TANZANIA INAHITAJI NYUMBA MILIONI TATU –NHC

TANZANIA INAHITAJI NYUMBA MILIONI TATU –NHC

Na Queen Lema,Arusha

TANZANIA ina mahitaji ya Nyumba Milioni Tatu ambapo kwa  sasa Shirika la Nyumba la Taifa (NHC) limeweka mikakati ya kuhakikisha kila mwaka inajenga nyumba zaidi ya elfu tatu ili kupunguza tatizo hilo hapa Nchini

Hayo yamelezwa na Waziri wa Ardhi,nyumba, na maendeleo ya makazi,Profesa Anna Tibaijuka leo wakati akizundua mradi wa nyumba za makazi katika eneo la Levolosi ambazo zimejengwa chini ya Shirika la nyumba

Tibaijuka alisema kuwa  mahitaji hayo ya nyumba kila mwaka yanaongezeka kwa kiasi cha nyumba laki tatu lakini ongezeko hilo ni lazima liweze kupunguzwa tena kwa haraka sana kwa kubuni aina mbalimbali ya nyumba ambazo zitarahisisha makazi bora na imara

Aliongeza kuwa Hitaji ni kubwa sana la nyumba hapa nchini hivyo jitiada za haraka sana zinahitajika katika kuhakikisha kuwa hata nyumba ambazo zinajengwa ziweze kuwa imara na ziweze kuwasaidia hata zaidi wananchi wa vijiijini ambao mara nyingine wanaonekana kukosa nyumba bora na imara

Alisema kuwa kama Shirika hilo amblo kinaendeshwa lenyewe litaweza kuwa bunifu na kujenga nyumba nyingi zaidi basi litachangia kwa kiwango kikubwa sana ongezeko hilo la nyumba zaidi ya Laki tatu kwa kila mwaka kuweza kupungua na hata baadhi ya miji kuweza kupangika kwa uraisi sana

“Tanzania kwa sasa tunakabiliwa na changamoto hii lakini ni vema sasa Shirika kwa kushirikiana na wadau mbalimbali tukahakikisha kuwa tunasonga mbele zaidi na hata kuangalia jinsi ya kupunguza tatizo hilo ambalo kama halitaaweza kutatuliwa kwa uraisi basi litasababisha madhara kwa kuwa wapo baadhi ya watu ambao watakosa sehemu za kuishi’aliongeza Tibaijuka

Katika hatua nyingine alisema kuwa nao wanasiasa wana nafasi kubwa sana ya kushirikiana na Shirika hilo kwa kuwa bado shirika hilo linakabiliwa na changamoto mbalimbali kama vile kushindwa kujenga kutokana na Ardhi ambayo inauwza kwa bei ya juu sana lakini kama watasaidiana basi wataweza kutatua changamoto hiyo ambayo nayo inafanya shirika hilo kushindwa kuendelea kujenga nyumba nyingi zaidi

Awali mkurugenzi mkuu wa Shirika hilo Nehemia Mchechu alisema kuwa ili kukabiliana na tatizo hilo la ongezeko la mahitaji ya Nyumba  hapa Nchini Shirika hilo limeweka mikakati mbalimbali ya kuhakikisha kuwa mpaka 2014 watakuwa tayari wameshajenga nyumba elfu kumi na tano huku kila mwaka wakijenga nyumba elfu tatu

Mbali na hayo alisema kuwa kwa Mkoa wa Arusha wanatarajia kuanza kujenga nyumba za garama nafuu katika wilaya ya Arumeru pamoja na Arusha huku lengo halisi likiwa ni kuhakikisha kuwa mji wa Arusha unaendelea kuboreka zaidi kwenye hadhi za kimataifa na kuachana na ujenzi holela ambao mara nyingine unasababisha ukosefu wa nyumba

MWISHO

WATUMIENI MAAFISA VIJANA MUEPUKANE NA KERO ZA VIJANA MITAANI- DKT FENELA

WATUMIENI MAAFISA VIJANA MUEPUKANE NA KERO ZA VIJANA MITAANI- DKT FENELA

Na Queen Lema, Arusha

WAZIRI  wa habari,michezo na Utamaduni,Dkt Fenela Mkangara amezitaka Halmashauri zote ndani ya mkoa wa Arusha kuhakikisha kuwa zinajiwekea utaratibu wa kuwa na maafisa Vijana kwa kuwa kama wataweza kufanya hivyo basi watachangia kwa kiwango kikubwa sana kuweza kujadili kwa pamoja changamoto mbalimbali ambazo zinawakabili vijana

Zipo Halamshauri ambazo zinakabiliwa na masuala ya changamoto za Vijana lakini hakuna afisa yoyote ambaye  ana uwezo wa kutatua kero za vijana hivyo asilimia kubwa ya vijana wanabaki wakiwa  wanalalamika ovyo juu ya Serikali

Waziri huyo aliyasema hayo Jana Jijini hapa wakati akiongea na viongozi mbalimbali wa Jiji la Arusha akiwemo Mkuu wa Wilaya kuhusiana na maendeleo ya Vijana pamoja na changamoto,utatuzi wake kwa kipindi miaka iliyopita.

Dkt Fenala alisema kuwa endapo kama Hallkmashauri zote za Jiji la Arusha zitaweza kuwatumia vema hao maafisa Vijana basi zitachangia sana maendeleo ya Vijana kwa kuwa asilimia kubwa ya vijana wa sasa wanabaki wakiwa wanalamikia Serikali  kwa kushindwa kuwajua na kuwatambua jambo ambalo si la kweli

Alisema kuwa kupitia Maafisa Vijana hao ambao wataweza kutatua changamoto ikiwa ni pamoja na kuweka mikakati mbalimbali ya vijana lakini kwa kuwa  kwa sasa hakuna maafisa hao basi Halmashauri zinasema kuwa zinawasaidia vijana huku mitaani vijana bado wakiwa wanakabiliwa na changamoto nyingi sana.

“Wizara yangu imeweka mikakati ya kuondoa matatizo ya vijana lakini halmashauri pekee haziwezi hii kazi ni nzito jamani ni lazima mtekeleze ahadi Raisi ya kuwa na maafisa Vijana ambao wataweza kutukusanyia hawa vijana na kisha hata kama tunakitu cha kuwapa tuweze kuwapata kwa ukaribu sana na pia hii itasaidia sana vijana hawa waache kulalamika ovyo:”aliongeza Dkt Fenela

Awali Mkuu wa Wilaya ya Arusha, John Mongela alisema kuwa tatizo kubwa la vijana hasa wa mkoa wa Arusha wanachokitaka kikubwa sana ni Pesa na wala sio mawazo mazuri ya upataji  wa pesa na mitaaji imara hivyo bado asilimia kubwa sana ya Vijana wanabaki wakiwa wanalalamikia Serikali

Mongela alisema kuwa hali hiyo inasababisha vijana kuona kuwa Serikali haiwathamini,lakini bado Jiji la Arusha limeweka mikakati mbalimbali ya kuhakikisha kuwa inawapa fursa vijana wa mkoa wa Arusha sanjari na kuwaboreshea mazingira mazuri na imara ya kufanyia biashara zao pamoja na shuguli za kila siku.

MWISHO

WATENDAJI WA SACCOS WASIOKUWA NA ELIMU YA MAHESABU CHANZO CHA SACCOS KUFA

Na Queen Lema,Arusha

WATENDAJI WA SACCOS WASIOKUWA NA ELIMU YA MAHESABU CHANZO CHA SACCOS KUFA

IMEELEZWA kuwa kutokana na baadhi ya watendaji pamoja na viongozi wa vyama vya kuweka na kukopa(SACCOS) kukosa eliumu ya mahesabu kumesababisha sana baadhi ya vyama hivyo kushindwa kufikia malengo yake mbalimbali ambayo yamekwa huku pia hali hiyo ikisababisha migogoro

Hayo yameelezwa na Afisa ushirika jiji la Arusha Bw Huruma Kibwendwa wakati akiongea na wanachama wa Saccos ya Balimi ya jijini hapa mapema jana mara baada ya Saccos hiyo kufikia malengo yake mbalimbali

Huruma alisema kuwa kwa sasa ndani ya mkoa wa Arusha tatizo kubwa sana ni ukosefu wa elimu ya mahesabu kwa kuwa viongozi wengi wanaochaguliwa hawana elimu hiyo hivyo kusababisha madhara makubwa sana ndani ya vyama hivyo vya kuweka na kukopa

