandaa maonyesho ya vito ,na madini mbalimbali  yatakayofanyika oktoba 28 hadi 30 mwaka huu mkoani hapa  ambapo watahiusisha wafanyabiashara wote ncnini na nchi jiran ikiwemo Kenya ,DRC kongo ,Zambia ,Madagascar ,Malawi ,Ethiopia ,Afrika ya kusini na Msumbiji ili kuweza kubadilishana uzoefu na kuweza kuongeza ushindani katika sekta ya madini nchini.

Mwisho.

WANANCHI WALALAMIKA KIJIJI KUKOSA MAPATO KWA MIAKA MITANO MWENYEKITI ADAI KUWA ANAONEWA VWIVU NA WANANCHI

Na Queen Lema,ARISHA

WANANCHI WALALAMIKA KIJIJI KUKOSA MAPATO KWA MIAKA MITANO MWENYEKITI ADAI KUWA ANAONEWA VWIVU NA WANANCHI

Wanananchi wa Kijiji cha Ilikirioti Kata ya Moivo Wilaya ya Arusha wamemuomba Mkuu wa wilaya  Munasa Nyirembe  kuingilia kati kwenye uongozi wa kijiji hicho kwa kuwa uongozi huo unadai kuwa toka mwaka 2009 mpaka sasa hawajafanikiwa kupata mapato ya aiana yoyote ile.

Wananchi hao waliyasema hayo jana katika mkutano wa hadhara ulioitishwa na Mwenyekiti wa kijiji hicho Bw Prosper Steven ili kujadili ili kuweza kusoma matumizi ya kijiji hicho.

Wananchi hao walidai kuwa ni aibu kubwa sana kuona kuwa kila siku ndani ya kijiji hicho wanapata asilimia kumi ya mashamba yanaouzwa lakini pia hata michango lakini uongozi wa kijiji unadai kuwa hauna fedha yoyote ile toka mwaka 2009

Aidha walidai kuwa kwa kukosa kijiji kukosa mapato huku wananchi wakiwa wanashangishwa fedha mbalimbali kunaashiria harufu ya Rushwa lakini pia harufu ya ukandamizaji wa hali ya juu jambo amblo kama Mkuu wa Wilaya hataingilia kati basi huenda liksababisha matatizo makubwa sana

“tunamuomba Mkuu wa wilaya hii pamoja na mkurugenzi waje hapa Kijijini waje wajione hali ilivyo hatuna hata barabara lakini tunaambiwa kuwa eti mapato hayapo na sisi tunachanga kila siku na mtu akija kununua shamba ni lazima atoe asilimia kumi sasa kama hali itaendelea hivi je mwisho wake utakuwa ni upi kama sio kudodondosha damu?walihoji wananchi hao.

Lakini mbali na hayo walidai kuwa ndani ya Kijiji hicho hakuna ulinzi pamoja na usalama wa mali zao kutokana na kituo cha polisi kuwa mbali na makazi yao hali ambayo inatakiwa kutatuliwa kwa haraka sana

Walifafanua kuwa umbali ambaop upo ndani ya Kijiji hicho unasababisha baadhi ya waahalifu kuiba huku wakiwa wanajiamini kabisa kwa kile ambacho wanakifanya kwa kuwa mpaka polisi watoke mjini na kufika katika eneo hilo watakuwa wameshamaliza kuiba wananchokitaka jambo ambalo wakati mwingine linasababisha Umaskini wa kutisha.

Awali Mwenyekiti wa Kijiji ghicho Prosper Steven alidai kuwa kinachoendelea kijijini hapo wivu kwa kuwa amejenga nyumba kubwa nay a kifahari lakini kijiji hakina mapato ya iana yoyote ile hivyo wananchi hawapswi kukosa imani nae

“nawashangaa sana hawa wananchi wanaosema kuwa kijiji hakina mapato kwa miaka mimi najua kuwa hii ni roho ya wivu kwa kuwa nimejenga nyumba ya kifahari kuliko wao na ndio maana wanaongoza kwa kudai kuwa ningatuke kwa kuwa ninachakachua mapato ya Kijiji”alisema Prosper.

Mwisho

BALOZI WA VATIKAN ALIPUKIWA NA BOMU,MMOJA AFA WENGINE ZAIDI YA THELATHINI WAJERULIWA VIBAYA KANISANI. Katika hali isiyokuwa ya kawaida kundi la watu wasiofahamika wametupa bomu katika kanisa la Roman Katoliki la Mt Joseph mfanyakazi liliopo Olasiti Mjini hapa na kusababisha mtu mmoja kufariki dunia huku wengine thelathini wakiwa majerui Bomu hilo lilirushwa na watu wasiojulikana majira ya saa nne za asubuhi ambapo kanisa hilo lilikuwa linazinduliwa na a balozi wa Vatikan nchini, Fransisko Padika Akidhibitisha kutokea kwa tukio hilo kamanda wa polisi mkoa wa Arusha Liberatus Sabas alisema kuwa tukio hilo lilitokea asubuhi wakati balozi huyo akijiandaa kukata utepe wa kanisa hilo jipya Sabas alisema kuwa wakati balozi huyo anakata utepe huo ghafla mtu asiojulika alirushwa bomu ambalo liliweza kuwajerui watu huku likisababisha mauti ya mtoto mmoja "huyu balozi alikuwa hapa Arusha toka siku ya alhamisi lakini leo sisi tulikuwa na ulinzi wa kutosha juu yake lakini wakati anakata utepe ghafla alilipukiwa na bomu hali ambayo ilisababisha vurugu kubwa sana katika kanisa hilo jipya"alisema Sabasi Pia aliongeza kuwa mpaka sasa polisi inamshikilia mtu mmoja ambaye hajajulikana makazi yake lakini uchunguzi unaendelea huku jeshi hilo likiomba msaada wa wananchi lakini pia msaada wa majeshi mengine ili kuweza kuchunguza tatizo hilo. wakati huo huo Mkuu wa mkoa wa Arusha Magesa Mulongo akiongea kwa niaba ya Serikali alisema kuwa wananchi wa jiji la Arusha hawapaswi kujiuliza chanzo na kuhusisha tukio hilo na imani za kidini bali wanatakiwa kutoa ushirikiano alisema kuwa Serikali imejipanga kuhakikisha kuwa majerui wote wanapata matibabu ingawaje bado kuna ukosefu wa vifaa katika hospitali ya mkoa wa Arusha (Mt Meru) "kazi ya uchunguzi tunatakiwa kuachia vyombo vya usalama pekee tuwe watulivu na tutoe taarifa kwa Polisi lakini pia tunaomba msaada wa madaktari wa ziada katika hospitali kwani hawa majerui wameumia vibaya sana"alifafanua Magesa Wakati huohuo Mbunge wa jimbo la Arusha Mjini Goodbless Lema alisema kuwa matukio ya uharibifu wa makanisa ni mwendelezo wa kile kilichotokea Zanzibar, na Dar es Saalam lakiniSerikali bado haiskii wala kuona mpaka idadi kubwa sana ya watu wafe. Lema alisema kuwa lazima mambo kama hayo yatatokea kwa kuwa wanasiasa wa sasa wanatafuta umaarufu kwenye makanisa hususani uzinduzi bila kujua na kutambua kuwa kuna hatari kama hiyo. Aliyataka makanisa kuachana na tabia ya kuwa karibu na wanasiasa na badala yake wahakikishe kuwa wanajitegemea kwa michango yao wao wenyewe kwan kuwa siasa haziendi kabisa kwenye makanisa. Hataivyo Waumini waliojeruhiwa katika tukio hilo ambao wamelazwa katika hospital za mount Meru, na hospital teule ya jiji la Arusha ya St Elizabethi , wametambulika kuwa ni John Thadei,Regina Fredirik, Joram kisera, Novelt John, Rose pius, John James,Anna Kessy, Joan Temba, Neema kihisu, Regina Fredirik, Joram Kisela, Vovalt John, Gloria Tesha, Inocent Charles, Fatuma Haji, Fikiri Keya, John James, Anna Kessy, Simon Andrew, Anna Edward, . Wengine ni Lioba Osward , Ropse Pius, Philimon Gereza, Kisesa Mbaga, Neema Daud, Beata Cornel na Debora Joachim. Wakati huo huo jeshi la polisi limelazimika kutumia mabomu kumnusuru mwendesha boda boda mmoja katika eneo hilo anayedaiwa alimtorosha mtu anayesadikiwa alirusha bomu hilo lililoaangukia mbele ya kanisa hilo na kujeruhi waumini hao. MWISHO