Alitaja madhara hayo kuwa ni  pamoja na migogoro ya mara kwa mara ambayo wakati mwingine husababisha hata kufa kwa vyama hivyo, huku madhara mengine ni pamoja na kusababisha utoaji wa mikopo ambayo haikidhi vigezo hali ambayo nayo inachangia sana hasara kubwa sana  kwenye mitaji ya vyama hivyo

“haya madhara ni makubwa sana na kwa hali hiyo basi napenda kusema kuwa hawa viongozi wa vyama hivi wanatakiwa kuhakikisha kuwa wanatafuta elimu hii ili kuweza kunusuru vyama vya kuweka na kukopa ndani ya Jiji la Arusha lakini kama watakuwa wanaendesha vyama vyao kwa mazoea kutasababisha kukithiri kwa udanganyifu wa mahesabu ndani ya vyama hivyo” aliongeza Huruma

Akiongelea maendeleo ya Saccos hiyo ya Balimi Mweka hazina wake,Bw Gerald Kazungu alisema kuwa mpaka sasa wamefanikiwa kuwa na mtaji wa kiasi cha Milioni 73 ambapo kwa kipindi cha mwaka huu 2013 wameweza kugawa Gawio la kiasi cha zaidi ya  Milioni nane kwa wanachama wake mara baada ya kutengeneza faida ambayo imetokana na wanachama wake

Huruma alisema kuwa malengo halisi ya Saccos hiyo ni kuhakikisha kuwa wanaendelea kukopesha zaidi wanachama walio wengi zaidi ambapo kama watakuwa na wanachama wengi zaidi basi wataweza kuchangia kwa kiwango kikubwa sana kuokoa wananchi wa Jiji la Arusha dhidi ya Umaskini ambao unatokana na ukosefu wa Mitaji.

Awali Mwenyekiti wa Saccos Hiyo Bw Richard Mugyabuso alisema kuwa pamoja na kuwa wamefanikiwa kupata faida ya zaidi ya Milioni kwa kipindi cha Miaka miwili lakini bado wakopaji walio wengi wanakabiliwa na changamoto ya mautumizi mabaya ya mikopo hali ambayo inafanya wanakopa washindwe kurudisha fedha hizo huku vyama navyo vikiwa vinategemea marejesho kwa ajili ya kujiendeleza

Mugyabuso alisema kuwa wapo baadhi ya wakopaji katika baadhi ya vyama vya kuweka na kukopa wanakopa kwa malengo kama vile kufanya sherehe,kufikiria zaidi maisha ya kifahari,starehe huku hali hiyo ikisababisha kushindwa kulipa hasa wanapotakiwa kulipa,huku hali hiyo ikisababisha shuguli mbalimbali za vyama kukwama kutokana na Mtaji kupungua badala ya kuongezeka.

MWISHO

ASKOFU ASHANGAZWA NA MANABII WANAOENDESHA MAISHA YAO KWA KIFAHARI ILIHALI WAUMINI WAO NI MASKINI

ASKOFU ASHANGAZWA NA MANABII WANAOENDESHA MAISHA YAO KWA KIFAHARI ILIHALI WAUMINI WAO NI MASKINI 

Na Bety Alex,ARUSHA

KATIKA hali isiyokuwa ya kawaida askofu wa kanisa la uzima na ufufuo jijini Arusha Stanley Kilima amewataka baadhi ya manabii wa mkoa wa Arusha ambao wanasindikizwa na kulindwa na mapolisi wakiwa barabarani(ESCORT)wakristo wawaogope sana kwa kuwa inadhirisha wazi kuwa wapo kimaslahi zaidi

Kilima aliyasema hayo Jumapili iliyopita wakati akiongea na waumini wa kanisa la uzima na ufufuo lilipo Maua Ungalmtd Jijini hapa ambapo alidai kuwa wapo wakristo ambao wanachekwa na shetani bila kujua kuwa shetani anawacheka

Alisema kuwa kwa sasa wakristo ambao wanakwepa neno la mungu ndio wanaodanganywa kwa kuwa watu wanaojiita ni Manabii wanatumia vibaya hilo jina na kisha wanajisafisha hata kwa majeshi mbalimbali kwa kuomba Escort bila kujua kuwa wanafanya vibaya sana kwa kuwa kama Mungu amewaita basi wasingeitaji Ufahari ambao hauna maana

Pia alisema kuwa kwa sasa wakristo wanapaswa kuwajua na kuwatambua wanaojiiita manabii kwa kuomba hekima kutoka kwa Mungu na kisha kuwachunguza kwa kuwa asilimia kubwa ya wanaojiita wao ni manabii wapo kifedha zaidi ambapo kwa sasa wengi sana wanashindania mambo ya kifahari yakiwemo magari ya kisasa

Aliongeza kuwa hali hiyo ya wakristo kufumba macho na kisha kuwatambua watu hao kama manabii kumbe ni wapenda fedha ndio inayozaa zaidi fedha chafu za nchi pamoja na mateso yasiyoisha ndani ya makanisa kwa kuwa shetani anawacheka badala ya kuwaogopa watu hao kama wana wa mungu

Alimalizia kwa kutoa hata wito kwa viongozi wa makanisa kuhakikisha kuwa kamwe tamaa ya vitu vya misaada haiwangilii kwa kuwa napo kwa sasa wapo baadhi ya watumishi wa Mungu ambao wanakwenda nje ya nchi na kuomba misaada ambayo wakati mwingine si kwa ajili ya utukufu wa Mungu bali ni kwa ajili ya maitaji yao binafsi

MWISHO

TANZANIA YAINGIA KWENYE MAAJABU SABA YA AFRIKA

TANZANIA YAINGIA KWENYE MAAJABU SABA YA AFRIKA

Na Queen Lema,Arusha

TANZANIA kupitia shirika la Hifadhi za Taifa limefanikiwa kuingia katika maajabu saba katika bara la Afrika hali ambayo itafanya Sekta ya utalii hapa nchini iweze kukua na kuimarika sana tofauti na hapo awali.

Akitangaza Vivutio hivyo vitatiu mjini hapa mapema jana Dr Philiph Imler ambaye ni mwanzilishi na raisi wa maajabu saba barani Afrika alisema kuwa Tanzania kwa wakati huu umefanikiwa kupata vivutio vitatu

Alitaja vivutio hivyo kuwa ni Pamoja na Mlima Kilimanjaro,hifadhi ya Serengeti pamoja na bonde la Ngorongoro ambapo vivutio hivyo viliweza kupigiwa kura nyingi sana na hivyo kuvipa ushindi wa hali ya juu kwa pia ndani ya vivutio hivyo kuna maajabu ya aina mbalimbali ambayo hayapatikani popote barani Afrika na duniani kwa ujumla

“leo nina furai kutangaza kuwa Tanzania imeingia ndani ya maajabu saba na hivyo basi hii ni kama changamoto ya kuhakikisha kuwa bado mnaendelea kufanya viendelee kukua na kuinarika zaidi ili hata wakati mwingine muwe na vivutio vingi zaidi’aliongeza Dkt Imler.

Katika hatua Nyingine Waziri mkuu wa Tanzania,Mizengo Kayanza Pinda alisema kuwa bado Nchi za Afrika zinahitaji zaidi kuwekeza zaidi katika masuala ya Utalii ikiwa ni pamoja na kuongeza zaidi jitiada za utalii kwani bado kuna changamoto kubwa sana katika masuala ya utalii.

Pinda aliongeza kuwa endapo kama Nchi hizo zitaweza kufanya hivyo basi Nchi hizo zitakuwa na Vivutio venye maajabu mengi sana duniani hali ambayo nayo itachangia sana kuweza kuimarisha utalii wa ndani na hata wa nje ya nchi husika.

Aliongeza kuwa ndani ya Nchi  ya Tanzania kwa sasa wamejiwekea juhudi za makusudi kuanzia ngazi ya kitaifa ambapo kupitia ngazi mbalimbali wataweza kuharakisha maendeleo ya utalii hususani utalii ili maajabu mbalimbali ya Tanzania yaweze kufahamika duniani.

Awali mkurugenzi wa shirika la hifadhi za Taifa hapa nchini(TANAPA)Alan Kijazi alisema kuwa wanatarajia mapato kuongezeka hasa katika mlima Kilimanjaro,bonde  la Ngorongoro, na hifadhi za Serengeti kwa kuwa vivutio hivyo vimetangazwa rasmi kama vivutio venye maajabu ya kutosha

Kijazi alisema kuwa pamoja na kutangazwa kwa vivutio hivyo lakini bado TANAPA limejiwekea mikakati mbalimbali ya kuhakikisha kuwa wanaendeleza shuguli za utalii hapa nchini ingawaje bado kuna changamoto kubwa sana kwenye masuala ya utalii wa ndani

MWISHO

TFDA YATEKETEZA BIDHAA ZA MILION SABA HUKU BAADHI YAKE ZIKIWA NI BIDHAA AMBAZO ZINAWAFANYA WANAWAKE WAONEKANE WANENE KUMBE NI UGONJWA

TFDA ARUSHA YATEKEZA BIDHAA ZA MILIONI SABA

Na Queen Lema,Arusha

MAMLAKA ya Chakula na Dawa nchini TFDA, jana imeteketeza tani moja na robo ya Shehena kubwa ya bidhaa mbalimbali zenye thamani ya shilingi milioni 7 ambazo zimekwisha muda wake wa matumizi na zingine hazijasajiliwa na pia hazionyeshi lini muda wake wa matumizi utakwisha.