picha ya kwanza ni jengo la kanisa la st joseph mfanyakazi mara baada ya baadhi ya waumini wake kupigwa na mabomu



baadhi ya majerui katika tukio hilo


majeruhi wengine tena katika tukio hilo


BALOZI WA VATIKAN ALIPUKIWA NA BOMU,MMOJA AFA WENGINE ZAIDI YA THELATHINI WAJERULIWA VIBAYA KANISANI.

Katika hali isiyokuwa ya kawaida kundi la watu wasiofahamika wametupa bomu katika kanisa la Roman Katoliki la Mt Joseph mfanyakazi liliopo Olasiti Mjini hapa na kusababisha mtu mmoja kufariki dunia huku wengine thelathini wakiwa majerui

Bomu hilo lilirushwa na watu wasiojulikana majira ya saa nne za asubuhi ambapo kanisa hilo lilikuwa linazinduliwa na a balozi wa Vatikan nchini, Fransisko  Padika
Akidhibitisha kutokea kwa tukio hilo kamanda wa polisi mkoa wa Arusha Liberatus Sabas  alisema kuwa tukio hilo lilitokea asubuhi wakati balozi huyo akijiandaa kukata utepe wa kanisa hilo jipya

Sabas alisema kuwa  wakati balozi huyo anakata utepe huo ghafla mtu asiojulika alirushwa bomu ambalo liliweza kuwajerui watu huku likisababisha mauti ya mtoto mmoja

"huyu balozi alikuwa hapa Arusha toka siku ya alhamisi lakini leo sisi tulikuwa na ulinzi wa kutosha juu yake lakini wakati anakata utepe ghafla alilipukiwa na bomu hali ambayo ilisababisha vurugu kubwa sana katika kanisa hilo jipya"alisema Sabasi

Pia aliongeza kuwa mpaka sasa polisi inamshikilia mtu mmoja ambaye hajajulikana makazi yake lakini uchunguzi unaendelea huku jeshi hilo likiomba msaada wa wananchi lakini pia msaada wa  majeshi mengine ili kuweza kuchunguza tatizo hilo.

wakati huo huo Mkuu wa mkoa wa Arusha Magesa Mulongo akiongea kwa niaba ya Serikali alisema kuwa wananchi wa jiji la Arusha hawapaswi kujiuliza chanzo na kuhusisha tukio hilo na imani za kidini bali wanatakiwa kutoa ushirikiano

alisema kuwa Serikali imejipanga kuhakikisha kuwa majerui wote wanapata matibabu ingawaje bado kuna ukosefu wa vifaa katika hospitali ya mkoa wa Arusha (Mt Meru)

"kazi ya uchunguzi tunatakiwa kuachia vyombo vya usalama pekee tuwe watulivu na tutoe taarifa kwa Polisi lakini pia tunaomba msaada wa madaktari wa ziada katika hospitali kwani hawa majerui wameumia vibaya sana"alifafanua Magesa

Wakati huohuo Mbunge wa jimbo la Arusha Mjini Goodbless Lema alisema kuwa matukio ya uharibifu wa makanisa ni mwendelezo wa kile kilichotokea Zanzibar, na Dar es Saalam lakiniSerikali bado haiskii wala kuona mpaka idadi kubwa sana ya watu wafe.

Lema alisema kuwa lazima mambo kama hayo yatatokea kwa kuwa wanasiasa wa sasa wanatafuta umaarufu kwenye makanisa hususani uzinduzi bila kujua na kutambua kuwa kuna hatari kama hiyo.

Aliyataka makanisa kuachana na tabia ya kuwa karibu na wanasiasa na badala yake wahakikishe kuwa wanajitegemea kwa michango yao wao wenyewe kwan kuwa siasa haziendi kabisa kwenye makanisa.

Hataivyo Waumini waliojeruhiwa katika tukio hilo ambao wamelazwa katika hospital za  mount Meru, na hospital teule ya jiji la Arusha ya St Elizabethi , wametambulika kuwa ni John Thadei,Regina   Fredirik, Joram  kisera, Novelt  John, Rose  pius, John  James,Anna Kessy, Joan Temba, Neema kihisu, Regina Fredirik, Joram Kisela, Vovalt  John, Gloria Tesha, Inocent Charles, Fatuma Haji, Fikiri Keya, John James, Anna Kessy, Simon Andrew, Anna Edward, .

Wengine ni Lioba Osward , Ropse Pius, Philimon Gereza, Kisesa Mbaga, Neema Daud, Beata Cornel na Debora Joachim.


Wakati huo huo  jeshi la polisi limelazimika kutumia mabomu kumnusuru  mwendesha boda boda mmoja katika eneo hilo anayedaiwa alimtorosha mtu anayesadikiwa alirusha bomu hilo lililoaangukia mbele ya kanisa hilo na kujeruhi waumini hao.

MWISHO

Kamati ya maendeleo ya Mirerani yatembelea nyumba 26 zilizoharibika kutokana na mvua zinazoendelea kunyesha

Diwani wa kata ya Mirerani Wilayani Simanjiro Mkoani Manyara,Justin Nyari akikagua nyumba ya mkazi wa mtaa wa Songambele,Katarina Selemani iliyoanguka kutokana na mafuriko yaliyotokea juzi na kuathiri baadhi ya nyumba na mazao ya wakazi wa kata hiyo.picha na Queen Lema,Simanjiro

                                     

Diwani wa kata ya Mirerani Wilayani Simanjiro Mkoani Manyara,Justin Nyari akimkabidhi mkazi wa mtaa wa Songambele,Katarina Selemani kifuta machozi baada ya nyumba yake kubomolewa na mafuriko juzi,huku akishuhudiwa na Mwenyekiti wa mtaa huo Ombeni Charles.