Akizungumza katika zoezi hilo la kuteketeza biddhaa hizo kwenye Jalala kuu , lililopo eneo la Muriet, halmashauri ya Jiji la Arusha, Meneja wa kanda ya Kaskazini, wa Mamlaka ya Chakula na Dawa, TFDA, ,Damas Matiko, amesema bidhaa hizo zimekamatwa katika msako uliofanyika ndani ya wiki moja katoka maduka ya Vyakula na Super market.jijini Arusha.

Amezitaja bidhaa hizo zilizoteketezwa kuwa ni  Mafuta ya vyakula, Juice, Soda aina ya Pepsi zilizoko kwenye makopo, Majani ya Chai, Dawa za miswaki za Kichina, Sukari, Maji ya Chupa, Unga wa maziwa wa uji wa watoto uliopo kwenye makopo, Vinywaji vikali, (Pombe)

Matiko, amesema kuwa bidhaa hizo hazikidhi viwango vuinavyotakiwa ,hazijasajiliwa na Shirika la Viwango nchini TBS, na zingine zimeandikwa lugha isiyofahamika ,zingine zimeghushiwa tarehe ya mwisho ya kutumika, hivyo zina madhara makubwa kwa watumiaji na pia hazimhakikishii Usalama mlaji.

Amesema zoezi hilo la kukamata bidhaa hizo bandia limefanyika kuanzia Februari 4 hadi February 8 mwaka huu ,ambapo Mamlaka hiyo imelazimika kuendesha msako huo kwenye maduka baada ya kubaini kuwepo kwa bidhaa zisizokuwa na viwango na hivyo kuathiri afya za walaji.

Matiko alitoa wito kwa  wananchi wanaonunua bidhaa zao kwenye maduka makubwa ya kuuza vyakula,{Super market}, kusoma maelezo ya bidhaa wanazonunua ili waelewe muda wa matumizi badala ya kununua kwa haraka na kwenda kutumia wakati mwingine wanaweza kununua bidhaa ambazo muda wake umeshakwisha na zikawa ni madhara kwao.

"wananchi wawapo na mashaka na bidhaa hizo zilizoko kwenye maduka zikiwemo ambazo lugha na maelezo yake hayaeleweki watoe taarifa kwa Mamlaka hiyo ya chakula na dawa TFDA, au Idara ya afya halmashauri ya jiji la Arusha,lengo ni kulinda afyas za walaji" alisisitiza Matiko.

Ameyataja baadhi ya madhara hayo kuwa ni pamoja na kupata magonjwa kama vile Saratan, kuharisha ,maumivu ya tumbo ,kupata mzio unaotokana na kula vyakula vya aina Fulani, wengine hunenepa na kuwa na miili mikubwa mfano kwa wanawake.

Kwa upande wake kaimu afisa afya mkuu wa jiji la Arusha, Alan Sumari, mewataka wafanyabiashara kuingiza nchini bidhaa zenye viwango ili kuepuka hasara ya bidhaa hizo kuteketezwa na Mamlaka ya Chakula na Dawa TFDA.

ASKOFU THOMAS WA KKKT LAIZER AFARIKI DUNIA MKOANI ARUSHA

ASKOFU THOMAS WA KKKT LAIZER AFARIKI DUNIA MKOANI ARUSHA

Askofu Thomas Laizer enzi za uhai wake

Askofu wa Kanisa la Kiinjili la Kilutheri Tanzania Dayosisi ya Kaskazini.Askofu Thomas  Laizer amefariki duniaalasiri ya leo katika Hospitali ya Rufaa ya Selelian ya Mjini Arusha.

 

 Jana Februari 6, 2013 Waziri Mkuu Mizengo Pinda, alimtembelea  na kumjulia hali Askofu Thomas Laizer wa Kanisa la Kiinjili la Kilutheri Tanzania (KKKT) Dayosisi ya Kaskazini Kati.

Taarifa zilipasha kuwa Askofu Laizer alilazwa Hospitalini hapo kwa zaidi ya mwezi mmoja, na hakuna daktari wala ndugu aliye tayari kusema ugonjwa unaomsibu.

 

Pinda alikwenda hospitalini hapo jana saa 9 alasiri na kukaa zaidi ya nusu saa, huku waandishi wa habari wakizuiwa kuingia katika chumba alimolazwa cha wagonjwa wanaohitaji uangalizi maalumu.

 

Hata hivyo, baada ya kutoka katika chumba hicho kama ilivyo ada ya viongozi kuzungumzia hali ya mgonjwa, Pinda hakuzungumza na waandishi wa habari na kulikuwa na ulinzi mkali ambapo pia waandishi wa habari walizuiwa kuzungumza naye.

TANZANIA INAKABILIWA NA MAFUNDI SANIFU MAABARA-MULUGO

TANZANIA INAKABILIWA NA MAFUNDI SANIFU MAABARA-MULUGO

TANZANIA inakabaliwa na tatizo la uhaba wa  mafundi Sanifu Maabara ambapo kwa sasa wanaozalishwa na Vyuo vya Ufundi hapa nchini hasa Arusha Techical College(ATC)ni ndogo sana hali ambayo inafanya baadhi ya shule za Sekondari hapa nchini kukosa ufanisi zaidi na Masomo ya Sayansi

Hayo yalisemwa na Naibu Waziri wa elimu na Ufundi hapa Nchini Bw Philiph Mulugo wakati akiongea na wadau mbalimbali wa chuo cha ufundi Arusha(ATC)mapema wiki hii

Aidha Mulugo alisema kuwa bado hali si shwari hasa katika sekta hiyo ya mafundi sanifu wa maabara kwa kuwa Tanzania ni miongoni mwa Nchi yenye shule za Sekondari zaidi ya 400 wakati wanaozalishwa wakiwa bado ni 15

Alisema kuwa hali hiyo inasababisha kuwepo na uhitaji mkubwa sana wa mafundi sanifu kwa kuwa ili shule yoyote ile iweze kufanya vema katika masomo ya Sayansi ni lazima kwanza wataalamu hao waweze kuandaa vifaa mbalimbali vya maabara ili kuruhusu wanafunzi wasome vizuri

“hapa unaweza kuona kuwa wahitimu  wa hii fani wachache sana kuliko wahitimu wa darasa la saba ambao wanatarajia sasa rasmi kuanza rasmi masomo ya Sayansi sasa kwa hali hii hata wale walimu wa masomo haya kwa kweli wanazidiwa sana na majukumu lakini kama watakuwa na wataalamu wa kutosha tunaamini kabisa  ufaulu wa masomo haya utaongezeka sana hivyo Serikali itaondokana  hata na uhaba wa wataalamu mbalimbali”aliongeza Mulugo

Mulugo pia alisema kuwa pamoja na uhaba huo wa mafundi sanifu wa maabara lakini lengo la Serikali la sasa ni kuhakikisha kuwa kila shule inakuwa na  Wataalamu hao ambao wataweza kushirikiana na walimu wa Sayansi hivi karibuni ambapo pia hata Vyuo vya ufundi navyo vinatakiwa kuhakikisha kuwa vinajiwekea utaratibu wa kuzalisha wataalamu wengi zaidi

Alitoa wito kwa vijana wa Kitanzania kuhakikisha kuwa kamwe hawakimbii fani hiyo badala yake wajiunge na Chuo hicho cha  Ufundi Arusha ili waweze kudahiliwa kama wataalamu  ambapo hali hiyo itaweza kuokoa Jamii ambayo bado inakabiliwa na changamoto ya uhaba wa wataalamu hao

Kwa upande wake Mkuu wa Chuo hicho Dkt Richard Masika alisema kuwa kwa sasa Jamii inaona Masomo ya Sayansi ni Magumu kwa kuwa hakuna utaratibu wa kuyafundisha kwa vitendo jambo ambalo kwa sasa chuo hicho kimejipanga sana kuweza kujipanga kudahili wahitimu wengi zaidi ili kufanya masomo hayo yasionekane ni magumu

Dkt Masika alisema kuwa ili masomo hayo yasionekane kuwa ni magumu kwa sasa wamejiopanga kwa kuhakikisha kuwa wanazalisha wataalamu wengi zaidi ambapo mpaka kufikia mwaka 2015 watakuwa wamezalisha wataalamu zaidi ya 150 ambao wataweza kusaidia sana kuokoa shule zenye uhaba wa watalaamu hao

MWISHO

TANZANIA INAKABILIWA NA MAFUNDI SANIFU MAABARA-MULUGO

TANZANIA INAKABILIWA NA MAFUNDI SANIFU MAABARA-MULUGO

TANZANIA inakabaliwa na tatizo la uhaba wa  mafundi Sanifu Maabara ambapo kwa sasa wanaozalishwa na Vyuo vya Ufundi hapa nchini hasa Arusha Techical College(ATC)ni ndogo sana hali ambayo inafanya baadhi ya shule za Sekondari hapa nchini kukosa ufanisi zaidi na Masomo ya Sayansi

Hayo yalisemwa na Naibu Waziri wa elimu na Ufundi hapa Nchini Bw Philiph Mulugo wakati akiongea na wadau mbalimbali wa chuo cha ufundi Arusha(ATC)mapema wiki hii

Aidha Mulugo alisema kuwa bado hali si shwari hasa katika sekta hiyo ya mafundi sanifu wa maabara kwa kuwa Tanzania ni miongoni mwa Nchi yenye shule za Sekondari zaidi ya 400 wakati wanaozalishwa wakiwa bado ni 15

Alisema kuwa hali hiyo inasababisha kuwepo na uhitaji mkubwa sana wa mafundi sanifu kwa kuwa ili shule yoyote ile iweze kufanya vema katika masomo ya Sayansi ni lazima kwanza wataalamu hao waweze kuandaa vifaa mbalimbali vya maabara ili kuruhusu wanafunzi wasome vizuri

“hapa unaweza kuona kuwa wahitimu  wa hii fani wachache sana kuliko wahitimu wa darasa la saba ambao wanatarajia sasa rasmi kuanza rasmi masomo ya Sayansi sasa kwa hali hii hata wale walimu wa masomo haya kwa kweli wanazidiwa sana na majukumu lakini kama watakuwa na wataalamu wa kutosha tunaamini kabisa  ufaulu wa masomo haya utaongezeka sana hivyo Serikali itaondokana  hata na uhaba wa wataalamu mbalimbali”aliongeza Mulugo

Mulugo pia alisema kuwa pamoja na uhaba huo wa mafundi sanifu wa maabara lakini lengo la Serikali la sasa ni kuhakikisha kuwa kila shule inakuwa na  Wataalamu hao ambao wataweza kushirikiana na walimu wa Sayansi hivi karibuni ambapo pia hata Vyuo vya ufundi navyo vinatakiwa kuhakikisha kuwa vinajiwekea utaratibu wa kuzalisha wataalamu wengi zaidi

Alitoa wito kwa vijana wa Kitanzania kuhakikisha kuwa kamwe hawakimbii fani hiyo badala yake wajiunge na Chuo hicho cha  Ufundi Arusha ili waweze kudahiliwa kama wataalamu  ambapo hali hiyo itaweza kuokoa Jamii ambayo bado inakabiliwa na changamoto ya uhaba wa wataalamu hao

Kwa upande wake Mkuu wa Chuo hicho Dkt Richard Masika alisema kuwa kwa sasa Jamii inaona Masomo ya Sayansi ni Magumu kwa kuwa hakuna utaratibu wa kuyafundisha kwa vitendo jambo ambalo kwa sasa chuo hicho kimejipanga sana kuweza kujipanga kudahili wahitimu wengi zaidi ili kufanya masomo hayo yasionekane ni magumu

Dkt Masika alisema kuwa ili masomo hayo yasionekane kuwa ni magumu kwa sasa wamejiopanga kwa kuhakikisha kuwa wanazalisha wataalamu wengi zaidi ambapo mpaka kufikia mwaka 2015 watakuwa wamezalisha wataalamu zaidi ya 150 ambao wataweza kusaidia sana kuokoa shule zenye uhaba wa watalaamu hao

MWISHO

WATOTO WA KIKE WAKIPEWA MOYO NA MOTISHA WANA UWEZO WA KUSHIKA NAFASI ZA JUU KATIKA MITHIANI YA KITAIFA

WATOTO WA KIKE WAKIPEWA MOYO NA MOTISHA WANA UWEZO WA KUSHIKA NAFASI ZA JUU KATIKA MITHIANI YA KITAIFA

,Arusha

IMEELEZWA kuwa asilimia kubwa ya watoto wa kike wanashindwa kufanya vema katika mithiani ya mwisho pamoja na masomo ya Sayansi kwa kuwa wanakatishwa tamaa na jamii zao hasa walimu na wazazi

Watoto wa kike wana uwezo mkubwa sana wa kufanya vema na kushika nafasi za juu katika masomo na mithiani yao lakini kwa sasa wanakabiliwa na changamoto ya kukatishwa tamaa hali ambayo inawafanya washuke Kitaaluma

Hayo yameelezwa na Mwanafunzi bora  katika  Mthiani wa darasa la saba  mkoa wa Arusha, na Wilaya ya Arusha Vijijini,Pricilla Calvin Marealle wakati akiongea na Majira mapema jana kuhusu kiwango cha Ufaulu wa watoto wa kike kwa mkoa wa Arusha

Alisema kuwa watoto wa kike wana uwezo mkubwa sana wa kufanya vema katika mithiani yao ya Mwisho na hivyo kushika nafasi ya juu Kitaifa endapo kama mfumo ambao upo katika baadhi ya familia na Shule utabadilika

Akielelezea mfumo huo ambao unasababisha wanafunzi wa kike kushindwa kufanya vema ni pamoja na kukatishwa tamaa hasa katika masomo ya Sayansi na hivyo wanafunzi wa kike kuishia kuambiwa kuwa masomo ya Sayansi ni masomo ya wanafunzi wa Kike hali ambayo nayo inachangia sana wanafunzi kubweteka sana

Aliongeza kuwa mfumo mwingine mbaya ambao unasababisha kwa kiwango cha juu sana wanafunzi wa kike kushindwa kufanya vema katika masomo yao ni pamoja na wazazi, na walimu kukaa mbali na wanafunzi wao na hivyo kushindwa kuwapa moyo wa kufaulu huku wazazi wakiona jukumu hilo ni kwa ajili ya walimu na walimu wakiona kuwa jukumu hilo ni kwa ajili ya wazazi hali ambayo inawafanya watoto wa kike kushindwa kufikia malengo ambayo wamejiwekea

“Mimi naweza kusema kuwa nimekuwa mtoto wa pili Kimkoa na wa Kwanza kimkoa kwa kuwa walimu wangu na wazazi na ndugu zangu walikuwa wanafuatilia maendeleo yangu tangu nilipokuwa madarasa ya awali na pale nilipoanguka walitafuta chanzo  na kunipa moyo na motisha mbalimbali ndio maana niliweza kufika hapa na hivyo wazazi na walezi wanatakiwa kujifunza juu ya suala hili kama wanataka wanafunzi waweze kufaulu”alisema Pricilla

Awali alitoa wito kwa Serikali nayo kuhakikisha kuwa wanaboresha zaidi shule za Kata hasa upande wa Maabara ambapo kwa sasa napo kuna changamoto Lukuki ndani ya shule hizo hali ambayo inafanya hata wakati mwingine wanafunzi wa shule za Kata kuonekana kama ni watoto wa maskini kutokana na uhaba wa vifaa vya kujifunzia.