Kamati ya maendeleo ya Kata ya Mirerani Wilayani Simanjiro Mkoani Manyara, imetembelea maeneo yaliyoathirika na mafuriko yaliyosababishwa na mvua zinazoendelea kunyesha hivi sasa sehemu tofauti hapa nchini.

Akiongoza msafara huo juzi,Diwani wa kata ya Mirerani Justin Nyari aliwapa pole waathirika wa mafuriko hayo ambapo nyumba zaidi ya 26 na mazao mbalimbali yaliathirika kutokana na mafuriko hayo.

Akizungumza na baadhi ya waathirika hao,Nyari alisema ameshatoa taarifa kwa Kaimu Mkurugenzi mtendaji wa halmashauri ya wilaya ya Simanjiro,Patrice Saduka kwa ajili ya hatua zaidi ya kutatua tatizo hilo.

“Hatua ya kwanza tuliyochukua na WDC yangu ni kutembelea na kubaini sehemu zilizoathirika na kutoa taarifa wilayani na watamtuma mhandisi Agai,lakini kubwa zaidi mji wa Mirerani unapaswa upimwe,” alisema Nyari.

Hata hivyo,Diwani wa kata hiyo Nyari alimkabidhi kifuta machozi cha fedha mmoja kati ya waathirika wa mafuriko hayo,Katarina Selemani mkazi wa Songambele ambaye nyumba aliyokuwa anashi ilibomolewa na mafuriko hayo.

Naye,mwathirika mwingine wa mafuriko hayo Boniface Mboya,akizungumza mbele ya kamati hiyo alisema mafuriko hayo yameathiri eneo analoishi kwani miti 750 ilichukuliwa na mafuriko,miche 1,300 na maua 250 na choo kubomoka.

Baadhi ya waathirika wa mafuriko hayo walidai kuwa,mvua kubwa zilizonyesha kwenye maeneo tofauti ya mkoa wa Arusha,yamesababisha mafuriko hayo yaliyopitia Msitu wa Mbogo,Mbuguni hadi eneo hilo na kuelekea Majengo.

MWISHO.

TANROAD ARUSHA YALAZIMIKA KUTUMIA MILION 700 KUKARABATI BARABARA ZILIZOHARIBIKA VIBAYA NA MVUA

Na gladness ,Arusha

TANROAD ARUSHA YALAZIMIKA KUTUMIA MILION 700 KUKARABATI BARABARA ZILIZOHARIBIKA VIBAYA NA MVUA

WAKALA  wa barabara mkoa wa Arusha (TANROAD)umelazimika kutumia kiasi cha zaidi ya Milion 700 kutokana na baadhi ya barabara kuharibiwa vibaya na mvua ambazo zinazoendelea kunyesha Jijini hapa

Akiongea na “Malkia wa matukio”mapema jana meneja wa Tanroad mkoa wa Arusha,Bw Deusdedit Kakoko alisema akuwa wamelazimika kutumia fedha hizo kwa ajili ya kukarabati baadhi ya barabara

Kakoko alisema kuwa kwa kipindi hiki baadhi ya barabara zimeharibika vibaya sana huku hali hiyo ikisababisha baadhi ya watumiaji wa barabara kushindwa kutumia kwa ajili ya shuguli za kila siku.
“hizi milioni 700 zimelazimika kutumika ili kuweza kurekebisha miundo mbinu tena kwa haraka sana na kama tusingefanya hivyo ni wazi kuwa wananchi wanaotumia barabara hizi wasingeweza kupata msaadawa haraka ingawaje bajeti yetu haikuwa hivyo”alisema Kakoko

Alitaja Barabara ambayo zimeharibika vibaya kutokana na mafuriko  pamoja na mvua ambazo zinaendelea kunyesha Jijini hapa ni pamoja na barabara ya Monduli Lokisare,barabara ya pili ikiwa ni Makuyuni Ngorongoro,Barabara ya Tatu ni Karatu Kilimapunda.

Mbali na hayo Kakoko alisema kuwa pamoja na kuwa wamelazimika kutumia kiasi hicho cha fedha lakini pia kuna umuhimu mkubwa sana wa Halmashauri za Mkoa wa Arusha kuhakikisha kuwa wanatenga maeneo ya maegesho ya magari

Alisema kuwa kwa sasa TANROAD inapata wakati mgumu sana kwa kuwa baadhi ya maeneo ya miji hakuna maegesho hali ambayo wakati mwingine inasababisha  magari makubwa ya mizigo kuegeshwa katikatati ya Mji hali ambayo wakati miwingine inasababisha vurugu kubwa sana


Amezitaka Halmashauri kuacha kuona suala la kutenga maegesho kama ni suala la utani badala yake wahakikishe kuwa hata kama hawana maegesho ya magari wanayatenga kwa haraka sana kwa kuwasasa wapo baadhi ya madereva wanaofanya makosa kwa visingizo kuwa hakuna maegesho ya magari

“ni vema kama halmashauri zikahakikisha kuwa kila halmashauri inakuwa na maegesho lakini kama maeneo ya maegesho yatakwepwa ni wazi kuwa malengo ya Tanroad hayatafikiwa na badala yake yatasababisha vurugu ingawaje Arusha ni Mji wa Kimataifa”alisema Kakoko.

ANDIKENI HABARI ZA UCHUNGUZI ZAIDI ACHANENI NA HABARI ZA SEMINA NA MIKUTANO- MWOLEKA

ANDIKENI HABARI ZA UCHUNGUZI ZAIDI ACHANENI NA HABARI ZA SEMINA NA
MIKUTANO- MWOLEKA

WAANDISHI wa habari hapa Nchini wameaswa kuhakikisha kuwa wanajiwekea
utatibu wa kuandika zaidi habari za uchunguzi kuliko kurtegemea habari
za semina na mikutano kwani habari za mikutano na semina bado hazitoi
majawabu na changamoto kwa jamii

Endapo kama waandishi wa habari wa Tanzania wataweza kujiwekea utaribu
wa kuandika habari ambazo zina uchunguzi wa kutosha basi watakuwa ni
chanzo kikubwa sana cha maendeleo ya Nchi

Hayo yalielezwa Jana na Anjelo Mwoleka ambaye ni Mkurugenzi wa Jambo
Arusha Publisher wakati  akiongea na wahitimu wa fani ya uandishi wa
habari katika chuo cha uandishi wa habari Arusha (AJTC) katika maafali
ya sita ya chuo hicho yaliyofanyika chuoni hapo.