MWISHO

CCM MERU WATAKELEZA AHADI ZA CHADEMA

CCM MERU WATAKELEZA AHADI ZA CHADEMA

Na Queen Lema,Meru

Katika hali isiyokuwa ya kawaida Chama cha Mapinduzi  Wilaya ya Meru(CCM) kimetekeleza ahadi iliyotolewa na Viongozi wa Kitaifa wa chama cha demokrasia na Maendeleo(CHADEMA) kupitia kwa Mbunge wa jimbo hilo Joshua Nassari, ambapo viongozi hao walitoa ahadi ya kuchimba Visima 11ndani ya siku 90 katika Kata ya Maroroni kijiji cha Samaria lakini ahadi haijatekelezwa

Akiongea na Vyombo vya habari mapema jana Mwenyekiti wa Ccm Wilaya ya Meru,Furaini Mungure alisema kuwa Viongozi wa Chadema ambao ni Dkt Slaa,Ndesamburo, na Mbowe walitoa ahadi hizo wakati walipochukua jimbo la Meru Mashariki lakini hawakutekeleza ahadi hiyo ambayo ikuwa inadai kuwa watapeleka na kwenda kuchimba Visima 11 katika eneo Samaria Wilayani Meru

Alisema kuwa kutokana na hali hiyo Ccm imeona kuwa kuna umuhimu mkubwa sana wa kuhakikisha kuwa wanatekeleza ahadi hiyo ambayo walikuwa wameahidiwa wananchi lakini bado haijatekelezwa hali ambayo inasababisha madhara makubwa sana  kutokana na ukame uliokithiri ndani ya maeneo hayo

Alifafanua kuwa pamoja na kuwa Viongozi hao wa Chadema wametoa ahadi hiyo ya uchimbaji wa Visima lakini Ccm imeweza kufanikisha na kutekeleza ilani yake ambayo inasema na kudai kutekeleza mahitaji mbalimbali ya wananchi ambayo  kama hayatatekelezwa chanzo chake ni umaskini uliokithiri sana

“ahadi ilitolewa na Chadema na ilikuwa itekelezwe ndani ya siku 90 mara baada ya Mbunge wao kupewa madaraka na wanananchi haikutekelezwa lakini Sisi Ccm Tumetekeleza tena kwa kiwango cha hali ya juu sana ambapo shida kubwa ya wananchi wa maeneo hayo ilikuwa ni uhaba wa maji sasa sisi kwa kushririkiana na Halmashauri ya Meru  tumeweza kumaliza mchakato huo visima “aliongeza

Akielezea Utekelezaji wa Ahadi hiyo ya Visima 11 ambayo ilitolewa na Chadema alisema kuwa Ccm tayari imeshakamilisha mchakato wa kupeleka maji katika kijiji cha Samaria, ambapo mpaka kufikia mwezi wa tatu wananchi hao watapata maji

Mungure alibainisha kuwa Chama chake kitajenga Tanki la maji lenye ujazo wa lita elfu hamsini ambapo wananchi hao wataweza kupata maji kwa uraisi sana tofauti na sasa ambapo wanalazimika kutembea Umbali mrefu sana kutafuta maji

Mbali na hayo alisema kuwa  nao viongozi wa Ccm hawatakiwi kukaa maofisini na badala yake wanatakiwa kwenda kwenye jamii na kuangalia jinsi ya kutatua changamoto ambazo zinaikabili ili kuweza kutekeleza ilani ya Chama hicho.

MWISHO

POLISI ARUSHA WAKUSANYA BILIONI 1.2 KUTOKANA NA MAKOSA MBALIMBALI

POLISI ARUSHA WAKUSANYA BILIONI 1.2 KUTOKANA NA MAKOSA MBALIMBALI

Na Queen Lema,Arusha

Jeshi la Polisi mkoa wa Arusha limefanikiwa kukusanya kiasi cha Bilioni 1.2 kwa mwaka 2012 ambapo mwaka jana jeshi hilo lilikusanya zaidi ya  Milioni  518  kutokana na makosa mbalimbali ambayo yanatozwa mara baada ya wananchi kuvunja sheria za Jeshi hilo

Akiongea na “MALKIA WA MATUKIO”jana kuhusuniana na mapato ya jeshi hilo kwa mkoa wa Arusha kamanda wa polisi mkoani hapa Liberatus Sabas alisema kuwa kuongezeka kwa fedha hizo kunatokana na jitiada mbalimbali za jeshi hilo za kupambana na uhalifu.

Sabas alisema kuwa mbali na jeshi hilo kuweza kupambana na uhalifu hivyo kukusanya kiwango kikubwa sana cha fedha  lakini hata uhalifu wenyewe, ajali za barabarani nazo zimepungua  tofauti na miaka ya nyuma kutokana na jitiada ambazo zinafanywa na Polisi

Aliongeza kuwa kwa kipindi cha mwaka 2011 matukio ya ajali za barabarani yalikuwa ni 2507 wakati mwaka 2012 matukio yatokanayo na ajali yalikuwa ni 2106 sawa na upungugu wa asilimia 16

Akiendelea kuelezea pia alisema kuwa hata  matukio ya vifo vitokanavyo na ajali navyo vimepungua kwa kiwango cha hali ya juu sana ambapo  kwa mwaka 2011 matukio yalikuwa 211 huku 2012 yalikuwa ni 175 sawa na upungufu wa asilimia 17 ambapo hali hiyo imetokana na Jitiada mbalimbali ambazo zinatokana na Jeshi hilo

Mbali na hayo pia makosa ya barabarani ambayo yamelipiwa nayo yamechangia sana kuinua pato letu la mwaka ambapo yalikuwa ni zaidi ya elfu 42 kwa mwaka 2012 tofauti na mwaka 2011 ambapo makosa hayo yalikuwa ni 1978 sawa na ongezeko la makosa ya barababarani yaliyolipiwa kwa asilimia 119

“Unaweza kuona matukio yamepungua kwa asilimia kubwa sana lakini pia hata mapato yetu nayo yameongezeka sana hivyo basi bado tunakabiliwa na changamoto ya kuhakikisha kuwa masuala ya uvunjwaji wa sheria yanakwama kabisa ndani ya mkoa wa Arusha kwani uwezekano upo na pia kama tutafanya hivyo tutaongeza mapato lakini tutaokoa maisha ya Watu wa Arusha”aliongeza Sabas

Kutokana na hali hiyo Kamanda Sabas aliwataka wananchi wa Mkoa wa Arusha kuhakikisha kuwa wanakuwa walindaji wazuri wa sheria za nchi na wala sio wavunjaji wazuri wa sheria za Nchi kwani uvunjwaji wa sheria za nchi ndio chanzo cha vifo ,Umaskini pamoja na Migogoro mikubwa sana ndani ya jamii.

MWISHO

ARUSHA KUZINDUA KAMPENI YA USAFI FEBRUARY MOS,ATAKAYECHAFUA MAZINGIRA KUFIKISHWA MAHAKAMANI

ARUSHA KUZINDUA KAMPENI YA USAFI FEBRUARY MOS,ATAKAYECHAFUA MAZINGIRA KUFIKISHWA MAHAKAMANI

Na Queen Lema,Arusha

Uongozi wa Jiji la Arusha kwa kushirikiana na kamati ya usafi wa Jiji linatarajia kuzindua Kampeni ya usafi wa jiji ambapo kampeni hiyo itaenda sanjari na utozwaji wa faini kwa wachafuzi wa mazingira

Akiongea na Vyombo vya habari mapema leo mwenyekiti wa kamati ya mazingira Jiji la Arusha,Adolph Ulomi alisema kuwa uzinduzi huo utafanyika FebruaryMosi na utashirikisha wananchi wote

Aidha Ulomi alisema kuwa Umoja ambao umeundwa baina ya jiji na kamati hiyo utaweza kuwasaidia kusafisha Jiji la Arusha ambapo kwa sasa kuna changamoto kubwa sana ya uchafuzi wa mazingira

Alisema kuwa kupitia Kamati hiyo ya usafi wa mazingira ambayo inaanza kampeni zake February Mosi itaweza kuhamiashisha shuguli mbalimbali za usafi sanjari na kutoa,kuratibu,vifaa mbalimbali vya usafi ambavyo  hapo awali havikuwepo

‘Tumeamua kufanya mji wa Arusha kuwa na mabadiliko ya hali ya juu sana ikiwa ni pamoja na kuhakikisha hadhi ya jiji inarudi mahala pake hivyo February Mosi tutaanza kazi rasmi ndani ya jiji na tunatarajia kampeni hizi zizinduliwe rasmi na Mkuu wa Mkoa wa Arusha”alisema Ulomi

Katika hatua nyingine alisema kuwa kupitia kamati hiyo ya usafi wa Jiji la Arusha pia wataweza kusimamia sheria na kanuni  mbalimbali za usafi ikiwa ni pamoja na kuhakikisha kuwa wanaovunja sheria za usafi wanafikishwa mahakamani pamoja na kutozwa faini kubwa

Aliongeza kuwa baadhi ya makosa ambayo yataweza kutiliwa mkazo mkubwa hasa ya usafi wa jiji ni pamoja na kutema mate, kukojoa ovyo ndani ya jiji,kutupa taka ovyo,pamoja na kufanya biashara ndani ya maeneo yasiyo rasmi ambapo wakosaji wote watafikishwa mahakamani.

“unaweza kuona Abiria wanatoka mikoani lakini wanapoingia ndani ya Mji wa Moshi wanaambiwa sasa unaingia Moshi hivyo wasitupe taka lakini wanapoingia katika mji wa Arusha wanaambiwa kabisa wapo huru  kuchafua hili tunataka liwe ni historia  kabisa kwani  uwezo wa kufanya jiji liwe katika hadhi yake upo kabisa”aliongeza Ulomi

Pia alibainisha kuwa Kampeni hiyo ya usafi pia itaweza kwenda sanjari na utoaji wa elimu ya mazingira ndani ya Mitaa zaidi ya 100 ambapo wananchi wataelezewa madhara ya uharibifu wa mazingira.

MWISHO

MBUNGE LEMA AMTUNISHIA MISULI MKUU WA WILAYA,AFUNGA SHULE,MKUU WA WILAYA AIFUNGUA KWA GHAZABU KUBWA

MKUU WA WILAYA YA ARUSHA JOHN MONGELA AKIFAFANUA JAMBO ARUSHA,PICHA NA MAKTABA YA MALKIA WA MATUKIO

NAYE MBUNGE WA ARUSHA AKIJIBU MASWALI MBALIMBALI YANAHABARI MJINI ARUSHA PICHA NA MAKTABA YA MALKIA WA MATUKIO,ARUSHA

Na  Queen Lema,Arusha

KATIKA hali isiyokuwa ya kawaida Mkuu wa Wilaya ya Arusha John Mongela ameshukia Mbunge wa Jimbo la Arusha  mjini, Goodbless Lema  mara baada ya mbunge huyo kuifungia shule ya Sekondari Korona mapema  jana na kudai kuwa mbunge huyon hana mamlaka ya kufunga shule na asitumie kofia ya ubunge kuvunja Sheria na kuharibu amani ya Jiji la Arusha

Hatua hiyo imekuja leo mara baada ya Mbunge huyo kufungia shule ya sekondari Korona kwa madai kuwa shule hiyo bado changamoto nyingi sana  na hivyo wanafunzi wanasoma masaa mawili mpaka matatu hivyo ni bora kila mwanafunzi ahamishwe na kwenda shule nyingine

Akiongea katika mkutano uliohitishwa na uongozi wa jiji la Arusha Mkuu wa Wilaya,alisema kuwa,kitendo cha Mbunge Lema kufunga shule sio kitendo cha  kuvumiliwa kwa kuwa yeye ndiye mtungaji wa Sheria lakini yeye pia ndiye mvunjaji mkubwa sana wa Sheria hivyo pamoja na kuwa amefunga shule na kuwataka wanafunzi kuondoka ndani ya shule hiyo bado hajawasaidia wanafunzi hao,kwa kuwa jumatatu asubui watarudi na kuendelea na masomo

Alifafanua kuwa endapo kama Mbunge Lema angeona kuwa shule hiyo ya Korona ina matatizo ambayo ameyataja basi angeyatatua kwa kuwa shule hiyo bado ipo ndani ya jimbo na pia ipo ndani ya eneo ambalo anaishi hivyo bado anakuwa chanzo cha kudididimiza maendeleo ya shule hiyo

“haiwezekani mtu akalale na mke wake nyumbani alafu kesho aibuke aseme kuwa shule ya kata haina vigezo kama tutavumilia hili suala la Lema basi kesho na diwani naye atafunga shule kwa kuwa haina vigezo na  viwango  sasa mimi kama mkuu wa wilaya nasema kuwa hili suala halitavumilika ingawaje pia baadhi ya madai ya Lema ni kweli ila kabla ya yote angetakiwa aaangalie sheria ya mwaka 1995 inavyosema juu ya ufungaji wa shule”aliongeza Mongela

Awali Mkuu huyo wa Wilaya alisema kuwa madai ambayo Lema ameyatoa ni ya kweli na pia anaungana nae ingawaje anachomlaumu ni kushindwa kushirikiana na Viongozi ili Viongozi wazembe waweze kuwajibishwa kwa mujibu wa sheria na taratibu za Nchi

Mongela alisema kuwa suala la ukosefu wa Maji,Vyoo, na Usafi sio suala la hiari la kutekelezwa na Viongozi wa jiji bali ni suala la lazima kutekelezwa ingawaje mpaka sasa changamoto kama hizo hazijatatuliwa kwenye shule hiyo,na badala yake viongozi wa Jiji wamekaa ndani ya Ofisi zao ilihali wanafunzi wanateseka sana

“Leo tunasema kuwa Lema amefunga shule lakini tuangalie ukweli wa madai yake yupo sawa na mtanisamehe wakati mwingine mimi nitamuunga mkono na kumsaidia katika mambo yake kwa kuwa  wapo baadhi ya watendaji wabovu  ndani ya Halmashauri mnashushia hadhi Serikali na kwa hili mtaondoka mmoja baada ya mwingine na ninaanza na Mkuu wa Shule hii”alisema Mongela

“huyu mkuu wa shule ambaye ni John Ndewila amekuwa ni chanzo kikubwa sana cha haya matatizo ambayo yamepelekea leo shule kutangaziwa kufungwa sasa kwa hali hiyo nasema kuwa naanza nae kwa kumshusha cheo kuanzia sasa ni mwalimu wa kawaida na mpaka jioni barua imfikie’aliongeza Mongela

Awali aliongeza kuwa wanafunzi wa shule hiyo wanatakiwa kurudi shuleni hapo siku ya jumatatu na kuachana na kauli ya Mbunge kuwa shule imefungwa lakini pamoja na hayo Jiji la Arusha kwa kushirikiana na Mkurugenzi,na Afisa elimu sekondari wanatakiwa kuweka maji ndani ya siku moja pamoja na kutatua changamoto  za shule hiyo lakini kama hawatafanya hivyo watavuliwa madaraka

Katika hatua nyingine Lema alisema kuwa kamwe Mkuu wa Wilaya hapaswi kumuingilia katika majukumu yake kwa kuwa yeye amechaguliwa na wananchi wakati Mkuu wa Wilaya ameteuliwa na Raisi

Lema alisema kuwa anachokitafuta machoni mwa watu na Mungu ni haki na wala sio sifa kwa kuwa alipofunga shule hiyo alikuwa na viongozi wa Serikali,kama Vile Afisa elimu Sekondari,Afisa utumishi  na kwa hali hiyo ni vema kama Jiji likasaidia  na kutatua changamoto ambazo zimo kwenye shule za Kata.

MWISHO

SHIRIKA LABUNI MBINU MPYA YA KUWAFUATILIA MAMA WAJAWAZITO KWA SIMU ILI KUPUNGUZA VIFO NYAKATI ZA KUJIFUNGUA

SHIRIKA LABUNI MBINU MPYA YA KUWAFUATILIA MAMA WAJAWAZITO KWA SIMU ILI KUPUNGUZA VIFO NYAKATI ZA KUJIFUNGUA

 Jane Edward, ARUSHA

SHIRIKA  la Jhpiego  la jijini Dar es saalam limefanikiwa kubuni aina mpya ya mradi ujulikao kama Maisha ambapo mradi huo utaweza kutumia simu za mkononi kwa ajili ya kufuatilia afya za mama wajawazito  kwa malengo ya kupunguza vifo vya wajawazito

Akiongea na “malkia wa matukio”mjini hapa mapema leo Meneja mradi wa shirika hilo Dkt Dunstan Bishanga alisema kuwa mradi huo wa maisha umeanza kutekelezwa kwa mkoa wa Morogoro

Dkt Bishanga aliongeza kuwa mradi huo una malengo ya kuhakikisha kuwa inapunguza vifo vya mama wajawazito hapa nnchini lakini njia pekee ya kuwakutanisha wahudumu wa afya pamoja na wajawazito ni simu za mkononi hasa  kwa kuwapa wajawazito taarifa mbalimbali

Pia alisema kuwa Mradi huo ambao kwa sasa umeanza kutumika katika Mkoa wa Morogoro lakini wanaendelea kufanya tathimini mbalimbali za kuhakikisha kuwa unasambaa nchi nzima kwani una uwezo mkubwa sana wa kuokoa maisha ya mama wajawazito

Hataivyo aliongeza kuwa mara baada ya mkoa wa Morogoro kunufaika na mradi huo wataweza kwenda mikoani ikiwa ni pamoja na kuongeza zaidi ubunifu zaidi ili kuimarisha zaidi afya ya mama kwa manufaa ya Nchi nzima kwani vifo hivyo vinasababisha sana Umaskini katika jamii.