Aidha Mwoleka alisema kuwa kwa sasa kuna wimbi kubwa la waandishi wa
habari a wanajihusisha zaidi na masuala ya habari za Semina na
kuachana na habari za kiuchunguzi hali ambayo wakati mwingine ina
nyima haki za msingi za jamii kwa kuwa waandishi wa habari wana nafasi
kubwa sana ya kuibua maovu yanaoendelea kwenye Jamii

Alifafanua kuwa habari za uchunguzi ndani ya Nchi ya Tanzania ni
muhimu sana kwa maendeleo ya nchi hivyo basi wana habari hawapswi
kukimbia na badala yake wanapswa kuzipa kipaumbele kikubwa ili kuweza
kuruhusu changamoto kwenye sekta zote kujilikana

“kuwa mwandishi wa habari sio lazima uwe unajua ratiba za mikutano za
kila siku bali kuna maana kuwa unapaswa kujua na kutambua kuwa
unatakiwa lkuwa mchunguzi na hapo ndio kazi yako itakuwa na manufaa
makubwa sana kwa jamii hivyo basi habari za muhimu zinatakiwa kupewa
kipaumbele tena kikubwa sana ili nchi ya Tanzania iweze kufika mahali
ambapo inatakiwa kufika kama zilivyo nchi nyingine ambazo zimeendelea
duniani”aliongeza Mwoleka

Pia alisema kuwa ili wana habari waweze kufika malengo yao mbalimbali
wanapaswa kujiepusha na rushwa pindi wanapokuwa kazini kwani Rushwa
husababisha sana baadhi ya wananchi kukosa haki ya habari hapa nchini
hivyo kuruhusu wimbi kubwa sana la udanganyifu

Alifafanua kuwa endapo kama watakimbia Rushwa basi watachangia hata
wale watenda maovu kwenye jamii kuweza kuonekana kwa haraka sana hivyo
mlengwa wa haki ataweza kupata tofauti na pale ambapo watajihusisha na
rushwa

Awali wahitimu wa mafunzo hayo ya uandishi wa habari katika ngazi ya
cheti, na shahada walisema kuwa pamoja na kuwa chuo hicho kimewalea
katika maadili mazuri lakini bado wanakabiliwa na uhaba wa vifaa kama
vile Kompyuta, na Kamera kwa ajili ya mazoezi.

UGONJWA WA MAHINDI KUTOKA KENYA WAWAATHIRI WANANCHI KATA YA KIKWE MERU

Na Queen Lema, MERU

UGONJWA WA MAHINDI KUTOKA KENYA WAWAATHIRI WANANCHI KATA YA KIKWE MERU

ZAIDI ya Hekari 300 kutoka katika kata ya Kikwe Wilayani Meru mkoania
Arusha zimeharibiwa vibaya na ugonjwa mahindi kutoka Nchini Kenya
unaojulikana kama ugonjwa wa kusinyaa kwa mahindi hali ambayo itafanya
wakulima washindwe kupata mahindi wakati wa mavuno

Akiongea na “patapata”mapema jana diwani wa kata hiyo bw Emanuel
Silayo alisema kuwa hali hiyo ya ugonjwa ambayo imekumba kata hiyo ya
Kikwe inaashiria njaa kubwa sana kwa kuwa mazao ya mahindi shambani
hakuna huku wakulima wakiwa wameshapanda

Silayo alisema kuwa Miezi michache iliyopita wakulima waliweza kupanda
mazao ya nafaka hasa mahindi lakini baada ya mahindi kuchomoza
yalianza kushambuliwa na ugonjwa hadi kufa

Alisema kuwa pamoja na kuwa mahindi hayo yamekufa wakati wakulimna
wengi wamepanda kwa ajili ya mategemeo ya chakula katika eneo hilo la
Kikwe lakini mahindi machache sana yameweza kusalia hali ambayo bado
ni kiashirio kikubwa sana cha Njaa


Alifafanua kuwa kama tahadhari haitaweza kuchukuliwa kwa haraka sana
basi huenda wakati wa mavuno ndani ya mwaka huu kusiwe na mavuno
kabisa hivyo baa la njaa kuweza kutawala katika Wilaya hiyo ya Meru.

Akiongelea Ugonjwa huo wa mahindi kutoka nchini Kenya Afisa Kilimo
Wilaya ya Meru,Grace Solomoni alisema kuwa ugonjwa huo ni hatari sana
kwa kuwa unashambulia zao la mahindi hadi kufa lakini bado mkulima
anaweza kupata angalau kiasi kidogo

Grace alisema kuwa kwa mujibu wa taararibui za kilimo mara baada ya
shamba kuathiriwa na ugonjwa huo shamba linapswa kupumzishwa kwa
kipindi cha miaka mitatu ili vijidudu vife lakini kama wakulima
wataendelea kulima basi watasababisha  vijidudu hivyo kuzaliana kwa
wingi sana

TAASISI BINAFSI INAYOENDESHA MAFUNZO YABUNI UZIO WA KIENYEJI WA KUZUIA TEMBO KUINGIA MASHAMBANI UTAKAOGHARIMU MILIONI 400

TAASISI BINAFSI INAYOENDESHA MAFUNZO YABUNI UZIO WA KIENYEJI
WA KUZUIA TEMBO KUINGIA MASHAMBANI UTAKAOGHARIMU MILIONI 400

,Arusha

TAASISI binafsi inayoendesha mafunzo kwa kushirikiana na vyuo vya nje
(University Times Training Insititute )iliyopo mjini hapa imebuni mradi wa
kutengeneza uzio  wa kiasili  utakaogharimu  kiasi cha shilingi milioni mia
nne wa kuzuia tembo kutoharibu mazao ya binadamu mashambani.

Akizungumza na” MALKIA WA MATUKIO “  mkurugenzi wa taasisi hiyo bw Solomon Njiamoja
alisema kuwa mkakati huo  wa kuweka uzio huo utaanza kutekelezeka julai
mwaka huu katika maeneo ya vijiji  vya Serengeti.

Alisema kuwa chuo hicho kimeweza kubuni njia hiyo ya uzio wa kiasili ambayo
itakuwa tofauti na fensi ya umeme ambayo haitaweza kuathiri tembo
wanaozunguka hayo maeneo husika.


Aliongeza kuwa mara nyingi tembo wanapovamia mashamba ya watu ni bunduki
zinatumika kuwaua au kuwafukuza hali ambayo inafanya kupungua kwa idadi ya
tembo hao ambapo kupitia mradi huo utapunguza kwa kiwango kikubwa kwani
tembo hawataweza tena kupita mashambani na kuleta madhara kwa jamii.

 Alitaja faida zitakazotokana na uzio huo wa kienyeji kuwa ni pamoja na
kuokoa chakula ambacho kinaharibiwa na tembo pindi wanapoingia
mashambani,kuokoa maisha ya wakazi walioko maeneo hayo ,kuepusha migogoro
kati ya jamii na tembo pamoja na kuokoa fedha ambazo serikali ingetoa kama
fidia kwa wale walioathiriwa na tembo.

Aidha vijiji vitakavyonufaika na mradi huo ni pamoja na Nata,Mtakuja
,Biafra,Ruhamchanga na Bihonchugu  ambapo uzinduzi wa uzio huo utatangazwa
rasmi katika kongamano litalofanyika mapema nchini Marekani

SIMANJIRO YATAKIWA KUTUNGA SHERIA AMBAZO ZITAWALZIMISHA MIFUGO KUOGESHWA

SIMANJIRO YATAKIWA KUTUNGA SHERIA AMBAZO ZITAWALZIMISHA MIFUGO KUOGESHWA

Na Queen Lema,Simanjiro

Halmashauri ya Wilaya ya Simanjiro Mkoani Manyara,imetakiwa kutunga
sheria ndogo zitakazowalazimisha wafugaji kuogesha mifugo yao kwenye
majosho ili kuiepusha na vifo vinavyotokana na magonjwa ya kupe.

Hayo yalielezwa juzi na Mkurugenzi wa shirika la Cedesota,Jackson Muro
kwenye mafunzo ya kuwajengea uwezo,kusimamia mipango na ufufuaji wa
majosho,madiwani wa halmashauri ya wilaya ya Simanjiro mkoani Manyara.

Muro alisema endapo sheria hiyo ndogo ikipitishwa na halmashauri ya
wilaya hiyo,wafugaji watayatumia majosho hayo ambayo yapo kwenye
maeneo mengi lakini hayatumiki kwa kuoshea mifugo.



Alisema kwenye wilaya ya Simanjiro kuna majosho mengi ya kuoshea
mifugo lakini wafugaji hawayatumii ipasavyo,hivyo wanapaswa
kuwashinikiza ili wayatumie majosho yao kwa kuoshea mifugo yao.



“Bila hivyo itakuwa kazi kubwa kwani wafugaji wengine watakuwa
wanaogesha mifugo yao na inapokuwa kwenye malisho inachanganyana na
isiyoogeshwa hivyo kuambukizana na watakuwa wanawapa hasara wenzao,”
alisema Muro.



Hata hivyo,Diwani wa kata ya Shambarai Alais Edward alisema tayari
Baraza la madiwani wa halmashauri ya wilaya hiyo wameshapitisha azimio
la kupitisha sheria ndogo ya kuwataka wafugaji waogeshe mifugo yao.



“Tumeshapitisha azimio hilo na kutoa maagizo kwa maofisa watendaji
wote wa vijiji kuhakikisha mchakato wa kupitishwa sheria hizo ndogo
kwenye mikutano ya vijiji ili wafugaji wetu watumie majosho yaliyopo,”
alisema Edward.

ALIYEUWA ASKARI AKAMATWA MANYARA

Na Gladness Mushi,Arusha

Jeshi la polisi Mkoani Manyara linamshikilia mfanyabiashara wa madini
ya Tanzanite,Lawi Abayo (33) kwa kudaiwa kumuua kwa kumpiga risasi
askari polisi wa kituo cha Mirerani Wilayani Simanjiro G.7037 Joseph
Tairo (28).

Akithibitisha kushikiliwa kwa mfanyabiashara huyo,Kamanda wa polisi wa
mkoa wa Manyara,Kamishna Msaidizi Akili Mpwapwa alisema jana kuwa
Abayo alijisalimisha juzi kwenye kituo cha polisi wilayani Babati.

Kamanda Mpwapwa alisema baada ya mfanyabiashara huyo kujisalimisha
mwenyewe hivi sasa wanaendelea na uchunguzi wa tukio hilo kabla ya
kumfikisha mtuhumiwa huyo Mahakamani ili kujibu shtaka la mauaji.

Hata hivyo,Kamanda Mpwapwa alithibitisha kushikiliwa kwa bastola
inayodaiwa kutumiwa na mfanyabiashara huyo kumuua Tairo na pia
wanalishikilia gari aina ya Prado alilotumia kutorokea mara baada ya
tukio hilo.

Askari huyo PC Tairo alifariki dunia Aprili 15 mwaka huu,kwenye
hospitali ya Muhimbili (Moi) baada ya kupigwa risasi ya kichwa na
kujeruhiwa Aprili 7 akiwa kazini mjini Mirerani na kuzikwa kijijini
kwao Kaboro,Mkuu Rombo Aprili 19.

Chanzo cha tukio hilo ni PC Tairo akiwa na askari mwenzake G.8523 PC
Martin,kumkamata mhalifu mmoja na wakati wakimpeleka kituoni ndipo
mfanyabiashara huyo akazuia zoezi hilo kwa kumpiga risasi askari huyo.

MWISHO

TUMIENI KAMUSI HATA MNAPOKUWA MADHABAHUNI-JOKA KUU

TUMIENI KAMUSI HATA MNAPOKUWA MADHABAHUNI-JOKA KUU

Na Bety Alex,Arusha

Mchungaji Herbert Anthony”Joka kuu”amewataka watumishi wa Mungu kuhakikisha kuwa wanafundisha masomo yao ya kila siku kwa waumini wakiwa na uhakika wa maneno lakini kama hawana uhakika basi wahakikishe kuwa wanatumia kamusi ili kujiepusha na tabia ya kupotosha maana ambazo wakati mwingine zinachangia sana kumtukuza Shetani kwa siri.

Kwa sasa hata unaposema neno unatakiwa kujua maana ya lile neno ambalo umelisema kwa kuwa maneno ya sasa yanachukuliwa kivingine kabisa  lakini kama mtumishi wa  Mungu unashindwa kujua na kutambua  maana basi tumia hata kamusi

Joka kuu aliyasema hayo jijini hapa wakati akiongea na waumini wa kanisa hilo mapema wiki hii  katika somo lilolokuwa lina husuurejesho wa afya ambapo alidai kuwa hata maneno ya sasa yanatakiwa kuchunguzwa kabla ya kutamkwa

Alidai kuwa kwa kutumia kamusi kutaweza kuwafundisha wakristo  maneno ambayo yana maana lakini kama watumishi wa mungu watakuwa wanachukua maneno bila ya kuyachuja kutasababisha mafundisho ambayo wanayatoa kwenye ibada zao  ya bure huku watu wakizidi kuangamia zaidi katika dhambi

“dunia ya sasa kwa kweli imebadilika sana hivyo basi kuliko uhubiri neno ambalo hujui maana yake ni bora unyamaze kimya kabisa unakuta mtumishi anasema kuwa ninyi ni wajanja akijua kuwa mjanja ni mtu mwenye kiwango bora kumbe neno mjanja linamaanisha mtu tapeli tapeli,sasa hapa unaona kuwa shetani anaweeza kutawala badala  Mungu aweze kutawala”aliongeza Joka kuu

Awali akiongelea  somo hilo la Urejesho wa afya ndani ya jamii ya sasa alidai kuwa Tanzania ya leo imekumbwa na magonjwa mengi sana kwa kuwa wengi wamesahau kweli ya Mungu tofauti na Miaka iliyiopita ambapo magonjwa hayo wakati mwingine chanzo chake kikubwa ni Dhambi

Alifafafnua kuwa dhambi zinapozidi maali basi kinachofuata hapa ni magonjwa  na mateso ya kila siku lakini kwa sasa wakristo pamoja na watanzania kwa ujumla wanatakiwa kuhakikisha kuwa wanarejea katika torati ya bwana ili bwana mwenyewe aweze kupunguza kasi ya magonjwa ambayo ndio umaskani wa baadhi ya watu.