Awali alisema kuwa suala la mama wajawazito ni suala ambalo linatakiwa kuchukuliwa tahadhari kubwa sana ikiwa ni pamoja na kufuata taratibu sahihi za afya kutoka kwa wataalamu hivyo nao wazazi wa kiume wana nafasi kubwa sana ya kufanya hivyo

MWISHO

TANZANIA YAANZA RASMI KUTUMIA MFUMO WA KIMATAIFA NA KUACHANA NA MFUMO WA ZAMANI

TANZANIA YAANZA RASMI KUTUMIA MFUMO WA  KIMATAIFA NA KUACHANA NA MFUMO WA ZAMANI

Na Queen Lema,ARUSHA

Tanzania imeanza kutumia rasmi mfumo wa kimataifa katika masuala ya ukaguzi wa ndani ambapo mfumo huo utaweza kupunguza Viashiria mbalimbali vya ubadilifu wa fedha za umma

Hayo yamebinishwa  leo na mkaguzi mkuu wa ndani hapa Nchini Bw Mohamed Mtonga wakati akifungua mafunzo kwa wakaguzi wa ndani kutoka katika kanda ya kaskazini

Mohamed alisema kuwa mpango huo wa ukaguzi kwa mfumo wa Kimataifa umeanza kutumika rasmi hapa nchini July  Mosi ambapo utaweza kutoa na kuonesha viashiria mbalimbali ambavyo vinakwamisha shuguli za ukaguzi ndani ya Serikali kuu pamoja na  Serikali za Mitaa.

Alisema kuwa kupitia mfumo huo mpya wa kimataifa wa ukaguzi wa ndani utaweza kuboresha  na kuwafanya wakaguzi wa ndani kufanya kazi zao kwa uhuru zaidi tofauti na mfumo uliokuwa hapo awali ambao ulikua hautoi fursa kwa wakaguzi wa ndani

Alifafanua kuwa hapo awali wakaguzi wa ndani walikuwa wanashindwa kutekeleza  majukumu yao kutokana na viashiria vya vitu mbalimbali kama vile rushwa na uhusiano baina ya mkaguzi na mkaguliwa hali ambayo ilikuwa chanzo cha kukwamisha malengo mbalimbali ya ukaguzi hapa nchini ingawaje  ndani ya mfumo wa ukaguzi kimataifa suala hilo halipo kabisa.

Katika hatua nyingine alisema kuwa wakaguzi wa ndani bado wanakabiliwa na changamoto ya uhaba wa bajeti hali ambayo nayo inafanya washindwe kufanya kazi na kukagua miradi kwa wakati husika

Alisema kuwa kwa sasa wakaguzi wa ndani wanashindwa kufika kwenye miradi tena  kwa wakati kutokana na uhaba wa bajeti ambazo zinatengwa na  Halmashauri huku hali hiyo pia ikichangia sana kutofikia malengo mbalimbali ya kiukaguzi ambayo  yanatakiwa kuwekwa na pia  kusaidia jamii

MWISHO

MAKAMU WA RAISI ADAI KUWA VIFO VYA UZAZI VIMEPUNGUA KWA ASILIMIA 50

DKT GHARIB BILALI AKISISTIZA JAMBO LEO KATIKA UKUMBI WA MIKUTANO,AICC,PICHA NA ASHURA MOHAMED

NA ASHURA MOHAMED,ARUSHA

Idadi ya vifo  vinavyotokana na uzazi imepungua kwa asilimia hamsini ikilinganishwa na mwaka  2009 ambapo takwimu zinaonesha kuwa vifo vilikuwa 500 huku mwaka 2010 vifo vilipungua na kufikia 250 ambapo lengo halisi ni kupunguza vifo vya akinamama na kufikia 193 ifikapo mwaka 2015.

Akizungumza wakati wa kufungua mkutano wa Afya ya Mama Makamu wa Rais wa Jamhuri ya Muungano wa Tanzania Dkt.mohamed Gharibu Bilal alisema kuwa serikali inajitahidi kuhakikisha kuwa malengo hayo yanafikiwa ili kuhakikisha kuwa vifo visivyo vya lazima havitokei tena.

Dkt.Bilal alisema kuwa vifo vinavyotokea wakati wa kujifungua ni lazima suluhu ipatikane ili kuweza kuzuia matatizo mbalimbali ambayo yanapelekea akinamama hao kupoteza maisha hivyo kupitia mkutano huo ni wazi kuwa watashirikiana vyema katika kupeana utaalam kwa nchi zilizofanikiwa ili kuokoa maisha wa wanawake.

Alisema kuwa baadhi ya nchi ambazo zinashiriki katika mkutano huo wa kimataifa tayari wameshapiga hatua kubwa hivyo kupitia nchi hizo ni wazi kuwa mafanikio yatapatikana na hatimaye Tanzania itaweza kufikia malengo kwa kupunguza vifo vianavyotokana na uzazi.

Aidha amefafafunua kuwa takwimu zinaonesha kuwa nchi za kiafrika zinazoendelea vifo vya akinamama ni vingi sana ambapo kwasasa ni asilimia 99 ya akinamama wanapoteza maisha kutokana na vifo vya uzazi.

“Nataka naomba niwaelezeni kuwa Tanzania ipo tayari kushirikiana na asasi zisizo za kiserikali ili kuweza kupunguza vifo vya akinamama na kuhakikisha kuwa mama yeyote hafariki dunia kutokana na uzazi na watoto pia wasipoteze maisha kwa magonjwa ambayo yanazuilika.”alisema bilal

Kwa upande wake waziri wa Afya Dkt.Hussein Mwinyi alisema kuwa alisema kuwa wazira yake kwa kushirikiana na serikali ina mikakti ya kuhakikisha kuwa kila mama anapata lishe kabla ya kubeba ujauzito ili aweae kuapata nguvu za kujifungua na kuwa na afya bora.

Alisema kuwa changamoto nyingine inayopelekea vifo kwa akina mama ni usafiri ambapo akina mama wengi wanajifungulia njiani kutokana na umbali pindi wanapotafuta huduma za afya.

Pia kwa sasa serikali itatoa vifaa vya kujifungulia bure ili akina mama wote waweze kujifungulia katika vituo vya  afya kwa kuwa nusu ya akinamama wanajifungulia nyumbani kwa uoga wa  kulipia gharama za vituo vya afya.

Naye Mkurugenzi wa asasi ya (MDH) dkt.Chalamila Guerino alisema kuwa mkutano huo utakuja  na maazimio ya namna  ya kusaidia kupunguza vifo kwa akinamaama kwa kuboresha huduma ya afya ili wanaweze kufikia malengo ya millennia.

Mwisho……………

FRANK LEONARD AKABIDHIWA MIKOBA YA MAREHEMU MWANGOSI IPC

FRANK LEONARD AKABIDHIWA MIKOBA YA MAREHEMU MWANGOSI IPC

Viongozi  wa  IPC  wakiwa katika picha ya pamoja na baadhi ya  wanachama mara baada ya mkutano  huo maalum wa uchaguzi jana kutoka kushoto ni katibu mtendaji  wa IPC Francis Godwin(mwenye suti) ,mwenyekiti  wa IPC Frank Leonard , Mzee Flugence Malangalila mwanachama na aliyekuwa msimamizi  wa uchaguzi huo Frederick Siwale

mwenyekiti mteule  wa IPC  Frank Leonard (kushoto) na katibu mtendaji  wa IPC Francis Godwin kulia tukiteta jambo katika moja kati  ya vikao vyetu mwaka jana

Aliyekuwa mweka hazina wa IPC marehemu Vicky Macha

Aliyekuwa mwenyekiti wa IPC Marehemu Daud Mwangosi na  chini siku alipouwawa  kinyama

KLABU   ya waandishi wa  habari mkoa wa  Iringa (IPC)  imekamilisha  kuziba mapengo ya uongozi yaliyokuwepo  ndani ya IPC  kufuatia  kifo cha aliyekuwa  mwenyekiti wake marehemu Daud Mwangosi aliyeuwawa tarehe 2/9/2012 Nyololo katika vurugu  za polisi na  Chadema kwa  kumchangua Frank Leonard kuwa  mwenyekiti  mpya  wa klabu  hiyo  huku Francis Godwin akiwa katibu mkuu wa IPC.