“ukiangalia kwenye vyombo vya habari ubakutana na mambo na unyama wa hali ya juu sana ambao unafanywa na watu ambao mwisho wake huishia kusababisha kilema cha ugonjwa sasa  inabidi wakristo tuamke na tukatae hali kama hizi na badala yake turudi katika torati’aliongeza Joka kuu

Alimalizia  kwa kuwataka wakrsito wahakikishe kuwa wanafanya urejesho na kuachana na tabia ya kuchukulia  lugha na mambo mengine kiraisi bali wahakikishe kuwa wana ishi vema ikiwa ni pamoja na kutojihusishaa na dhambi ambazo ambazo ndizo zinazozaa maovu katika dunia

MWISHO

ASKOFU SIXBERT ATANGAZA KURUDISHA AMANI YA ARUSHA

ASKOFU SIXBERT ATANGAZA KURUDISHA AMANI YA ARUSHA

Na Bety Alex,Arusha

KANISA  la Victorius Church  Hema ya Ukombozi  Sakina limetangaza kuwa kwa sasa ndani ya Mji wa Arusha hakutakuwa na maasi mbalimbali ikiwa ni  pamoja na vita ambavyo vinasababishwa na mambo mbalimbali na badala yake  historia mbaya ya mji wa Arusha itafutika na historia ya amani itaaanza kujiandika yenyewe

Akiongea na “nyakati”mara baada ya kuwekwa wakfu na kuzinduliwa kwa kanisa  na hema hilo jipya lililopo maeneo ya Sakina askofu wa kanisa hilo Sixbert Paul alisema kuwa ameingia rasmi ndani ya mji wa Arusha hivyo  ni lazima mabadiliko yaanze kuonekana

Askofu huyo alidai kuwa amepewa mamlaka ya kukanyaga nyoka na nge hivyo ni lazima mji uweze kurudisha heshima yake ambayo ulikuwa umepewa ikiwa ni  pamoja na kupunguza na kuondoa idadi ya maovu ambayo yanatokea zaidi katika mji wa Arusha

Alifafanua kuwa kupitia madhabahu yake ni lazima uponyaji tena wa hali ya juu sana uweze kutembea na pia uweze kuokoa watu ili lengo lake halisi liweze kufikiwa na faida za madhabahu yake ziweze kiutumika hata na viongozi wa kila aina huku hali hiyo pia ikichangia uwezo wa kumrudishia Mungu sifa na utukufu

“nimekuja Arusha rasmi sasa ni lazima kila roho ambayo iko kinyume na mapenzi ya Mungu iweze kusalimu amri na kuondoka nataka historia mpya kwenye maisha ya kila mtanzania wa Arusha.kwa hiyo watu waanze kujiandaa kwa  uponyaji na amani ya mkoa wa huu”aliongeza Askofu huyo

Pia alisema kuwa kupitia madhabahu yake ni Lazima hata hali ya maisha ya wakazi wa mji wa Arusha iweze kubadilika tena kwa kiwango cha hali ya juu sana na kila mtanzania kuwa na maisha yenye ubora na uhakika wa kiwango cha hali ya juu kwa kuwa madhabahu yake inatenda.

“kazi kubwa ya madhabahu hii ni kufungua watu katika shida na kisha kuwaweka huru hivyo kama watawekwa huru ni raisi sana kwao kuhakikisha kuwa wanakula mema ya nchi yaani maisha yao yawe na ubora wa hali ya juu na kuachana na maisha ya shida ambayo yana mwanzo na pia yana mwisho”alisema

Hataivyo wakristo mbalimbali ambao walihudhuria uzinduzi huo walisema kuwa wanaratarajia kuona mabadiliko makubwa sana ambayo yatasababishwa na hema hilo kwa kuwa hapo awali Arusha ilikuwa na Vita kubwa sana ya kisiasa hali ambayo ilipoteza maana halisi ya Arusha na hivyo kusababisha umaskini mkubwa kwa baadhi ya watu wakiwemo wafanyabiashara.

MWISHO

INSERT KWA KUSHIRIKIANA NA JUKWAA LA WAZEE LATARAJIA KUJENGA KITUO CHA WAZEE WA MKOA WA ARUSHA

INSERT KWA KUSHIRIKIANA NA JUKWAA LA WAZEE LATARAJIA KUJENGA KITUO CHA WAZEE  WA MKOA WA ARUSHA

Asasi ya Informal Sector team(INSERT)Kikiana na jukwaa la  wazee wa mkoa wa Arusha wanatarajia kujenga kituo kwa ajili ya makazi ya wazee ambapo kituo hicho kitagarimu kiasi cha zaidi ya Milioni 150 huku lengo likiwa ni kusaidia wazee ambao hawana uwezo ndani ya mkoa wa Arusha

Akizungumza katika jukwaa la wazee wa mji wa Arusha (JUWA) mratibu wa  jukwaa hilo bw  Javes Sauni alisema kuwa mpaka sasa kuna mikakati mbalimbali ya kuanza marra moja ujenzi wa kituo hicho cha wazee kwa mkoa wa Arusha

Alitaja kuwa mikakayi hiyo inasema kuwa kituo hicho cha wazee kitajengwa katika eneo la Kisongo ambapo kituo hicho kwa mara ya kwanza kitaweza kuhudumia wazee zaidi ya 60  hasa wale ambao wanatoka katika mazingira magumu

Aliongeza kuwa endapo kama mpango huo wa hivi karibuni utaweza kufikiwa tena kwa haraka basi utaweza kuwa  na faida kubwa sana kwa wazee wa mkoa wa Arusha kwa kuwa baadhi yao wanakabiliwa na hali ngumu ya maisha huku wengine  nao wakiwa wanakabiliwa na ukosefu wa mahala pa kuishi

“hili jukwaa la wazee limeona kuwa upo umuhimu tena mkubwa sana wa kuhakikisha kuwa tunaangalia zaidi maslahi ya wazee hasa wale ambao wanatokea katika mazingira magumu lakini njia mojawapo ya kuweza kuwasaidia wazee hawa ni kuhakikisha kuwa kwa kiasi Fulani wanakuwa na kituo ambacho kama sio kukutanika pale na kuongea masuala yao ya wazee lakini pia kitasadiia sana kuokoa maisha ya wengi”aliongeza Sauni

Wakati huo huo alisema kuwa kwa sasa bado asilimia kubwa sana ya wazee hasa wa mji wa Arusha wanakabiliwa na changamoto kubwa sana ya matibabu hali ambayo wakati mwingine husababisha vilema vya kudumu au vifo hasa kwa wazee ambao wanatoka katika familia ambazo hazina uwezo

Pia alisema kuwa kutokana na changamoto hiyo watatumia jukwaaa la wazee kwa kuhakikisha kuwa wanatafuta mbinu mbadala ambazo zitaweza kuwaokoa wazee hasa wale ambao hawana uwezo wa kujitibu ikiwa ni pamoja na kukosa hata fedha kwa ajili ya manunuzi ya dawa

“hii ni changamoto kubwa sana ambayo inawakabili wazee wa mkoa wa Arusha lakini tutatafuta mbinu mbadala na kuhakikisha kuwa wazee wanapata matibabu kwa kuwa tayari Serikali ilishatoa Agizo lakini vituo vya afya vya  Mjini hapa bado havitekelezi sera hiyo pamoja na Tamko hilo”alifafanua  Bw Sauni

ASKOFU ALITAKA TAIFA LA TANZANIA KUTOJIBU VITA YA MASHAMBULIZI YA AINA YOYOTE ILE

ASKOFU ALITAKA TAIFA LA TANZANIA KUTOJIBU VITA YA MASHAMBULIZI YA AINA YOYOTE ILE

TAIFA la Tanzania pamoja na watu wake wameaswa kuachana  na tabia ya kulipizana kisasi cha aina yoyote ile badala yake lihakikishe kuwa linalipa ubaya kwa wema hali ambayo itaweza  kuwanyanya watanzania dhidi ya machafuko mbalimbali yanayoendelea ndani na nje.

Kauli hiyo imetolewa Mjini Arusha mapema jana na  askofu wa kanisa Katoliki Jimbo la Arusha,baba askofu Josephat Lobulu wakati akiongea na vyombo mbalimbali vya habari kuhusiana na maazimisho ya miaka 50 ya kanisa hilo yanayoendelea mjini hapa

Askofu huyo alisema kuwa kwa sasa Nchi ya Tanzania imekumbwa na machafuko mengi sana lakini si jambo jema kama wananchi au taifa litaachia amani  na kisha kuingia kwenye malumbano ambayo wakati mwingine yanasababisha maafa hata kwa wasio kuwa na hatia

Alifafanua kuwa kamwe jambo baya haliwezi kuisha kwenye jamii kama litalipzwa kwa ubaya bali jambo baya litaweza kuisha endapo kama litalipzwa zaidi kwa wema huku wema huo ukiwa ni viashiria vya amani ambayo wakati mwingine inapotea kutokana na ubaya ambao umo kwenye jamii

“kama nchi ya Tanzania tutataka kupoteza amani basi tuanze kuyafuta na kutafuta vyanzo vya vitu mbalimbali ambavyo vimezaa maovu ni wazi kuwa damu za watu wasiokuwa na hatia zitamwagika bure sasa mimi nawasihi sana watanzania wahakikishe kuwa wanalinda amani yao na wasiwe chanzo cha kuharibu amani ya taifa lao”aliongeza Askofu Lobulu

Akiongelea Sekta  za elimu na afya ambazo zimo chini ya kanisa hilo alisema kuwa mpaka sasa kanisa hilo hususani kwa mkoa wa Arusha limeshaweka mikakati mbalimbali ya kuhakikisha kuwa wanatoa elimu kwa watanzania ambapo elimu hiyo pia itaweeza kupambana na adui Ujinga pamoja na adui Umaskini

Aliongeza kuwa kwa kuwa na sekta nzuri ya elimu ambayo itaweza kuwaruhusu watanzania kujipatia elimu pia kutaweza kuraisisha maisha ya vijana wa kitanzania ambapo kama watakuwa na elimu ya kutosha basi wataweza kukimbia hata maasi ya Taifa ambayo wakati mwingine yanatokea kwa kuwa hakuna kazi za kufanya

“tumedhamiria kuwa kwa sasa tunataka tuwe na elimu ya juu lakini pia hata kuweza kuiboresha zaidi ambapo itatoa fursa kwa vijana wengi zaidi lakini pia tutaweza kufikia malengo yetu ambayo tumejiwekea ya kutaka kuwafanya vijana wa kitanzania kuwa na elimu kama zilivyo nchi nyingine “alibainisha Askofu Lobulu

MWISHO

KAMPUNI YA CHICO YATOA RAMBIRAMBI

MH WAZIRI MKUU APOKEA SHILINGI MILIONI KUMI ZA RAMBIRAMBI KUTOKA KAMPUNI YA CHICO KUTOKANA NA AJALI YA KUANGUKA KWA JENGO JIJINI DAR ES SALAAM

Waziri Mkuu Mh Mizengo Pinda leo amepokea shilingi milioni kumi kwa ajili ya rambirambi kutokana na ajali ya kuanguka kwa jengo la gorofa 16 jijini dar es salaam tarehe 29march 2013 na kusababisha maafa pichani ni Assistant President Chief Representative Tanzania kutoka kampuni ya China Henan International Cooperatin Group Co. Ltd Mr Guo Zhijian akimkabidhi waziri Mkuu hundi ya shilingi milioni kumi kama rambirambi ya kampuni hiyo makabidhiano hayo yamefanyika ofisni kwa waziri Mkuu Magogoni Dar es salaam Picha na Chris Mfinanga Waziri Mkuu Mizengo Pinda akiwa katika picha ya pamoja na kiongozi wa kampuni hiyo pamoja na maafisa wengine mara baada ya kupoke msaada wa fedha hizo

ARUSHA INAKABILIWA NA ONGEZEKO KUBWA LA UHITAJI WA MAJI

MKURUGENZI MAMLAKA YA MAJI ARUSHA,MHANDISI RUTH KOYA

ARUSHA INAKABILIWA NA ONGEZEKO KUBWA LA UHITAJI WA MAJI

NA BETY ALEX,Arusha

Jiji la Arusha linakabiliwa na changamoto ya ongezeko kubwa la uhitaji wa maji kutoka mita za ujazo 53,030  hadi mita za ujazo 93,270 kwa siku  kutokana na ongezeko kubwa la idadi ya watu inayokua kwa kasi isiyoendana na kiwango cha uzalishaji wa maji.

Hayo yalibainishwa na Mkurugenzi Mtendaji wa Mamlaka ya maji safi na maji taka Arusha (AUWSA) mhandishi Ruth Koya katika Kilelecha Wiki ya maji iliyoadhimishwa Jijini hapa Mwishoni mwa wiki

Alisema  kuwa Kiwango cha uzalishaji wa maji  kimeshuka kutokana na mabadiliko ya tabia ya nchi yaliyosababisha ukame  na kiwango hicho kushuka hadi kufikia mita za ujazo 32,000 hadi 45,000 kwa siku,hali hiyo inailazimu mamlaka husika kuwa na mgao wa maji hasa katika maeneo yaliyoinuka na yale yaliyoko pembezoni mwa jiji  kama Mbauda,Ngusero,Sombetini,Morombo na Terrat.

Mhandisi Koya aliendelea kwa kusema kuwa hali hiyo inasababishwa na ukuaji wa mji wa Arusha kutokana na kuongezeka  kwa shughuli za kijamii na za kiserikali.Hivyo kwa ujumla mamlaka yake inakabiliwa na changamoto ya kuendelea kutafuta vyanzo vipya vya maji ili kukidhi ongezeko  kubwa la mahitaji ya maji.

Mbali na hayo alisema kuwa  mamlaka hiyo imekuwa na mikakati ya muda mrefu na muda mfupi ya kukabiliana na ongezeko la uhitaji wa maji kama vile uendelezaji wa chem chem za Machare zilizoko kata ya Moshono ambazo mamlaka inaendelea kuiboresha inatoa lita 30,000 kwa saa, pamoja na kuchimba visima vipya katika kata ya Sokon 1,Engutoto na Sombetini.

Akizungumzia changamoto zinazoikabili mamlaka hiyo,Mkurugenzi huyo amesema kuwa  wananchi wamekuwa wakivamia  maeneo ya vyanzo vya maji kwa ajili ya shughuli za kibinadamu  kama vile kilimo,ufugaji,uvunaji miti,uharibifu wa mazingira kwa ujumla.