Mbali ya  kuziba nafasi hiyo ya mwenyekiti kwa Leonard  aliyekuwa katibu mtendaji  kuamua kugombea uenyekiti na Godwi aliyekuwa katibu msaidizi  kugombea ukatibu mkuu pia  wajumbe  wa mkutano huo wame mchagua Janeth Matondo  kushika  nafasi ya mweka hazima  mkuu  wa IPC nafasi  iliyokuwa  wazi  baada ya aliyekuwa mwekahazina Vicky Macha aliyefariki  mwezi  mmoja baada ya  kifo cha Mwangosi .

katika  mkutano  huo maalum  wa uchaguzi huo uliofanyika  leo   katika Hotel ya M.R mjini Iringa  msimamizi mkuu  wa uchaguzi huo Frederick Siwale  aliwataja  waliochaguliwa kuwa ni pamoja na aliyekuwa katibu mtendaji  wa IPC Frank Leonard aliyepata  kura  17 kati ya  kura 18 zilizopigwa katika nafasi hiyo ya uenyekiti  iliyokuwa  ikigombewa na mwanachama Zulfa Shomari aliyetangaza  kujitoa na kuomba  wajumbe  kumchagua Leonard kutokana na utendaji wake mzuri .

Wakati makamu mwenyekiti amepita  bila kupingwa Jackson Manga aliyepata  kura  zote 18 za  wajumbe  wa mkutano  huo ambao jumla ya  wanachama  hai  wa IPC ni 24 na  18  ndio  waliofika katika mkutano  huo  nafasi ya katibu mtendaji  wa IPC imechukuliwa na aliyekuwa naibu katibu mkuu wa IPC Francis Godwin ambaye ni mmiliki  wa mtandao  huu  aliyepata  kura  za ndio 16 huku  kura  2 zikimkataa .

Wengine  waliochaguliwa ni pamoja na mweka  hazina mkuu  wa IPC Janeth Matondo  aliyechukua  nafasi ya marehemu  Vicky Macha kwa kupata  kura  zote  za ndio 18  pamoja na mweka hazina msaidizi  Suleiman Boki  aliyepata  kura  zote 18 .

Wajumbe  watatu wa kamati  ya utendaji   waliochaguliwa ni  Hapy Matanji  aliyepata kura  (18) Swiga  Mwaisumbe (18 ) na Selina Ilunga(17).

WILAYA YA ARUSHA VIJIJINI KWA KUSHIRIKIANA NA MBUNGE WAO KUANZA RASMI MKAKATI WA KUJENGA HOSTELI SHULE ZOTE

GOODLUCKY OLE MEDEYE

WILAYA YA ARUSHA VIJIJINI KWA KUSHIRIKIANA NA MBUNGE WAO KUANZA RASMI MKAKATI WA KUJENGA HOSTELI SHULE ZOTE

Na Queen Lema,ARUSHA

Wilaya ya Arusha vijijini kupitia kwa Mbunge wa Jimbo la Arumeru Magharibi,inatarajia kufanya mabadiliko katika sekta ya elimu ambapo kwa sasa wanatarajia kujenga na kuimarisha hosteli kwa ajili ya wanafunzi hususani watoto wa kike ambao wanatembea umbali mrefu kwa ajili ya kutafuta elimu huku wakiwa mbioni kupatwa na Vishawishi mbalimbali.

Endapo kama tutajenga hosteli za kutosha basi hata kiwango cha elimu yetu nacho kitaweza kupanda kwa hali ya juu sana tofauti na sasa ambapo wanafunzi wanalazimika kupanga nyumba”GETO”ili wasome karibu na shule.

Hayo yameelezwa na Mbunge wa Arumeru Magharibi ambaye pia ni Naibu waziri wa ardhi Goodlucky  ole Medeye wakati akikabidhi hundi kwa halmashauri ya Arusha vijijini  ajili ya ujenzi wa shule ya sekondari Olokii  mapema wiki hii.

Medeye alisema kuwa ameamua kuwa balozi wa hosteli kwenye shule za Jimbo lake kwa kuwa bado watoto wa kike wanakabiliwa na changamoto nyingi sana hasa  ya kutembea umbali  mrefu huku wengine wakipanga nyumba hali ambayo inawafanya washindwe kusoma kwa raha huku hali hiyo nayo ikichangia sana washindwe kufanya vema katika masomo yao.

Alisistiza kuwa lengo lake halisi ni kuona kuwa hosteli zinakuwa ni nyingi sana ambapo wanafunzi watakaa mashuleni na kisha kusoma kwa raha huku pia hosteli hizo nazo zikichangia sana waweze kuondokana na Vishawishi ambavyo wanakutana navyo wakati wakiwa njia kuja au kurudi  majumbani  mwao

“Vishawishi kwa mtoto wa kike ni vingi sana lakini  kama sote tutainuka na kuhaikisha kuwa hawa tunakuwa na hosteli za kutosha basi itaweza kuraisisha sana maendeleo ya elimu lakini kama tutakuwa na tabia ya kujivunia eti wingi wa shule wakati watoto wanatembea umbali mrefu kutafuta elimu na barabarani wanakutana na vishawishi kibao ni wazi kuwa bado tutakuwa hatujafanya chochote kipya kabisa”aliongeza Medeye

Katika hatua nyingine alisema kuwa ili lengo hilo la ujenzi wa hosteli liweze kukamilika tena kwa wakati katika baadhi ya shule ndani ya Jimbo na Halmashauri yake ni lazima kuwepo na Ushirikiano tena wa hali ya juu sana ili kuweza kuwanusuru  watoto kutoka katika nyumba za kupangisha”GETO”

MWISHO.

LEMA ATETA NA MAFISADI WANAOTUMIA MAKANISA NA MISIKITI KWA AJILI YA KUJISAFISHIA

MBUNGE WA ARUSHA MJINI GOODBLESS LEMA AKIHUTUBIA WANANCHI KATIKA MOJA YA MIKUTANO YA HADHARA

LEMA ATETA NA MAFISADI WANAOTUMIA MAKANISA NA MISIKITI KWA AJILI YA KUJISAFISHIA

Na Queen Lema,ARUSHA

MBUNGE wa Jimbo la Arusha Mjini Bw Goodbless Lema ameyataka makanisa na Misikiti hapa nchini kuachana na tabia ya kuwakumbatia mafisadi kutokana na wingi wa sadaka zao na badala yake kuwaombea mafisadi hao waweze kubadilika

Asilimia kubwa ya mafisadi bila kujali imani zao sasa wanatumia sana Makanisa na Misikiti ili kwenda kujisafisha kwenye jamii kwa kuchangia kiwango kikubwa sana cha fedha huku fedha hizo za sadaka zikiwa ni  fedha chafu

Lema aliyasema hayo Jijini hapa wakati akihutubia katika mkutano wa hadhara na wananchi wa jimbo lake mapema jana,huku lengo halisi likiwa ni kukumbuka siku ya January tano ambayo baadhi ya wananchama wa Chadema walipoteza Maisha

Aidha Lema alisema kuwa tabia hiyo ambayo kwa sasa imeibuliwa na mafisadi ya kujisafisha kupitia vyombo vya dini si tabia njema kabisa bali ni tabia ambayo inapeleka nchi na kizazi chake mahala pabaya sana huku pia hali hiyo ikichangia Umaskini mkubwa sana kwenye jamii ya watanzania

Alisema kuwa wananchi kamwe hawapaswi kukubaliana na hali hiyo ya mafisadi sasa kutumia majumba ya ibada na kujisafisha bali na wao wanatakiwa kuamka na kuanza kufanya kazi ili waepukane na fedha chafu ambazo zinatolewa na mafisadi kwenye majumba ya ibada kama harambee

‘mimi nashangaa sana ninyi viongozi wa majumba ya ibada ambao kila kukicha mnakaa na kuomba Rehema lakini Mafisadi wakija na Fedha chafu hamuwaulizi na badala yake ndio mnawawekea mikono ya baraka sasa hamuwezi kuona kuwa mnawawekea mikono waendelee na kazi yao ya kuwaibia wananchi wa Tanzania?alisema Lema

Katika hatua nyingine alisema kuwa pamoja na kuwa yeye ni Mbunge lakini kamwe hatukubali kuona kuwa anahujumiwa ili awaache wananchi wa jimbo la Arusha mjini kwa kuwa wananchi hao ndio waliomuamini na wakampa kura ili aweze kuwaongoza tena kwa njia ya uhalali kabisa

Alisisitiza kwa wananchi kuwa ipo haja ya watu wote kumrudia zaidi Mungu na kuhakikisha kuwa kila mwananchi anakuwa mwaminiufu kwani uaminifu pekee ndio utakaoleta maendeleo ya Mkoa wa Arusha pamoja na Nchi ya Tanzania tofauti na kutegemea fedha chafu za harambee kutoka kwa Mafisadi

Hataivyo Chama cha Demokrasia na Maendeleo mkoa wa Arusha(CHADEMA)kiliweza kutoa misaada mbalimbali kwa vituo vitatu vya watoto yatima huku lengo likiwa ni kukumbuka mauji dhidi ya wanachama wa chama hicho yaliyofanyika January 5 mwaka jana.

MWISHO