Naye  Mwenyekiti wa bodi  wa mamlaka hiyo bwa  Felix Mrema alisema kuwa vyanzo vya maji vinazidi kupungua kila siku na mahitaji ya maji yanazidi kuongezeka na kueleza kuwa suluhu ya tatizo hili ni serikali kufanya jitihada za makusudi  za kuyahifadhi maeneo ya vyanzo yasiingiliane na shughuli za binadamu akitolea mfano eneo la Burka na Ngaramtoni ambalo amedai kuwa  linaweza kutosheleza mahitaji ya maji kwa jiji la Arusha kwa miaka 50 ijayo.

 Aliwataka wananchi wa Mkoa wa Arusha kuhakikisha kuwa wanajiwekea utaratibu wa kueshimu zaidi vyanzo vya maji na kuachana na tabia ya kuharibu vyanzo hivyo kwani uharibifu huo mara nyingine ndio chanzo kikubwa cha ukame ndani ya Jiji la Arusha

CHUO CHA UFUNDI ARUSHA CHAANZA MKAKATI WA KUFUA MITAMBO YA UMEME

PICHA: Mkuu wa mkoa wa Kilimanjaro,Leonidas Gama(Katikati) akipata maelezo ya Kituo cha Kuzalisha umeme cha Kikuletwa kilichopo wilayani Hai mkoani Kilimanjaro kutoka kwa Mtaalamu wa Chuo cha Ufundi Arusha,Aliyesimama nyuma ya mkuu wa mkoa mwenye miwani ni mkuu wa chuo hicho Dk Richard Masika picha na Gladness Mushi,Arusha

Chuo cha Ufundi Arusha kimeanza mkakati wa kufufua mitambo ya kuzalishia umeme wa maji wa Kituo cha Kikuletwa iliyopo wilayani Hai mkoani Kilimanjaro ambapo hadi itakapokamilika itaweza kutosheleza mahitaji ya mikoa ya Kilimanjaro na Arusha na umeme mwingine kubaki.

Ufafanuzi huo umetolewa na  mkuu wa Chuo hicho Dk Richard Masika kwa mkuu wa mkoa wa Kilimanjaro,Leonidas Gama aliyetembelea mitambo hiyo ambayo imekabidhiwa kwa chuo hicho na Shirika la Umeme Nchini(TANESCO)

Alisema kuwa chuo hicho ambach kitakuwa cha kwanza barani Afrika kumiliki kituo cha kufua umeme,kitatumia kituo hicho kwa malengo matatu ambayo ameyataja kuwa ni pamoja na kutumika kwa mafunzo,kutengeneza vipuri vya mitambo ya umeme pamoja na kuzalisha umeme.

Dk Masika ameeleza kuwa baada ya kukabidhiwa kituo hicho mapema wiki iliyopita na baadaye kuanza kazi za awali wamebaini kwamba kwa kufunga mitambo mipya ya kufua umeme wataweza kutoa megawati 17 ambazo zitaingizwa katika gridi ya taifa.

Alisema kuwa mitambo ya kituo hicho chenye eneo la jumla ya Ekari 400 yanategemea maji ya mito miwili ambayo Kware unaoanzia Mlima Kilimanjaro na Mto Mbuguni unaonzia mlima Meru ambapo maji hayo huduma katika kipindi kizima cha mwaka na kuongezeka wakati wa kiangazi

Kwa upande wake Mkuu wa mkoa wa Kilimanajro,Gama amewataka wataalamu wa cuo hicho pamoja na mipango mizuri na kuonyesha kuwa na uwezo mkubwa wa kukiendesha lakini aliwataka kuwa na uzalendo ambao utalisaidia taifa katika kutatua tatizo la upatikanaji wa nishati ya umeme.

Kwa upande wake Mkuu wa wilaya ya Hai,Novatus Makunga ameahidi kukipa ushirikiano chuo hicho na kukitaka kuhakikisha kinaimarisha kitengo chake cha uhusiano ili kujenga mahusiano na vijiji vinavyozunguka kituo hicho.

Makunga alisema kuwa ni vyema chuo hicho kikajipanga kwa kushirikiana na uongozi wa wilaya katika kuhakikisha kinawaelimisha wananchi wanaoishi maeneo ya jirani ili watambue umuhimu wa kituo hicho na madhara ya kutaka kuingiza mifugo kwa nguvu

ANDIKENI HABARI ZA UCHUNGUZI ZAIDI ACHANENI NA HABARI ZA SEMINA NA MIKUTANO- MWOLEKA

ANDIKENI HABARI ZA UCHUNGUZI ZAIDI ACHANENI NA HABARI ZA SEMINA NA MIKUTANO- MWOLEKA

Kushoto ni Malkia  wa  Matukio Arusha, na kulia ni Rose Jackson wakiwa wanatafakari jambo katika mtandao,hawa pia ni baadhi ya waandishi wa habari pia wakiwa kazini

Na Gladness Mushi,Arusha

WAANDISHI wa habari hapa Nchini wameaswa kuhakikisha kuwa wanajiwekea utatibu wa kuandika zaidi habari za uchunguzi kuliko kurtegemea habari za semina na mikutano kwani habari za mikutano na semina bado hazitoi majawabu na changamoto kwa jamii

Endapo kama waandishi wa habari wa Tanzania wataweza kujiwekea utaribu wa kuandika habari ambazo zina uchunguzi wa kutosha basi watakuwa ni chanzo kikubwa sana cha maendeleo ya Nchi

Hayo yalielezwa Jana na Anjelo Mwoleka ambaye ni Mkurugenzi wa Jambo  Arusha Publisher wakati  akiongea na wahitimu wa fani ya uandishi wa habari katika chuo cha uandishi wa habari Arusha (AJTC) katika maafali ya sita ya chuo hicho yaliyofanyika chuoni hapo.

Aidha Mwoleka alisema kuwa kwa sasa kuna wimbi kubwa la waandishi wa habari a wanajihusisha zaidi na masuala ya habari za Semina na kuachana na habari za kiuchunguzi hali ambayo wakati mwingine ina nyima haki za msingi za jamii kwa kuwa waandishi wa habari wana nafasi kubwa sana ya kuibua maovu yanaoendelea kwenye Jamii

Alifafanua kuwa habari za uchunguzi ndani ya Nchi ya Tanzania ni muhimu sana kwa maendeleo ya nchi hivyo basi wana habari hawapswi kukimbia na badala yake wanapswa kuzipa kipaumbele kikubwa ili kuweza kuruhusu changamoto kwenye sekta zote kujilikana

“kuwa mwandishi wa habari sio lazima uwe unajua ratiba za mikutano za kila siku bali kuna maana kuwa unapaswa kujua na kutambua kuwa unatakiwa lkuwa mchunguzi na hapo ndio kazi yako itakuwa na manufaa makubwa sana kwa jamii hivyo basi habari za muhimu zinatakiwa kupewa kipaumbele tena kikubwa sana ili nchi ya Tanzania iweze kufika mahali ambapo inatakiwa kufika kama zilivyo nchi nyingine ambazo zimeendelea duniani”aliongeza Mwoleka

Awali wahitimu wa mafunzo hayo ya uandishi wa habari katika ngazi ya cheti, na shahada walisema kuwa pamoja na kuwa chuo hicho kimewalea katika maadili mazuri lakini bado wanakabiliwa na uhaba wa vifaa kama vile Kompyuta, na Kamera kwa ajili ya mazoezi.